حور : اي يصير خير
عبدالعزيز : شفيك ياروحي
حور : خلاص ياخي يكفي مالك دخل فيني ولا راح تصير خطيبي انا خطيبي فهد استوعب شوي
عبدالعزيز : كلام جديد ذا
حور : اي كلام جديد خلاص احس اني موافقه عليه وبكلم ابوي يخليه يرجع يخطبني
عبدالعزيز عصب : حور لا تخليني اسوي شي ما يعجبك
حور هي تضحك : وش يعني بتسوي
عبدالعزيز مسك يد حور وراح السياره : الحين اوريك وش بسوي
وبدا يسرع
حور : يمه عبدالعزيز خفف السرعه تكفى
عبدالعزيز : خلينا
حور وهي تصارخ : عبدالعزيز بنموت
انقلبت السياره
حور وعيونها مظلمه ودنيا تدور فيها وهي تبكي : عبدالعزيز وينك
عبدالعزيز كمان نفس الشي : لا تبكين حور
حور ماردت ولا تجاوب
عبدالعزيز انجن وبدا يصارخ : حور
وحور ماترد وناس بدت تتجمع وجت الاسعاف وراحوا الطبيب
----------------
ببيت جده غاليه
جاء انتصل : ابو عبدالله صح
ابو عبدالله : اي مين معي
مجهول : ولدك عبدالعزيز متعرض بحادث ونقلبت عليه السياره ومع حور بنت عمه على ما اعتقد
ابو عبدالله وهو يصارخ : كيففف يادكتور هذا ولدي تكفى يادكتور ولدي حي ولا ميت يادكتور
مجهول : تعالوا الطبيب وتعرفون
هنا بدا الخبر ينتشر با بيت والكل بدا يخاف وكلهم متوجهين لمستشفى
اول مادخلوا
ابو نايف : وين عيالنا وينهم
وعلمهم
دكتور : حور بعمليات واحتمال كبير ما تعيش تنزف كثير هي الان تحتاج الدعاء اما عن عبدالعزيز فا هو بخير با عنايه شوي ويطلع
كل بدا يدعي وشوي ويسمعون صوت ام نايف تبكي وابو نايف يبكي
ام نايف وهي تصارخ : بنتي بتروح مني اخ
ابو نايف : تعوذي من ابليس يابنت الحلال
------------------
با بيت ابو فهد
ام فهد : دريت يبو فهد وش صار لحور وعبدالعزيز
ابو فهد : عسى ماشر
ام فهد : مسوين حادث وحور با عمليات وعبدالعزيز بعنايه
ابو فهد : لحول ولا قوه الا بالله علمي عيالك نبي نروح الحين
____________________
وصل الخبر حق اهل حور وصديقاتها والخ وحق اخويا عبدالعزيز بعد كم ساعه مستشفى متجمعين فيها ناس وحريم وكلهم واقفين يتنظرونهم
والكل يتسال هل حور بتموت ؟ عبدالعزيز راح يطلع من العنايه
عند اخويا عبدالعزيز منتظرين احر من الجمر
ابو نايف : وينهم ذولا طولوا
ابو عبدالله : اللهم الطف بنا يارب استرنا
طلع الدكتور : الحمدالله هم بخير وحاولناهم لغرف بس لازم يرتاحون
ابو نايف وابو عبدالله : الحمدالله
فهد : مايصير ندخل على حور دكتور
عبدالرحمن : صاحي انت مجنون مانت محرم
فهد : بس خطيبها
عبدالرحمن : ذاك قبل
نايف : انت شتبي انت مجنون يجي ويجيب معه المصايب
فهد سكت لانه حس ماله حق يدخل عليها
وراحوا الكل لانه ماراح يفيدهم شي اذا قعدوا بكرا الزياره
الساعه ٥ الفجر تحديدا با مستشفى
عبدالعزيز يتسحب شوي وشوي يبي يروح غرفه حور
اول مادخل غرفه حور
حور الي يالله تتكلم : مين
عبدالعزيز :انا عبدالعزيز
حور : مايكفي الي سويته وش تبي
عبالعزيز راح قعد عندها بسرير ومسك يدها
حور : وخر يدك
عبدالعزيز بنبره حاده : حور اهجدي
حور خافت : طيب انت شتبي
