عبدالعزيز طلع وراح عند الحارس
: تعال محمد شيل اغراض
محمد: طيب بابا
......................................
با بيت الي الكل طالع برا بعد انتصال عبدالعزيز انهم يطلعون عشان يحركون
عبدالرحمن : يلا يابنات اركبوا مانبغى العجز
ام نايف : احنا عجز يا ضفدع
الكل ضحك
عند البنات
ريهام : الله فله
عبدالعزيز : اي تشوفين فله وش تبون تسمعون
حور : يا ابن الاودام
عبدالعزيز وهو مو مستوعب : ابشري انتي اطلبي وانا اقول تم
عبدالرحمن : احم
عبدالعزيز : ها طيب طيب
نوير : دقيقه ليه اسم غزيل غزيل
الكل ضحك
عبدالرحمن : سالفته سالفه
غزيل : قل تكفى
عبدالرحمن : ابوك يوم شاف عيون الغزال قال يوه يامكبر عيونها قال ابوي سم الي با بطن حرمتك غزيل عشان يمكن تطلع نفس عيون الغزال وعشان كذا اسمك غزيل
غزيل : افا ذا الموضوع وانا اقول عيوني ليه اكبار ضلمني ابوي
الكل ضحك
الديره طبعا في كثير مايعرفون ايش الديره يعني مكان الاجداد
حور قعدت تغني لما قال : يا ابن الاوادم مليت ترى مليت المحلك انا اعزك واحبك واعشق ترابك
عند غزيل الي شافت بقاله وصارخت : بقاله وقفوا
عبدالعزيز فز : خوفتيني كل ذا عشان بقاله مناك يا وصلنا رحنا
حور : لا تكفى عشاني وقف
طبعا هنا ذاب عبدالعزيز : يلا بسرعه تعالوا انزل معاهم عبدالرحمن
وقف عند البقاله
ودخلوا البنات ريهام كانت تدور مواصفات الكيك عشان بتسويها
وكلهم تجمعوا عندها ماعدا نوير جت نوير تركض
وزلقت وطاحت على وجهها والكل ضحك
حور : هاك يدي قومي
نوير فيها البكيه : اقول لا تضحكون
راعي البقاله : اوص انت مزعج كثير اطلع برا يابزر
عبدالرحمن اخذ الاغراض وراح عنده يحاسبهم
ورجعوا السياره وقعدوا يقولون لعبدالعزيز الي صار وضحك عبدالعزيز
عبدالعزيز : اليوم كلنا ماغير نطيح
عبدالرحمن : اقولك لا تشوفها فيها البكيه
عبدالعزيز : نوير فيك شي
نوير : توكم تحسون فيني لا شكرا
وكملوا الطريق
.........................................
عند الحريم
اما ام نايف الي تقهوي الحريم بسياره : اخذي ياهنوف واخذ ياعبدالله واخذي ام عبدالله
ام عبدالله : ياحليلتس من عمرتس سنعه
..............................................
عند الشياب
نواف : حنا وشو الي قروشنا مع هل شياب الي مالهم جو
فواز : اسكت بس
نواف : شغل محمد عبده
نايف : طيب
حطوا محمد عبده
وقعدوا يغنون فواز ونواف
...........................................
وصلوا الديره والكل يرحب والجده غاليه جايبه ذابيح وفرحانه بعيالها واحفادها الكل مجتمع حولها ويحبون يدها وراسها
الجده غاليه : الا وين صيته وراها ماجات معاكم
ابو عبدالله : بتجي مع ولدها
الجده غاليه : اي اي اشوا
راحو يحطون الاغراض بغرفهم
والبنات راحو يطبخون الذبيحه
بامطباخ
حور : مدري حنا الضيوف ولا بس الرجاجيل
ريهام : صدق يعني كرف من اليوم مانرتاح
نوير : عاد انا احب ذبح الذييحه
غزيل : انتي ماتتعبين ياحظك ماغير تكرفين
جت الجده غاليه
جده غاليه : اذكروا العجله
كلهم الي قالو سمي الي قالو طيب والي ابشري
....................................
عند مجلس الرجال
والضيوف الي داخلين وطالعين يرحبون فيهم ويسلمون
وفواز الي يصب القهوه وفجاءه يدخل ابو فهد والمجلس كله فز يسلم عليه وفرحانين ابو فهد هذا عمهم با رضاعه شخص طيب وسيع خاطر عنده ٣ بنات وولدين الي هم فهد وخالد و غاليه و حصه ومنيره
الكل العيال يرحبون وفرحانين طايرين بعيال عمهم و ابو عبدالله وابو نايف فرحانين على شوفه اخوهم الي ماشوفه من ٣ سنين
ابو نايف با فرح : فواز صب القهوه لعمك وعيال عمك
فواز راح عند ابو فهد وعياله : وهاذي قهوه احباب قلبي جاهزه سم ياعم
ابو فهد : ياحبيبي عمك انت
فهد : تسلم يا حبيب قلبي انت
خالد: تسلم يا المراهق
فواز ضحك : يعنني تراك بعد مراهق
خالد ضحك
