مالك الحُب

أغار عليك .

اتى اليوم الثاني ..
استيقظ الياس وبعد ما خلع الثوب الذي يستر جسده اتصل احد على هاتفه ظن انها ميلان لكن كانت ايلا ، ارتبك الياس وظن بأن بها شيء بسبب اتصالها ! ولم يكُن اتصال عادي .. قد كان اتصال فيديو ، حين كان سيُجيب على اتصالها اغلقت الإتصال ، ف ظن الياس بأنه عن طريق الخطأ ..
بدأ بإرتداء لباسه المدرسي ولم يلبس جاكيت المدرسة لأنه دائمًا يشعر بالحر عندما يلبسه فـ دائمًا يضع جاكيت على كتفه .. خرج من الغرفة وطرق باب غُرفة " اياس " ثم قال " اياس لا تأخرنا انا تحت بسوي الفطور " لم يجب اياس ف ظن انه قد يأخذ استحمام او انه كعادته يرتدي سماعته وبأغنية المفضلة .. نزل الياس واذا به قد وجد اياس في الخارج يرتدي سماعته ويسقي الزهور .. غضب الياس منه ظننًا بأنه سوف يأخره " شفيه ذا بس يظن " ذهب وبدأ بتجهيز الفطور حينها اتى اياس وبدأ بالإفطار وذهب فورًا يلبس خرج الياس ليخرج سيارته من مأوى السيارات التي كانت " DBS سوبرليجرا " وكان لونها اسود ، خرج الياس من سيارته ولبس نظارته الشمسية ووضعه ظهره متكئ على سيارته وينظر الى هاتفه وكان يتواصل مع ايلا
الياس * شفيك متصله ؟ *
ايلا * يمه متى اتصلت ؟ *
الياس * الصباح متصله علي فيديو *
ايلا * طيب حنا في الصباح ليه تحطها فعل ماضي *
الياس * هههههههه راح تداومي ؟ *
ايلا * اي اكيد بس بنشوف نواف او عزيز يودونا *
الياس * باخذكم بسيارتي *
ايلا * انت عندك سياره ؟ *
الياس * اي و امس مطلعها *
ايلا * بكلم اخوي و اقولك *
خرج اياس من الكوخ ونظر الى الياس والى سيارته ، رفع اياس نظارته الشمسية منهذل ومندهش .. ضحك الياس وقال " جبتها ولا ماجبتها " اجاب اياس " جبتها بس من وين لك الفلوس ؟ " ضحك الياس وقال " نسيت ان ابوي ماخذ بطاقاتنا الخاصه ؟ " اندهش اياس وقال " كيف اخذته ومتى اخذته ووشلون " فتح الياس باب سيارته وقال " ذي اسأله ما احب اجاوب عليها " رمى الياس بطاقة اياس وقال " خذ بطاقتك واسكت من اسألتك ذي " ركب سيارته الياس واتى بعده اياس ، حينها وصلت رسالة الى الياس من " ايلا " وكانت الرسالة تحتوي على " ترى اخوي وافق انك تجي تاخذنا " ارسلت له الموقع ، ابتسم الياس وتوجه فورًا الى منزلهم ، ركب كل من سيلا و ايلا الى سيارة الياس وقد كانت ايلا خلف الياس فورًا وخرج عزيز بعدهم نزل الياس وقابل عزيز
الياس : هلا والله بعزيز
عزيز : يامرحبا وزين اني شفتك لا اوصيك على خواتي ولا تسرع
الياس : هههه افا عزيز ازهلها
ابتسم عزيز وذهب ورجع الياس الى سيارته وعدل مرآه السيارة ووجهه الى ايلا .. ابتسمت ايلا وحاولت ان تخفي ابتسامتها بالنظر في الخارج
الياس : ودكم نروح لكوفي دام الوقت بدري ؟
سيلا : فيه بالمدرسة ليه نروح
الياس : مايعجبني اللي بالمدرسة بوديكم لكوفي بتشكروني عليه
ذهب الياس الى الكوفي وحين كان سينزل
اياس : وين وين يالطيب ما اخذت طلباتنا
الياس : لحظه تبون تجلسون بالسياره؟
ايلا : لا تكفون خلونا نجلس برا
سيلا : الجو بارد ما اقدر انزل
اياس : شفيك مالك خلق انتي؟
ضحك الياس و ايلا بقوة وفهم اياس بأنه كان بإمكانه ان لا يسأل هذا السؤال ..