عبدالعزيز : والله ادري انك زعلانه بس وحركاتي حركات طفل بس تكفين اعذريني زله
حور : لا مو زله وانت تدري يمكن نموت استوعب حركاتك
وبدا عبدالعزيز يراضي حور فجاءه بدون مقدمات بكت حور
عبدالعزيز : افا شفيك
حور : عبدالعزيز مابيك بحياتي خلاص تكفى افهمني واما عن فهد قلت لك اني موافقه عليه
عبدالعزيز: حور محد بياخذك غيري وانت لي ماني مخليك وشتبين بعد
حور : انت تستوعب اني قاعده اقولك مابيك بحياتي
عبدالعزيز وضح على وجه الحزن وبدت عيون تدمع وقف وقال : اي مستوعب بس حور انتي اول مره تقولين هل كلام بس حطي ببالك اني حبيتك حب شريف وكان ودي يكون نهايته زواج برغم طيشي والخبال الي انا فيه مافكرت مره تكونين لغيري وماراح احب غيرك مثل الحب الي عطيتني ياه كيف تروحين لواحد انتي ماتحبينه ومسبب لك عقده وانا جاي اراضيك واسمع خبر كانه خبر وفاتي وانا حي
وطلع عبدالعزيز من الغرفه
حور بدت تبكي اكثر من قبل وانتصلت على ريهام
ريهام : هلا هلا با قلبي انتي بخير
حور انفجرت وصوتها كان وحده تبكي : لا ماني بخير
ريهام خافت : فيك شي انتي
حور انفجرت وعلمت ريهام بكلشي
________________
ببيت الجده غاليه
الكل نايم عشان يقعد من بكرا ويروح لحور وعبدالعزيز
اما عند ريهام الي دقت على عبدالعزيز : الو
عبدالعزيز : هلا
ريهام : هلا بمطول الغيبه ماتصلح
عبدالعزيز : لا
ريهام : عبدالعزيز
عبدالعزيز : هلا
ريهام : وش مسوي لحور
عبدالعزيز : ليش تسالين
ريهام : البنت متصله علي وتبكي وترا عن فهد ابوها غصبها لو تبيه ماشفتها تبكي
عبدالعزيز : وانتي شدراك ابوها غصبها
ريهام : قبل ماتجي انت وتاخد حور كان عمي ابو نايف يقول لها بتاخذه وغصبن عنها
عبدالعزيز : طيب قفلي بروحلها
رجع عبدالعزيز يشوف حور
حور كانت تبكي
عبدالعزيز : بسم الله عليك
حور شافت عبدالعزيز : عبدالعزيز
عبدالعزيز راح عندها : عيونه و حياته امري
حور قربت عنده وحطت راسها على كتفه وتبكي
عبدالعزيز : بس بس تكفين لا تقطعين قلبي
حور : احتاجلك لا تخليني
عبدالعزيز : اخسي اخليك
حور : عبدالعزيز تدري اذا طلعت من المستشفى وراها بيومين الشوفه الشرعيه حقة فهد
عبدالعزيز : مب على كيفهم والله مايشوفك ابوك مايفهم قلت له كلشي عن فهد ليش يوافق ويغير رايه
حور : تكفى نغير الموضوع
وبدو يضحكون ويسولفون لين ماصارت الساعه ٩ ونص واهلهم بيجوون ١٠
عبدالعزيز : ضبطي غرفتك بسرعه بيجوون
حور : ماقدر خل احد من الستتر تجي وتنظف
عبدالعزيز : ابشري وترا بروح اقعد بغرفتي مو باقي شي ويجوون
حور : احبك
عبدالعزيز هنا ذاب صدق ذاب وتنح : يالبيه
حور : مانت ناوي تروح
عبدالعزيز : صح
وراح وعلى الساعه ١٠:١٥ جو
ابو عبدالله فرحان : وين غرفه عبدالعزيز *********
الدكتوره : فوق با طابق ٣ غرفه رقم ١٠٧ وغرفه الي جنبه غرفه بنت عمه
ابو عبدالله : يعطيك العافيه
الدكتوره : الله يعافيك
وراحوا فوق
عبدالله : اصبروا بالله بطلع شي هديه
نواف: اعجل
وطلعها ودخلوا عند عبدالعزيز وخذتهم السوالف
عبدالعزيز : شرايك نروح غرفه حور دامنا كذا الكل متقسم
ام عبدالله : لا اخاف يصير لك شي
