مالك الحُب

عِتاب و شوق .

ميلان : تعالوا بنات نروح داخل وبعطيكم بجامات تلبسونها
ايلا : لا مايحتاج بنجلس شوي وبعدين بنروح
ضربتها سيلا وهمست لها " تستهبلين انتي ماصدقت على الله اشوفها "
ابتسمت لهم ودخلنا للمنزل وطلبت من الخدم ان يجلبون الملابس
بعد عشرين دقيقه
ميلان : اي بنات تكلموا عن ملهم وكذا
سيلا : ليه ماتعرفين انتي قصته؟
ميلان : لا قولوا لي
ايلا : ملهم كان يحب وحده ومدري وش صار بينهم و انفصلوا وقرر يصير كاتب لأن حبيبته كانت تتمنى واحد كاتب وكذا ويكتب عنها
ميلان : طيب مارجعوا لبعض؟
سيلا : اذكر بأغلب كتاباته كان فيه اسم هيام اتوقع حبيبته اسمها كذا
ميلان : هيام!!
ايلا : اي شفيك؟
ميلان : لا ولا شيء تكلموا بعد عن ملهم
سيلا : اي اقولك صار لهم فترة مفترقين
ميلان : كم لهم سنه؟
ايلا : تقريبًا سنتين او سنه
جاء اتصال لإيلا من اخوها " عزيز "
عزيز : وينكم مو بالبيت؟
ايلا : اي حنا عند بيت ميلان
عزيز : المحاميه !!!
ايلا : اي شفيك
عزيز : ارسلي لي الموقع وش ذي الميانه تكونون ببيتها
قفل الاتصال عزيز و التفت ايلا لي
ايلا : اسفه ميلان لكن اخوي عزيز بيجي ياخذنا
ميلان : ليه عادي ابقوا عندي اليوم
ايلا : لا عادي المره الجايه
غيروا ملابسهم وطلعوا برا وشافهم عزيز
عزيز : اسف ميلان مادريت انهم هينا ولا كان اخذتهم
ميلان : لا عادي وانا اصلًا اللي طلبت منهم يجلسون
ابتسم لي عزيز وذهب هو و الفتيات
مسكت هاتفي واتصلت على " هيام "
هيام : هلا بالحلوه
ميلان : ضروري تجين و الأن
هيام : ليه بسم الله وش صاير؟
ميلان : تعالي وتعرفين
قفلت الاتصال و انتظرت هيام تأتي إلي
اتت إلي خادمتي وقالت ان هيام بالخارج وطلبت منها انها تدخل
هيام : شفيك بسم الله
ميلان : هيام انتي مشتاقه لملهم؟
هيام : الله يستر علينا وعليه يا ميلان
ميلان : جاوبيني
هيام : خلاص الله يستر عليه
ميلان : هيام انتي للحين تحبين ملهم؟
هيام : خلاص يا ميلان
ميلان : طيب وتاريخ 11/1 اللي بيدك وش هو! وتاريخ 26/5 اللي حاطته بدفتر ذكرياتك!
هيام : ياخي يا ميلان انا كنت بعلاقه مع ملهم وماحبيت اقولك عشان ماتعصبين علي وانفصلنا في العيد ومن بعدها تغير هو مره هو يحسبني اني مستانسه وعايشه حياتي وزياده على كذا تذكرين الولد اللي كنت اقولك اني احبه وكذا؟
ميلان : **** ؟
هيام : اي هذا كنت اقولك اياه كذا عشان بس ماتشكين اني بعلاقة مع ملهم وكنت معطية صديقاتي على جوهم عشان بس مايشكون اني احب وماقلت لملهم اني امدح الولد عشان صديقاتي مايشكون
ميلان : كملي انا اسمعك
هيام : بعدها تغير ملهم مره وجلسنا منفصلين 19 يوم صار ينزل وجهه بجميع التواصل الاجتماعي وبعدها صديقاتي عرفوا اني انا احب ملهم لأن كنت اتهاوش معاه بالتغريدات وراحوا فورًا لي ويسألون مين ومين وبعد كم يوم جاوبت لهم اني انا احب ملهم وراحوا فورًا يتكلمون معاه وقعدوا يسألونه اذا هو يبيني او لا! وقال اي وبعدها كلمتني صديقتي وكانت تبي تقنعني ارجع له لكن انا كنت من زمان افكر ارجع له ورجعنا
ميلان : هيام لا توقفين كملي
هيام : صار يكلمني بأسلوب بارد وبعدها طلبت منه انه يحذف صوره من جميع التواصل الاجتماعي ورفض قال ان خويي بيزعل علي وانه حلف علي ان اذا حذفت الفديوهات بيزعل انقهرت لكن قدرت الصداقه وصرت كل يوم اشوف الفديوهات وكنت اقول لملهم ان تراني ماني مرتاحه لفكرة صورك لأن انا اللي بتضرر وعصب ملهم علي قال انتي تحسبيني راح احب ومدري ايش لكن كنت احاول اتكلم و اقول ان انا ماحددت الضرر اللي بيصير لي
ميلان : كملي هيام
هيام : وصار بارد معي مره وصار شيء وصار بارد جدًا بعدها طلب مني اننا ننفصل وترجيته لكن انفصلنا مرت كم يوم وبعدها شفت وحدة ضايفته بحسابه ببرنامج ثاني وكانت هي الوحيده اللي ضايفته شكيت بأن البنت تحبه
ميلان : لحظه انتي شكيتي ان بينهم علاقه ولا شكيتي ان البنت تحبه؟
هيام : لا شكيت ان هي تحبه لأن هي ضايفته بكل البرامج
