احببت_متوحدا🌹

14

14
دخلتوا لطبيب و قعدت لبرا هكا حب الطبيب قعدت تستنا لبرا ساقها ترڨل و حدها تحل لباب خرج اكرم مشاتلوا
-لباس اروحي عملها إشارة معناها اي دخلت لطبيب باش تشوفوا شنوة باش يقولها
-شوف مداموزال مسيو اكرم ينجم يتعالج كيفاه يلزمك تعلموا يعمل كل شئ وحدوا و يعمل سيونس متع نطق شنكتبلك جواب لطبيبة باهية متع النطق باش تعاونوا يرجع يحكي خاتر كيما قلت في عمر ستة سنين يحكي عادي و هذي حاجة إيجابية توا اكرم بين يديك طفل صغير و انتي باش تعلموا كل شئ و بطبيعة معاك مرشدة مختصة في مرض التوحد لازمك دخلوا في وسط العائلة باش ينجم يتعود يقعد بحذا لعباده صحيح شتلقا صعوبة أما نجم نصنعوا مل المستحيل حاجة
-باهي دكتور مرسي
خرجت تلقاه يستنا فاها شدتوا من يدوا خرجوا تعدات للبارك قعدوا عال الكرسي تشوف فيه خايف ولات تهدي فييه لين ملقات باها وين هزتوا و رجعت بيه روحت تلقا ناس لكل متحيرين سي زياد عينيه حمر مالغش خافت عرفتها قارصة
-اكرم عيش روحي برا لبيتك هاني خالطة عليك باش نفطروا
مشا مغير معمل حتى ريكسيون مرام بلعت ريقها
-عمي زياد لباس صحتك لباس
-اسس مرام متحكي حتى كلمة مذابيا صوتك نسمعوش حسبناك كيف بنتنا حكينالك على اكرم و صيناك تقربلوش أما انتي سمعتش كلمتنا منحب نعملك شي انتي أمانة عنا أما نوصيك اكرم متقربلوش مفيهش علاج شيقعد كاك
دمعتها هبطت وحدها قداه غاضها كيفاه بوو يحكي علا ولدوا هكا كيفاه يقول مفيشي دواء
-عمي والله اكرم ينجم يبرا لوم هزيتو لطبيب قالي باش يبرأ خلوني نتلاها بيه امان قص علاها يعيط
-لا خير علا خير هزيتوا لطبيب شوف معندك شي يربطك باكرم باش تتلاها بيه انتي جيت باش تقرا مش باش تحل مشكل اكرم
طرشقت بالبكاء معادش فاها مشات تجري لبيتها ترمات في الفرش تبكي بشهقة و تحكي وحدها
-علاه يا ربي علاه راني قاعدة نتحرق راني وين نراه ذابل و منجمش تعاونوا جواجية تتحرق تعبت والله
تذكرت كلمت مفما شي يربطكم ببعضكم جات فكرة لبالها لازم يولي فما حاجة تربطهم لازم مسحت دموعها قامت مالفرش تبسمت بخبث خرجت تلقاهم قاعدين في الصالة قدمت و قفت قدامهم سكتت شوية و هوما يغزورلها و تكلمت
-عمي نحب نكتب الصداق اني و اكرم ...
😍😍😉