الياس : خلاص اجل عطوني طلباتكم وش تبون ؟
اياس : اقولك مشروبي ولا انت عارفه؟
الياس : توأمي حبيبي كيف ما اعرف وش مشروبك؟
اياس : الله يخليك
ايلا : v60
الياس : اوه زينا ، سيلا تبين ؟
سيلا : لا ابغى انام
اياس : دامك تعبانه ليه داومتي ؟
سيلا : اياس لو ماسكت بطلع كتاب القانون وبصفقه براسك
الياس : لحظه اليوم علينا قانون؟
ايلا : اي و اول حصة بعد
الياس : يووهه ماجبت الكتاب ..
اياس : لا تهتم اصلًا ميلانو ماراح تعصب عليك
ذهبوا الى المدرسة بعد ما اخذوا مشروباتهم ، حين وصلوا الى مدرستهم
ايلا : ذي سيارة نواف!!!
الياس : طيب ؟ واذا ؟
ايلا : نواف مايدري !!
الياس : المهم عزيز يعرف
ايلا : وسيلا وش بيكون وضعها
اياس : اصلًا شوفوا نواف غارق بالحب وواضح مروق ماراح يهاوشها
ايلا : تصدقون كيوت ميلان و نواف مع بعض
الياس : الحين ماعليكم من نواف وميلان ، سيلا نايمه مين يصحيها؟
ايلا : طيب اسمعوا انا اقدر اصحيها بس اصبروا لين يروح نواف
اياس : انتي شايفه نواف كيف متكي على السياره واضح مطول
الياس : عندي خطه
اياس وايلا : وشو ؟
الياس : ايلا راح تنزل تتكلم مع نواف اتوقع انه هو يبي يشوف جيتوا او لا
ايلا : طيب واذا قال وين عزيز؟
الياس : قولي انه نزلنا وراح وبعدها هو بيروح
اياس : وطيب سيلا مين بيصحيها ياعيني ؟
الياس : شفيك تسبق الأحداث انت؟ ، انت راح تصحيها
اياس و ايلا : نعمممم !
الياس : اجل شوفوا وش بسوي ..
تقدم الياس الى نواف وفتح الشباك
الياس : هلا والله نواف تبي احد ؟
نواف : اي بنتظر خواتي
الياس " بخبث " : خواتك معي
نواف : نعم !
الياس : اقصد ايلا وسيلا معي
نواف : وليه انت اللي ماخذهم مو عزيز؟
الياس : قلت دامنا بطريق واحد اختصر الموضوع و اخذهم
نواف : اها طيب زين اجل سلام
ركن الياس سيارته
ايلا : غريبة يتكلم ببرود ولا عصب !
سيلا : اصلًا من يوم ماتزوج ميلان وماصار يعصب غريب
اياس : الحمدلله انك صاحيه وانتم انزلوا بلا سوالف
ابتدت الحصة الأولى ، ودخلت انا الى الفصل والقيت السلام و استقبلوني بكل رحب و حب ، فورًا بدأت بشرح الدرس لهم و انتهيت من الدرس وقد كان متبقى من الإنتهاء من الحصة الأولى ربع ساعه ، بدأت احتسي قهوتي وكنت اتصفح كتابًا اسمه " عُتمة الأجراس " حسنًا لا تعجبني تلك الرواية لأنها قصة جدًا عاديه اقرأها فقط لأضيع بعض الوقت مني لكنني احب " تُركي ، لورا " لأنهم كوميديين ويضحكوني دائمًا ومعهم ايضًا "غيث" ، تمنيت لو ان الكاتبة لم تجعل سيف ينفصل عن يارين ، لكن هذه الكاتبة أحبها تُدعى " ارجوان " لأعترف لكم بأن الكاتبة صديقتي لكن هي في مدينة اخرى .. حين كنت اقرأ الكتاب وجدت امامي ثلاث كراسي وفيها " الياس ، اياس ، ايلا " لحظه هنالك شخص ليس متواجد ؟ انها سيلا تركت كتابي جانبي وبدأت اتحدث معهم ..
