MABIGAT ang loob na pumasok si Maia sa bahay nila. Natanawan na niya si Estella na nasa komedor. At parang gusto na niyang mapadaing nang makita ang mga nakalatag sa harapan nito. Bridal magazines iyon at brochure ng iba't ibang hotel.
"Look at these, hija," tuwang kaway nito sa kanya. Masyadong masaya si Estella para mapansin agad nito ang pananamlay niya. "Ipinadala ito ni Madel. She was asking my opinion. May napili na rin siyang hotel pero siyempre, tatanungin din naman niya kayo kung papasa iyon sa taste ninyo."
Kinuha nito ang isang magazine. "And look at this gown. Simple pero elegante, hindi ba? Tiyak na bagay ito sa iyo, Maia. Tumawag nga din pala ako kay Aureo Alonzo. Ang dami niyang suggestion for the entourage pati mga usong motif
ngayon. I-schedule na raw natin ang pagpasyal sa kanya para mai-prepare na mabuti ang mga mapipili mong design. And let's not forget the invitation, hija. May mga bagong design daw na laser cut." Excited na excited ito.
"Mommy, hindi pa sila namamanhikan," buong lungkot na sabi niya.
Napangiti ito. "Wala tayong dapat ipag-alala tungkol diyan. For formality's sake, darating sila dito sa Linggo. Dapat nga sana ay ngayong gabi kaya lang ang gusto ko naman ay naririto rin ang mga kuya mo."
Napabuntunghininga siya. "I'm tired, 'My. Gusto ko nang magpahinga." Hinagkan niya ito sa noo at tumalikod na.
"Maia, do you have a problem?" banayad na tanong nito na pumigil sa paghakbang niya.
Umiling siya. And she winced dahil simpleng pagkilos lamang iyon ng kasinungalingan ngunit nasaktan siya. Nakagat niya ang ibabang labi. Naramdaman niya ang paglapit sa kanya ng ina. At hindi na niya napigil pang mapaluha.
"Do you want to talk about it?" Estella said gently.
Tila napasasaklolong napatingin lang siya rito.
They went to her room. And not until Estella managed to lock her door bago ito tumabi sa kanya at saka siya muling nagbuka ng mga labi.
"What's your problem, baby?" Hinaplos nito ang buhok niya.
Napasigok siya. "Mommy, I don't want to hurt you." She dried her eyes at ilang beses na pinag-isipan ang salitang bibitawan. "But I can't marry Art. I'm sorry, Mommy. I'm so sorry."
Niyakap siya nito. It seemed ages since the last time she felt this kind of maternal embrace. At bagama't nag-aalala siya para sa kalagayan ng mismong ina ay nakadarama rin naman siya ngayon ng ginhawa dulot ng paghaplos nito.
"Have you found someone else?" banayad na tanong nito mayamaya.
Bumitaw siya ng yakap. "Yes," pabulong na sagot niya.
Malungkot itong napangiti. "Then who is he?"
"Pinsan siya ni Tita Connie."
Nagliwanag ang anyo nito. "Connie?" Then she frowned. "How long is your relationship with him? Pinagkakaisahan ninyo ako ni Connie at itinago ninyo sa akin ito?"
May nadarama pa rin siyang tensyon subalit parang gusto niyang matawa sa reaksyong iyon ng ina. "We've just met again. I didn't know he's related to Tita Connie until tonight."
"Mas pipiliin mo siya kaysa kay Art?" arok nito.
"Mommy, I have no deeper feeling for Art. He knew that. We're good as friends pero kung mas lalalim pa roon ay parang imposible. Nang tanggapin ko ang alok niyang kasal, alam niyang for practical reasons lang iyon. He didn't even insist na madaliin ang pagse-set ng wedding date."
"Don't tell me na kaya mo lang ginawa mo iyon ay para sa akin?" may lungkot na tanong nito.
"You're my mother. I want to do the things that would make you happy. Masaya na rin ako pag ganoon."
"But not in this case," banayad na pakli nito. "Maia, you're my daughter. I know how good you have been. And my love for you won't change kahit na hindi mo ako sundin sa bagay na iyon. I would understand you."
"I'm worrying about your health."
"I'll be fine," tila nakakatiyak na sabi nito. "And I guess, I'll feel better now. You've finally found someone you can share your life with. I wish it would be Art but the decision will always be yours."
"I'm sorry if I fall in love with someone else."
"Don't be, Maia. You don't have to feel sorry when you are in love." Ngumiti ito sa kanya ng nakakaunawa. "I want to meet this man, hija."
"Paano si Art?" May pangamba pa rin sa tono niya.
"Art is practical. I know he would understand. After all, kami lang ni Madel ang nagpasimula nito. And Madel is broadminded like me. Madidismaya siya but she wouldn't get angry. I'm sure of that."
Daig pa niya ang inilipad sa alapaap. Nang huminga siya ay malayang nakapasok sa baga niya ang hangin.
"Thank you, Mom."
She smiled at her sweetly. "Mayroon tayong kaunting problema, Maia."
"What's that?"
"We should not break your engagement with him without giving back his ring."
"But of course." Maluwag sa loob niyang hinubad sa daliri ang singsing ni Art.
--- tatapusin ---
Maraming salamat sa pagbabasa.
Facebook Page : JasmineEsperanzaAuthor
Booklat | Dreame : Jasmine Esperanza
Instagram | Twitter | Tumblr : jasmineeauthor
My Shopee Shop : MicaMixOnlineDeals
YOU ARE READING
Places & Souvenirs - BORACAY 3 - Island Adventure, Island Magic
RomanceIn-adjust ni Maia ang sunglass at ipinagpatuloy ang sunbathing niya. She closed her eyes at hinayaan niyang haranahin siya ng mabining hampas ng alon sa dalampasigan. She felt very much relaxed. She let her other senses para madama ang paligid niya...
