مالك الحُب

الخوف من الحقيقة 3..

رفع رأسه عزيز بتعجب " وش تقصدين ؟ "
حينها فُتح الباب بقوة وسمعت صوت ذلك الوسيم يقول " عزوز فيه وحده قليلة ادب كانت تدورك "
التفت عليه ورأيته وكنت مندهشه بكلامة !
عزيز : بسم الله نواف شفيك درعمت علينا
ميلان : ماذا ماذا ! هل انا قليلة ادب !!!
نواف : والليل انتي بكل مكان اشوفك !
ميلان : احترم نفسك انت قاعد تتكلم مع محامية !
نواف : وش بتسوين يعني بترفعين قضيه؟
ميلان : اي لك انت و اشكالك
غضب عزيز حينها وضرب الطاولة بقوه
عزيز : انت و ياها تراكم بمكان محترم
تقدم الوسيم " نواف " وجلس بالمقعد الذي امامي
نواف : اوف محاميه وعندك عزوز علمنا وش السالفه
عزيز : انت اصلًا خليتنا نعرف السالفه
ميلان : اقول الحكاية وهذا الرجل موجود تسمح ؟
نواف : ياختي انا وعزوز عشرة عمر مع بعض بعدين تراك ملخبطه بين مراكز اللغة العربية ومركز الشرطه
عزيز : نواف بتسكت ولا اطردك؟
نواف : بسكت بسكت
عزيز : تفضلي قولي السالفة
ميلان : اخي عزيز ، ماذا لو اقول لك ..
نواف : تكفين يالمحامية تكلمي عامي
ميلان : لو اقول لكم انك يا عزيز بتاخذ حق اخوك وحق الناس المظلومين غير اخوك
عزيز : انا للحين مافهمت وضحي اكثر
ميلان : الأخ نواف ، انت تعرف ان القاضي الطرف الثاني دفعوا له مبلغ عشان يفوزهم بالقضية و ينظلم اخو عزيز ؟
نواف : ايه ادري
ميلان : حلوين كذا يكون عندنا شاهد ، اسمع عزيز راح نرفع قضية على القاضي انا بسوي كل شيء بس اللي ابيه انك تكون متواجد بالمحكمة
عزيز : ابي اعرف ليه رجعتي تفتحين القضية بعد ماتقفلت؟
ميلان : تقفلت بنظرك لكن بأنظار المحاميين مستحيل تتقفل
نواف : اعجبتني المحامية ذي تفكر تفكير غريب
عزيز : صح نسيت اقولك ذي المحامية ميلان
نواف : تشرفنا
ميلان : الشرف لي
عزيز : طيب الحين وش بيصير وضعنا ؟
ميلان : انا برفع قضيه وانت و نواف لازم تكونون بالمحكمة بس عزيز لا تتكلم ولا تبرر الا اذا سألك القاضي او المحامي اعطيهم اجابة مختصره
نواف : اطمني عزيز من كثر مايدخل المحكمة عرف البلا انا وش بسوي
ميلان : انت لا تسوي شيء الا اذا قال القاضي نبي الشاهد بس ..
عزيز بصوت خافض : كأنها زبدت لك؟
نواف : ماشاءالله حتى انت حاس
ميلان : عمومًا اكلمك بوقت ثاني انا انتهت جلستي عندك
خرجت من الغرفة و خرج بعدي نواف مسك يدي وشدها اليه
التفت اليه وانا منهذله وقلت
ميلان : ...