ميلان : شفيها سيلا؟
ايلا : تعبانه شوي
ميلان : طيب ليه ما غابت ؟
ايلا : مافي احد بيكون بالبيت
ميلان : اوه اجل باخذها معي لبيتي ، وصح مافي اخبار لأبوكم؟
الياس : لا والله من يوم دخل المصحة وانا ماشفته
اياس : قبل يومين تقريبًا رحت وطلبت اشوف ابوي ، و ابوي رفض انه يشوفني
ميلان : لا حول ولا قوة الا بالله ! وش القساوة ذي
الياس : يوه ذي ولا شيء من اللي يسويه فيني
اياس : مدري بس اني تركته ، والياس راح واخذ بطاقاتنا
ميلان : كيف !!
الياس : عندما يكون لك عقل ذكي يسهل عليك انك تاخذ البطاقة وفوقها سيارة
ايلا : سيارته مره حلوه من استون مارتن
ميلان : نفس سيارتي DB11 ؟
الياس : لا DBS
ميلان : ياخي تعجبني الياس
اياس : وانا؟
الياس : يالليل الغيره
ضححكنا جميعًا وحينها انتهت الحصة الأولى وذهبت الى طاولة سيلا وقلت لها " سيلا قومي باخذك معي " نهضت سيلا وذهبت معي ووصلت الى منزلي و اعطيتها بعضًا من المهدأت ونامت ..
حسنًا اشتقت جدًا لنواف .. هل اذهب الى المركز و أفاجأه ؟ حسنًا الفكرة دخلت رأسي سوف اذهب لكن من سيبقى عند سيلا؟ لا يوجد احد متفرغ الأن سوى هيام .. اتصلت على هيام وطلبت منها المجيء وذهبت لأغير ملابسي و عدلت بعض من المكيب الذي وضعته اليوم وحين نزلت قابلتني هيام
هيام : شفيك تبيني اجي
ميلان : انا بروح لنواف و اخته سيلا نايمه فوق تعبانه و ابيك تجلسين بالبيت عندها
هيام : وشو بوديقارد انا ؟ لكن اعترفي انك مشتاقه لنواف
ميلان : مره مو وقت استهبالك المهم انا بروح
بعد ماذهبت قالت هيام " ابوك يالطفش وش اقعد اسوي اسولف مع نفسي ولا وش اسوي! الله يخليلنا السينما اللي حاطته ميلان ببيتها "
توجهت الى المركز والذي لم احسب حسابه هو ان الصحافة متواجده امام باب المركز ، حسنًا لم القي لقاء صحفي منذ فتره ، حين نزلت من سيارتي فورًا رأوني الصحافه وتوجهوا الي
الصحافة : المحامية ميلان هل خبر زواجك صحيح ؟
ميلان : اي نعم تزوجت وبعد كم يوم سيكون حفل زفافنا
الصحافة : نشر قبل فترة انك كنتي انتي بالكوفي مع عشيقك
ميلان : نعم اعلم بهذا الشيء ، في الواقع كونكم صحافة حققوا في هذا الموضوع وانظروا هل انا كنت مع الذي ادعيتم بأنه عشيقي
الصحافة : هل المحقق نواف هو زوجك ؟
ميلان : حين يأتي حفل زفافنا ستعرفون وتشبعون فضولكم من يكون زوجي
الصحافة : حدثينا عن كيف التقيتم ببعض ؟
ميلان : هذه امور خاصة وانا لا اجاوب على تلك الأمور
الصحافة : حسنًا نشكرك على جوابك لأسئلتنا
ميلان : العفو .