ميلان : تمام كملي
هيام : رحت وسألتها وقلت تعرفين ملهم؟ لكن البنت كذبت وقالت لا ما اعرفه انا ما ارتحت لأن عارفه ان حدسي قوي وابي اتغلب على حدسي بس ذي البنت راحت وقالت لملهم ان ذي البنت جتني وجاء ملهم وعصب علي وقام يهاوشني ان انتي ماتثقين فيني وقام يقول كلام نفس السهم اذا دخل بالإنسان انجرحت و انكسرت وبعدها ملهم اثبت لي ان بينهم شيء جاء ملهم وضاف البنت هاذي وبعدها انا بكييييت بشكل لا يوصف
ميلان : يعني؟
هيام " تبكي " : رحت لملهم وقلت له ان بسوي شيء واحد هو اللي بيخليني انتظرك او امشي بطريقي وبعدها هو عرف وصور لي المحادثات و اللي يقهر يا ميلان ان البنت مكلمته من زمان ولا قال لي ! واللي يقهر اكثر ان هو معطيها وجه ويضحك معها و انا مستنقص بالضحكة انه يحطها لي واللي يقهر اكثر ان هي تناديه بالدلع اللي انا اناديه فيه
ميلان : بس؟
هيام " تبكي " : اي بس ميلان انا احبه ولو انه جمره على قلبي لكن كسرني جدًا
ميلان : طيب هو ماشك فيك زي ما انتي شكيتي فيه؟
هيام : لحظه اتذكر ... اي اي طلب مني اصور له ردودي بالبرنامج *** يعني اللي ارسلت لهم
ميلان : الحين يعصب عليك انك تشكين فيه وانتي سكتي له عشانك تحبينه؟
هيام : قلت لك يا ميلان ماقدرت والله ماقدرت حتى لو اني بكتب بس كلام اني ما اسامحه انا مو قادره قلبي مايطاوع
ميلان : اسفه هيام لكن ملهم مايعرف شخصيتك صح مايعرف انك اذا تعلقتي تشكين مايعرف ان حدسك عالي مايعرف ان عندك حب التملك و الغيره
هيام " ببكاء " : بالله وش اسوي ! انا قلبي يبيه
ميلان : عندك حسابه؟
هيام : اي للحين نراقب بعض
ميلان : عطيني اياه
هيام : وش بتسوين؟
ميلان : مو شغلك يا هيام انتي بتجلسين عندي اليوم
اخذت حساب ملهم ورحت كلمته وطلبت منه انه يجيني اليوم
الساعة 6:30 "
دخل ملهم للمجلس وبعدها دخلت انا وقعدت اتكلم معاه
ميلان : انت تحبها منجد ؟
ملهم : ميلان والله اني اعشقها و اموت فيها بس انا ساكت عن اشياء كثييييره
ميلان : مثل وش؟
ملهم : عن مدحها لذاك اللي اسمه ***** وعن انها قارنتني فيه و اشياء كثيره تجرح
ميلان : بس ...
دخلت هيام بغضب
هيام : وش جابك وش اللي رجعك!
ملهم : هيام انتي معصبه خلينا نتفاهم
هيام : كسرتني وتجي ؟
خرجت من المجلس دون احد يعلم
ملهم : وانتي ياهيام جرحتيني وقارنتيني بالولد ذاك حتى ماكنتي تثقين فيني !
هيام : وش شعورك وانا بارده معك ومع غيرك اضحك و استهبل ؟
ملهم : انا راضي لأني واثق فيك
هيام : واثق فيني و انت طالب مني اصور لك اللي اكلمهم بالبرنامج **** ؟
ملهم : نفس ما انتي قاعده تطلبين مني انك تدخلين حسابي !
هيام : ملهم لو انك صنت العهد اللي بينا وكلنا كنا واعدين بعض اننا مانكلم غير بعض ومانحب غير بعض لكن انت وش سويت ؟ رحت وكلمت ذيك البنت *****
ملهم : هيام والله اني انا احبك ولو اكلم مليون بنت غيرك
هيام : لكن البنت شكلها تحبك يا ملهم
ملهم : وانا ما ابي حبها ابيك انتي !
هيام : لو تحبني ماكسرتني
ملهم : ولو تحبيني ماشكيتي فيني
هيام " تبكي " : ملهم انا كل ما ارمش اتذكر محادثاتكم لبعض انام و اصحى و انا اسمك على لساني صرت كل يوم احلم فيك ، تذكر لما خليتك تحلق شعرك باللي كنت ابيه؟ وبعد فراقنا جيت ونزلت ستوري وكنت كاتب انك مقهور على شعري وكأنك تقول انك ندمان اني اتبعتك وقصيته ! ملهم انا مافهمت لك تبيني او تكرهني !
ملهم : هيام لو تحبيني انتظريني و اجي اتقدم لك
هيام : ملهم كيف تبيني اتزوجك وانت كاسرني ؟
ملهم : ياخي هيام كلامك كل ماله يثبت لي انك ماتبيني اتزوجك ولا تبين  تنتظريني
هيام : انا ابيك ولو انك الحين تتقدم لي لكن هو طلب واحد بس وبعدها بروح ولا عاد بتشوفني
ملهم : قولي وشو ؟
هيام : قبل لا تجي تتقدم لي تطهر من الداخل قبل لا تطهر من الخارج
ملهم : كيف مافهمت
هيام : كرر هالكلمه اكثر من مره وبتفهم
حينها قامت هيام وتوجهت الى الباب لكن كان الباب مغلق
هيام : ...