احببت_متوحدا🌹

16

16
دخلت تمشي بشويا جايبة معاها القهوة فرقت علاهم الكل شربت القهوة لاكرم لكل يغزرولها كيفاه تسايس فيه قول ولدها سي زياد حس براحة كبيرة كيف رآهم متفاهمين تاكد لي مرام شتتلها بيه غزر لبو مرام
-سي محمد تعرف لي مرام كيف بنتي و اكثر طفلة عاقلة و متربية هكا علاه جيناك خاطبين راغبين في بنت الحسب و نسب بنتنا مرام لولدنا اكرم
-والله شنوة باش كلمة ترجع لمرام مرام موافقة
-ايه موافقة قلتها بتحمس للي خلا لكل يضحكوا علاها تفاهموا عالعرس بعد جمعة في دار سي زياد كتبان صداق العايلة برك هكا حبت مرام خافت لا اكرم يتقلق اكرم وجهوا نور بالرغم ميفهمش أما حسها حاجة باهية باتوا ليلة غادي و صباح مدام عايشة و محمد حضروا رواحهم و مشاوا معاهم بكرهبة الي في الڨراج متع الفيرما شراهلهم سي زياد باش كي يستحقولها يستعملوها
جمعة تعدات كلها تحضير للعرس بالرغم لي هوا بسيط ليوم حنة مرام قامت صباح بكري على تزغريط و ريحة لبخور.لتفحفح قامت زاهية مشات عملت تولاتها حضرت زوز قهاوي غافلت العيلة و دخلت لبيت اكرم تلقاه راقد قدمت حلت الريدو الشمس ضربت في عينيه بدا يتململ اول مراها تبسم قام لبس جليتوا الشمس ضاربة فيه منضر يعشق مرام سرحت فيه فاقت كي مدلها القهوة
-اسمع بعد منعرسو شنبداوا في العلاج باهي عملها براسوا باهي
كملت شربت قهوتها خرجت تلقاهم يلوجوا علاها باش تمشي للحجامة قررت تعمل حنتها في صالة و تستدعى العباد خرجت هي و رانية و عبير مشاوا لقهوة عملوا تصاور داروا في بوتيكات خذات دبش العربي و روبة سوراي عبير و رانية كراوا روب سنبل و مزيانين نفس الفسون و زينة يختلفوا كان فاللون تعداوا للحجامة عملتلهم سوان و مساج و عملوا مكياج بعد خرجوا مشاوا بالكرهبةة للصالة دخلوا من الباب تيلاني تعدوا للبيت يلقاوا لماشطة غادي لبست مرام لعربي طلعت فتوق عبير و رانية لبسوا روبهم كونش اعلاهم توأما