دخلت لمركز الشرطة ولا اعلم ماتلك السرعة بالصحافة حين نشروا لقائي في جميع برامج التواصل الاجتماعي.. اه اكره الصحافة جدًا لماذا لا ينتظرون الى نهاية اليوم مثلًا ! ، ذهبت الى مكتب نواف ولم يكن متواجد فيه بقيت في المكتب انتظره ، ‏دخلت فتاة تُدعى " هيفاء " كان معها ورد من اللون الأحمر وداخلها كرت حين دخلت اندهشت بتواجدي
هيفاء : اوه انتي تبين المحقق نواف ؟
ميلان : اي ، لكن تفضلي
هيفاء : انا اخذت ورد لنواف معجبه فيه مره بس طلع متزوج
ميلان : صدق نواف متزوج؟
هيفاء : ايي لكن راح اخرب بينهم وراح يتزوجني
ميلان " بهدوء دون غضب " : وليه راح تخربين بينهم؟
هيفاء : ودي اعرف مين زوجته عشان اكلمها و اقول انه يحبني ويخوني معك عشان تنفصل عنه ويصير لي
ميلان : عجيب اعترفي له انك تحبينه
هيفاء : امس جيت له وناظرته وبعدين رفع لي يده اللي فيه الخاتم الا صح بسألك ليه تبغين نوافي ؟
ميلان : تعرفين مين انا ؟
هيفاء : اي المحامية
حينها تقدمت وبدأت بمسك عُنق هيفاء بقوة وقلت " انا زوجته " وبدأنا بالشجار وبينما كنا نتشاجر دخل نواف الى المكتب و ابعدني عن هيفاء
نواف : وش حركات الأطفال هاذي !!
هيفاء : هي اللي ضربتني
نواف : هيفاء اطلعي من مكتبي وانا ذي سادس مره اقولك لا تدخلين مكتبي وانا مافيه
خرجت هيفاء وعيناها مليئة بالدموع ..
التفت الي نواف وقال " وش جابك وليه جيتي ووش مسويه بالبنت " ابتعدت عنه و اخذت الورد ورميته في وجهه وقلت " اذهب للمعجبه بك تحدثك عن الذي حدث " اخذت حقيبتي وخرجت من المكتب وكان ورأي نواف يُلاحقني وكان يُنادي بأسمي " ميلان " حين خرجنا من المركز التفت له بعصبية وقلت " ماذا ماذا!! لا اريدك اغرب عن وجهي !! اذهب للتي هي معجبه بك لا تطاردني !! " امسك رسغي وشدني اليه وقبلني ابتعد عنه وصفعته كف وفورًا ركبت سيارتي وتوجهت الى منزلي ، ذهب نواف الى مكتبه وبدأ بتفحص الكاميرات المراقبة الموجوده في المكتب حينها سمع ما قالته هيفاء لميلان و اخذ الوردة ورأى الكرت وقد كان مكتوبًا بها " أحبك نواف " ضرب نواف الطاولة و قال نواف بغضب " اللعنه " اخذ مفاتيح سيارته وذهب فورًا الى المنزل حينها رأى هيام
نواف : هيام شفتي ميلان ؟؟
هيام : اي شفتها رايحه فوق معصبه
نواف : shit
ذهب نواف مسرعًا الى غرفتهما و اذا به الغرفة مقفله وكان يسمع بُكائي قال نواف " ميلان انتي فاهمه غلط اسمعيني " وقلت له " نواف ما ابغى اشوفك " ذهب نواف للخارج وبدأ بتسلق الشرفة التي في غرفتهما وبعدما تسلق دخل الغرفة اندهشت حقًا منه ! قال نواف " تبين تعاتبيني ؟ تعالي انا لك وعاتبيني " بدأت بالغضب و اعاتبه وكنت اضرب صدره بيداي .. كان صامتًا و ينصت الي .. شدني اليه وحضنني وقد قال " تغارين وانا كلي لك ؟ " بدأت بالبكي على حضنه ووضعه انامله على شعري وكان يُهدأني ، نظرت له وعيناي مليئة بالدموع مسك وجهي وبدأ بتقبيلي ، ابتعد عني وجعلني انام في حضنه ، وحين نمت ذهب هو وبدأ بتغيير ملابسه ونزل تحت وقد كانت هيام موجوده
نواف : اي هيام كيف التمثيل معاك
هيام : مُتعب بشكل لا يوصف
نواف : هذا هو التمثيل تحملي
هيام : لا اقصد مُتعب اننا نتنقل بأكثر من مكان
نواف : طيب انتي بطلة المسلسل ؟
هيام : اكييدد طبعًا ! عندهم هيام ولا يخلونها البطلة
نواف : العب يالثقه ، طيب ما كلمك ملهم او شيء من هذا القبيل ؟
هيام : ميلان ما قالت لك ؟
نواف : ترى ميلان كاتمة اسرار شلون تبيني اعرف ليه وش فيه
هيام : يحاول يكلمني من خمس ارقام وانا ماغير ابلك الأرقام
نواف : ياساتر يوم انفصلتوا ماسوى كذا !