عبدالعزيز : لا يمه انا بخير
نواف: والله شف فكره
وطلعوا كلهم وراحوا غرفه حور
حور شافت عبدالعزيز ابتسمت عبدالعزيز ابتسم لها
وجت ريهام تركض تحضن حور : اشتقتلك
حور : وخري يدي ياحماره
ريهام : خير وش حماره زعلت
حور : امزح معك لك وحشه والله
وقعدوا يسولفون ودخل ابو فهد وام فهد وفهد عليهم
ابو نايف : هلا بزوج بنتي
لفو الكل يشوفون والكل يدري وكملوا يسولفون معهم وبعيد عن حور فهد حط كرسيه عند حور
حور وهي متقرفه من فهد : هلا وش بغيت
فهد : ابغى زوجتي
عبدالعزيز قاعد وحاط عينه عليهم وحور تطالع عبدالعزيز
حور : يليل
فهد : وش الي يليل تكلمي عدل
حور : ماني زوجتك لما تتصكر علينا غرفه وحده هنا قول ابغى زوجتي
فهد : انتي بتحترمين نفسك ولا ايش
حور : لا ماني محترمه نفسي وش بتسوي
فهد مسك يد حور وبدا يعورها : ابد ماني مسوي
عبدالعزيز بينه وبين نفسه وش يسوي ذا
حور بدت تبكي بصوت خفيف : وخر يدك يامجنون
فهد وخر يده : بكت
حور تغطت با بطانيه وبكت بصوت خفيف
بس عبدالعزيز راح غرفته ينام عشان مايعور قلبه اكثر ولا كان يدري وش مسوي فهد
فهد وخر البطانيه عنها : شفيك انتي
حور : مافيني شي
فهد : طيب ليه تبكين
حور : تضربني دايم وش تبغى تكون رده فعلي توني طالعه من عمليه وكمان تضربني
فهد مره ثانيه : عطيني يدك
حور : ما ابغى
فهد سحب يدها : الحين تعرفين كيف تتكلمين با اسلوب عدل
وبدا يعورها اكثر من قبل
حور : فهد تكفى خلاص ماني قايله شي
فهد : لا مب خلاص
حور بدت تبكي بصوت خفيف وماينسمع
فهد : شفيك تبكين شدعوا حساسه
حور صارخت وبدت تبكي اكثر : وخر يدك يامريض
والكل لف عليهم
ابو عبدالله : عسى ماشر
فهد بدا يضحك : ماشر صح حور
حور لاول مره تغطي عليه : اي بس يده عورتني وماقدرت اتحمل
ابو نايف : معذورين
وكملوا سوالف
فهد : اول مره تسوين كذا
حور : واخر مره
فهد : اي طيب
حور : اسفه بس لازم انام
فهد : طيب بروح
حور تغطت با بطانيه واخذت جوالها وصورت يدها وارسلته لعبدالعزيز
اول ما ارسلت عبدالعزيز رد
عبدالعزيز : مين مسوي فيك كذا
حور : فهد ليه خليتنا بروحنا
عبدالعزيز : تعبت وانا اشوفه حولك وانا قاعد واحترق بداخلي وما ابغى يزيد وجعي وقمت
حور : بنام
عبدالعزيز : تنامين وساعه ١٢
حور : اي
عبدالعزيز : بجيك
حور : تعبانه مابي احد
عبدالعزيز : انا ماني احد
وراح اول شي وقال لدكتور انو يخلص وقت الزياره وراح الدكتور بلغهم
فهد : اذا محتاجه شي كلميني
حور : اقول رح بس
وراحوا كلهم اول ما راحوا دخل عبدالعزيز عند حور
عبدالعزيز : هذاني جيت
حور : قلت لك تعبانه ليش تجي
عبدالعزيز راح لحور : بحضنك
حور كانت مره محتاجه احد يحضنها ويوقف جنبها : ايوا عادي
وحضنها
عبدالعزيز : احبك
حور : عبدالعزيز
عبدالعزيز : لبيه
حور : انا خايفه صدق اصير زوجته وخايفه اني اكون لغيرك عزيز افهمني تكفى صح اني احبك لاكن اذا انت تحبني ابعد عني او سو اي شي عشان اكون لك
عبدالعزيز : مستحيل ياخذك تفهمين ولا ايش
حور : وشلون مستحيللل وباقي كم يوم ويصير خطيبي رسمي !
