" ليله العمر "
المهم خلص رمضان وجاء العيد وانا با امل حور ترد لي بس شكل الامل بعيد عني قبل العيد بيومين رحت عند المحامي على اساس اساله عن الارض الي يبون يورثونها [ الارض ذي لها مكسب من الحكومه عشان كذا الكل يبيها ] واخر شي طلعت حق عمتي صيته امحق جتني فرطه ضحك ماقدرت امسك نفسي
عبدالعزيز وهو ميت ضحك : طيب يعطيك العافيه تقدر تقول حق الوالد وعمي
المحامي بعد مافهم السالفه : اهلك يدورون الزله امش نعلمهم
وتجمعوا وعلمهم
قام ابو عبدالله لابونايف يبوس راسه : والله معزه اخوي ماهي عن ارض ولا شي ومحشوم وعيدي صار عيدين
وابو نايف باس راسه : مقدوره ياخوي نايف رح علم عمتك
راح نايف يعلم العمه صيته
العمه صيته من كثر الفرحه قعدت ترقص والله ماعاد صرت استغرب من عائلتنا وشفت حور قدامي وقلت اقول لها
عبدالعزيز : الارض الي فيها ذهب وابلشو امنا فيها طلعت حق عمه صيته
حور بزعل : سمعتك وانت تقول لعمه صيته
عبدالعزيز : معقوله ما اشتقتي لي
حور : اكذب اذا قلت ماني مشتاقه لك بس تقدم بشكل رسمي وبعدها يصير خير
وراحت وكنا انا والعيال متجتمعين بادوانيه وتجي لي رسايل ورا بعض ورا بعض
نواف : يابزر شف جوالك ازعجنا
ورحت اشوف جوالي ولا وحده راسله لي عن يومها كتبت : مضيعه اختي
هي : لا انت عبدالعزيز كيف مضيعه
عبدالعزيز : مين معي
هي : لا تسوي ماتدري
عبدالعزيز : غبيه انتي شتبين راسله لي
هي : عبدالعزيز بس كنت بسولف معك
عبدالعزيز : انتخي بس واحترمي نفسك ولا تدخلين علي
هي : طيب
ما اسمع الا صوت نواف يضحك
عبدالعزيز : وش الي يضحك
نواف : انتخي واحترمي نفسك ماتجي
فيصل : ايش سالفه
حذفت الوساده براس نواف : ياز* حركات ذي لاتعيدها
نواف : سويت نفسي بنت وقعدت اسولف معه بتويتر وقال انتخي بس واحترمي نفسك ولا تدخلين علي
فيصل وهو يضحك : انتخي تكلم واحد من العيال
عبدالعزيز ؛ على ت**
جاء فهد الدوانيه
فهد : السلام وعليكم
العيال : وعليكم السلام
فيصل : فهد امي تقولك ادخل سلم عليها
انا قمت لاني ادري بيطالع حور : لا يدخل لحظه بشوف البنات بعدين يدخل
فهد : شدخل البنات
عبدالعزيز : والله كيفي انتظر بس مافيك صبر
دخلت ولقيت حور قاعده وعمتي صيته
عبدالعزيز : شتبين قاعده هنا فهد بيدخل
حور تبي تنرفز عبدالعزيز : والله عاد كيفي هم قالوا بيسلم على عمتي وعلي
عبدالعزيز : مين قال
حور : خواته
عمه صيته : وانت شتبي فيها خلها
عبدالعزيز : ماراح اخليها ولا يدخل الا لما تدخل داخل
حور ضحكت : طيب بدخل مو عشانك عشان عمتي
عبدالعزيز ضحك : اي واضح
وراحت ودخل فهد سلم
فهد : وين حور ماتقولون بتسلم علي
عبدالعزيز وصلت الغيره لين راسه : اقولك خلصت انت رح يلا
فهد راح
عبدالعزيز : يلا حور تعالي
ورحت انا
ابو عبدالله : صب ياعبدالعزيز حق عمك وعياله
رحت صبيت لهم وخلصت واخر واحد فهد
كان يطالعني ويضحك وكبيت عليه القهوه متعمد
فهد : شفيك شفيك ماتشوف
عبدالعزيز قعد يضحك : مادريت عنك
فهد : وفي شي يضحك
حطيت القهوه
عبدالعزيز : اقولك رح بس غسل ملابسك لا اوصيك
ابو فهد : بس انتم وش فيكم كل ماجمعنكم تهاوشتو
فهد : هو الي يبي الهواش
انا صديت عنه مالي خلق اتهاوش معه
ابو عبدالله : قوم يانواف وقول للحريم نبي نروح الديره
نواف : ابشر
عبدالرحمن : راح نروح كلنا
ابو نايف : اي ماتسمع انت
عبدالرحمن : عبدالعزيز امش معي بجيب العزبه