هيام : تشوفف ! اقولك ذا لعاب وكذاب ويحط اللوم علي اني انا السبب بأنفصالنا
نواف : ليه يحط اللوم عليك؟
هيام : لأن اشك فيه
نواف : يستهبل ذا ؟ طبيعي جدًا ! دام ماصرتوا لبعض اكيد بتشكين فيه
هيام : ميلان تشك فيك؟
نواف : ميلان غير عن الكل تزوجتها على طول
مد لها كوب القهوه نواف
هيام : شكرًا ، يعني تخيل حاط علي اللوم اني اشك فيه وما اثق فيه وتخيل بعد كم يوم سوى حساب بأسم شخص انا ضايفته يبي يشوف انا اقبله او لا
نواف : كيف يعني ؟
هيام : قبل لا ننفصل بكم يوم ضفت واحد المهم محد من صديقاتي يدرون اني احب و اولهم ميلان ف جو هم يشبكوني معه وكذا وانا عطيتهم على جوهم وسويت نفسي اني احب هذا وصرت امدحه عشاني معطيه صديقاتي على جوهم
نواف : حلو .. للأن اشوف الوضع طبيعي؟
هيام : ولما جيت انفصلت عنه انا قارنته بالولد هذا
نواف : اي اي عرفت اذكر قال بدخل نادي و استغربنا وقال ان اللي كنت احبها قارنتني بواحد
هيام : ايوا ، المهم بعد ما انفصلنا بكم يوم تقريبًا سوى حساب نفس يوزر ذاك الولد وجاء ضافني انا عارفه انه ملهم ف قبلته وبلكته
نواف : وجاء يلومك انك تشكين فيه
هيام : ايوا قهرني !! من الصدمه ماقدرت اتكلم و اقول
نواف : ماعليك منه ، نصيحتي لك وانا اخوك اللي يروح يجي غيره عشر
هيام : قصرت الصراحـ...
سيلا : كيف جيت هنا ؟
نواف : سيلا !! شفيك ياعيون اخوك !
سيلا : تعبانه بس انا متى جيت هنا !
هيام : ميلان شافتك تعبانه و اخذتك تنامين ببيتها
سيلا : اي اي تذكرت
نواف : سيلا وش اللي تعبانه منه!
سيلا : ذا سؤال؟
نواف : اها ههههه قولي جايتك الدورة ليه الألغاز هذي روحي روحي للغرفه وبخلي الخدم يسوون لك اشياء دافيه
هيام : دامك موجود نواف انا انتهت مهمتي برجع لبيتي
نواف : لا خليك موجوده اليوم عندنا لأن عزيز بالليل بيجي
هيام : زين بشوف
نواف : جيبي قهوتك على ما اروح اكلم الخدم وخلينا نجلس بالصاله نسولف
ذهب نواف ليخبر الخدم ثم اتى الى هيام
نواف : اي وقلتي لي بس ذي سالفتكم
هيام : اي انت تعرف الباقي ان فيه بنت كلمته وكذا
نواف : لا ما ادري وشو
هيام : قالت لك ميلان ان لما انفصلنا ورجعنا لبعض فيه بنت مدحته ولا قال لي
نواف : اي اي تذكرت ، طيب الحين تفكرين تحبين او تتزوجين ؟
هيام : لا والله يكفي اني حبيت قبل ملهم اربعه
نواف : يا بلاير اربعه!!! ومع ملهم خمسه!!
هيام : تراني كنت احبهم من قلب
نواف : ماشاءالله شلون قدرتي
هيام : الخبره
نواف " بخبث " : اي الخبره هههه
هيام : لا ياقليل الأدب اقصد الخبره اني احب خمسه
نواف : اي شدعوا مصدقك
ضحكت هيام وفي الساعة التاسعة ليلًا ..