هل كان حلماً ...؟ (الِعراق_المُصغَر)

«البــــــــارت الرابــع»

« الحلقـــــه الاولى »

روايـــــــــة

«هل كانَ حلماً...؟»

( ارواح ــ مُهشَمه )

بقلمي... Nawras

احنه كلش المحد مستعز بينا...
احنه العشنا
بالغربه وسط بيوت اهالينا...

ـــــــــ2009ـــــــــ2010ــــــــــ

:- معروف بكل مكان انو الاب هو اليصرف ع اطفاله ويكونلهم سند وعزوه

يوصلهم ويوفرلهم كل احتياجهم يسندهم لحد ميوصلون للي يردو ومن يشوفو اعتمد ع نفسه

هنا يجي دور الابناء بالبر بوالديهم ودائما نگول (كما تدين تدان)

ان احسنت اليهم احسنو اليك وان اسأت لهم اساؤو لك الا مارَحِم ربِ...

بيبي بهية دائما تگول الطفل يتطبع بطبع اهله

اذا الاهل سيئين يطلع الطفل مثلهم واذا الاهل خلوقين الطفل يطلع خلوق..

بس هذا الكلام موصحيح رغم اهلي سيئين بس مقدام ماطلع سيئ مثلهم

كل همه يشتغل ويجيبلنا لگمة الحلال هو انسان زين مو سيئ هو ممجبور بينا بس ترك دراسته وحلمه لاجلنا

حتى رتيل رغم صغيره بالعمر بس دائما تعلمنا الصح من الخطئ وتعلمنا انو ملازم نسيئ للغير

لان رب العالمين يكره الناس السيئين ويحرمهم جناته ونعيمها
يحب الناس الزينين ويمتعهم بجنانه ونعيمها..

بس احنا صار ويانه العكس ابويه يطلب من اخويه فلوس ويريده يصرف عليه

بالعاده الطفل من يجوع لو يشتهي شي عيونه تندار الاهله

عكسنا احنا من نشتهي شي او نجوع عيونه تروح لمقدام ويلبي طلباتنا بأبتسامه حلوه مثل روحه

حُره :- عطت مخروعه ع الطمه الاجت بوجهه اخويه

فتح عيونه يباوع الابويه مصدوم سمار وجهه المنطي جمال وجاذبيه انخلط وياه احمرار مكان الضربه

التفتت عيوني ع صرختها المفجوعه

:- ليييييش تضررررربه لييييييش... حجتها وهي تضرب بوجها ودموعها تدير..

... كااااافي تعبتوووونااا لكم انتم هم تنحسبوووون اهل هم الجناااان جوه رجليكمممم لكم انتم الكبر حرام بيكم وهواااااايه عليكم ...

تحجي بحرگة گلب وويه كل كلمه تطلع منها تشهگ شهگه احسها طالعه من نص گلبها

:- التفتت عيوني لابويه دنگ رفع النعال بإيده وگف وشمره ع رتيل طاح بكتفها

رجع شال الثاني وراح عليها ديضربها وهو يصيح ويغلط

شعلان... گح.... ه عايقه ادبسز عليمن تعلين صوتج وعليمن تگولين الگبر هوايه عليه اوكفي اربيج من جديد