{Unicode}
အခန်း (၁၇) - Attention
ရဲစခန်း၌ ရဲသားတဦးက လူတယောက် အင်တာနက်ကဖေးမှာ ပြဿနာရှာနေပြီး ထိုလူ့ကိုကြည့်ရတာ စိတ်ပိုင်းဆိုင်ရာ ပြဿနာတွေရှိနေပုံပေါက်တယ်ဆိုတဲ့ ဖုန်းခေါ်ဆိုမှုတခုကို လက်ခံရရှိခဲ့တာကြောင့် ၎င်း၏လုပ်ဖော်ကိုင်ဖက်များကို ခေါ်ဆောင်ကာ အင်တာနက်ကဖေးသို့ ချက်ချင်း အပြေးအလွှားသွားခဲ့တယ်။
အင်တာနက်ကဖေးထဲမှာတော့ ကပျစ်ကညစ်ပုံပေါက်နေတဲ့လူကို လူပေါင်းများစွာ ကြမ်းပြင်ပေါ်မှာ ဖိချုပ်ထားကြတယ်။ သူက အပြင်းအထန် ရုန်းကန်နေရင်း သူ့အိတ်ကပ်ထဲက တစုံတရာကိုယူဖို့ ကြိုးစားနေတယ်။ ရှည်သွယ်သွယ်အရာတခုကို သူစမ်းမိသွားပြီး သူ့လက်ထဲမှာ ဆုပ်ကိုင်ထားလိုက်တယ်။
လူတယောက်ရဲ့လက်သီးက ခေါင်းပေါ်ကျလာချိန်မှာ သူက ဓားကိုထုတ်ပြီး သူ့နံဘေးကလူကို ပြင်းပြင်းထန်ထန် ထိုးပစ်လိုက်တယ်။ ဒဏ်ရာရသွားတဲ့လူက သူ့ဝမ်းဗိုက်ထဲမှာ နာကျင်မှုကို ခံစားသွားရတာကြောင့် မတတ်သာစွာနဲ့ဘဲ ခြေလှမ်းအနည်းငယ် နောက်ပြန်ဆုတ်ကာ ဒဏ်ရာကိုကာဖို့ ကြိုးစားလိုက်တယ်။ ထိုလူက ကြမ်းပြင်ပေါ်လဲကျသွားပြီး ဒဏ်ရာကနေ သွေးတွေပန်းထွက်လာကာ အနီးအနားရှိလူတွေကို ထိတ်လန့်သွားစေတယ်။
ဒီအခွင့်အရေးကို အရယူပြီး ထိုလူက ထွက်ပြေးသွားတော့တယ်။
"အား... လူသတ်သမားဗျို့!"
စူးစူးဝါးဝါးအော်သံက မှင်တက်နေတဲ့ လူတိုင်းကို နိုးကြားသွားစေတယ်။ အင်တာနက်ကဖေးဆိုင်ပိုင်ရှင်က တုန်ရီနေတဲ့လက်တွေနဲ့ အရေးပေါ်နံပါတ်ကို ဖုန်းလှမ်းခေါ်နေချိန်မှာ သူ့ဘေးကလူက ရဲကို ဖုန်းဆက်ခေါ်နေခဲ့တယ်။
အခင်းဖြစ်ပွားရာနေရာက တကယ့်ကို ပရမ်းပတာဖြစ်လို့နေတယ်။
ထွက်ပြေးသွားသူက အခုလေးတင် တစုံတယောက်ကို ထိခိုက်ဒဏ်ရာရအောင် လုပ်လိုက်မိတဲ့အပေါ် ကြောက်မနေလေဘူး။ သူ့လက်ပေါ်က သွေးတွေကိုကြည့်ပြီး သူနေထိုင်ရာ အန္တရာယ်ရှိတဲ့ အဆောက်အအုံဆီ တိတ်တဆိတ် ပြန်လာခဲ့တယ်။ သူရေချိုးပြီး သန့်ရှင်းတဲ့ အဝတ်အစားတွေ လဲဝတ်လိုက်တယ်။
YOU ARE READING
မူကြိုကျောင်းက ဗီလိန် [ မြန်မာဘာသာပြန် ] { Completed }
HumorTitle : Villain in the Kindergarten Author : Mù Zhī Chū (慕之初) Total Chapters : 76 + 1 extra (77) Genre : Comedy, Shounen Ai, Slice of Life English Translator : lilwitch & asoc1a7 (Shanghai Fantasy) Myanmar Translator : Moonflower_K This is just a pu...