احببت_متوحدا🌹

08

8
-اااه لحقيقة طا راني نعرف حكايتو لكل
-قعدت مدام خديجة على حافة الفرش تبكي علا كبدتها ترا فيه ذابل عاجز و مش منجمة تعملوا شي تبكي و بحرقة
-امان يا طا متبكيش هاكات ربي شحب
-ايه نعرف يا بنيتي نحمد ربي علا كل شئ ايا خليني نمشي نطيب لفطور لا عمك زياد يورينا
-ههههه باهي طا
خرجت و خلاتها هزت روحها خرجت للصالة تلقا سي زياد يقرأ في الكتاب قدمت قعدت قداموا
-عمي زياد علا شنوة يحكي لكتاب
-هههه لكتاب هذا يحكي علا دنيا و عبادها و ميفهموا كان لي قدي انتي منتصورش باش تفهموا خاتر مازلت صغيرة و نتعرف شي مدنيا
هوا يحكي و هيا سارحة فييه كيفاه يحكي و وجهوا متبسم مش مصدقة الي ورى لوجه هذا عبد حزين و قلب موجوع عمها زياد لي يتضاهر قوي و يا جبال ما يهزك ريح مشوي علا ولدوا مالداخل بلحق الكبدة مرة فاقت من شرودها و قصت عليه
-عمي زياد اني مش بنتك علاه مفيباليش باكرم مش انا لي من صغرتي تحكيلي كل شئ اني بيرك كيما تقول انتي علاه قتليش عليه
سي زياد وجهو ولا الوان ضهر وجهوا الحقيقي لي كان مخبيه راجل حزين هاز جبال علا كتافو