عبدالعزيز : والله اسوي شي ماخليه ياخذك انتظري بس
بعدت حور من حضنه وقعدوا وكل واحد مع جواله
حور : عبدالعزيز
عبدالعزيز : هلا حياتي
حور : مين ذي الي تمدحك بكل بوست
عبدالعزيز : وريني اشوف
حور : خذ
عبدالعزيز : اي ذي عرفتها
حور : وش الي عرفتها اطلع برا غرفتي
عبدالعزيز : تغارين
حور : شدخلك
عبدالعزيز عطه حور جواله : شوفي والله نشبه وحتى ما ارد عليها الا بشهر مره
حور : من الاساس ليه ترد عليها
عبدالعزيز : وش اسوي
حور : بلكها
عبدالعزيز : امري عيوني لك
حور : واطلع برا
عبدالعزيز : اقول اهجدي
حور كانت تبغى تبكي ماتبي احد حولها تغطت با بطانيه وقعدت تبكي ولاحظ عبدالعزيز انها قاعده تبكي
عبدالعزيز قام وفتح البطانيه: ليه تبكيننن
حور : ابتلشت فيك وبفهد
عبدالعزيز بدا يهدي الموضوع وقسم لها انها بتكون زوجته ونامت حور
____________________
ببيت جده غاليه راحوا بنات ابو فهد لبيت جدتهم
وصعدوا فوق مع البنات
حصه : بنات في شي ودي اقوله
غزيل: وش ذا شي
حصه : وش علاقه حور بعبدالعزيز
نوير : ياخي مانفتك من اخوك وتجين انتي
ريهام : علاقه حب من هم صغار بس اخوك يحب يعناد ويخرب كلشي ويدمر نفسيات الناس
حصه : شدعوا وشفيكم
نوير قامت : لا حبيبتي مافي شدعوا اخوك مدمر اختي وتبينا نسكت
منيره : طيب اقعدي
نوير : ماني قاعده
راحت نوير تحت
تحت كانوا متجمعين عيال واعيالهم والبنات فوق الجده غاليه
الجده غاليه : تعال يا ابو نايف ابيك بكلمه راس
وراح غرفته امه وصكر الباب
ابو نايف : سمي يمه وش بغيتي
الجده : شوف يا وليدي تراني ساكته
ابو نايف : ساكته عن وش
الجده غاليه : عن زواج حور وفهد
ابو نايف : ليه يمه ترا فهد بن حلال وماينخاف على بنتنا دامها عنده
الجده غاليه : والله ان زوجت حور بنتك لفهد ماني امك ولا انت ولدي
ابو نايف : كيف يمه
الجده : لا كيف ولاشي انتصل على اخوك وقوله ماني موافق
ابو نايف مايبي يكون عاق وهو با هذا العمر : ان شاءالله
طلع ابو نايف وجه اصفر
نايف : شفيك يبه
ابو نايف : ام نايف دقي على ابو فهد وقوليله مو موافقين
ام نايف : انت جاد بالي تقوله
ابو نايف : اي جاد
اول ماسمعت نوير هل خبر قامت زغرطت
فواز : اي ايي كفو ابوي جعل عين ماتبكيك
دقو على حور
حور : هلا
كلهم متجمعين بجوال
عبدالرحمن : وين عبدالعزيز
حور : قاعد عندي
عبدالله : ماراح
فواز : خلكم بنقولكم شي
كلهم قعدوا يقولون بصوت عالي مبروك ابوي مو موافق على فهد
حور : يوه يا مزحكم
ابو نايف : مايمزحون يابنتي
حور : احلف يبه
وصكرت الخط
عبدالعزيز : هاااا وش قلت لك انه ماراح يكون زوجك
وفرحوا وانبسطو ولين ما ناموا واليوم الي وراه طلعوا وبمناسبه طلعتهم سوو عزيمه كبيره برياض بقصر الجده غاليه
نواف : حمار انت قلت هنا احلى
فواز: لا هنا احلى يجوون الضيوف قدامهم ورد
نواف : فواز الناس تحطها قدام الباب البيت مب الباب حق الحوش
فواز : ياحبيبي انت وشعرفك انت حدك البقاله وسوالفها
ابو عبدالله وهو جاي مع ملابس العيال : يعطيكم العافيه اذا خلصتو ادخلوا داخل والبسو الساعه ٥:٤٠
ساعه ٦:٠٠
نواف : اساسا خلصنا ذحين نجي
وراحوا يلبسون
عبدالله : ياعيال وخرو عن المرايا
نايف : فيصل وين العطر
فيصل : خذه هناك
نواف : فواز كم مره تشوف شكلك
عبدالعزيز بعد ما لبس وخلص طلع للحوش الي ورا ودق على حور
عبدالعزيز : ياهلا حبيبتي
حور : هلا والله بحبيبي
عبدالعزيز : خلصتي ؟
حور : اي ليه
عبدالعزيز : تعالي بشوفك اليوم بنشغل وابي اشوفك انتي اول شخص
حور : من اعيوني بس اتعطر
عبدالعزيز قعد ينتظر جت حور كانت مره موت وتجننن
عبدالعزيز : يا ارض حفظي ماعليك حبيب قلبي حضر
حور : عبدالعزيز ماعرفتك بديت استحي منك
عبدالعزيز : كل يوم تبهريني بجمالك اكثر واكثر
حور : احبك
عبدالعزيز : حبيبتي واجمل شي صارلي انتي
نواف وهو ينادي عبدالعزيز : عبدالعزيز وينك
عبدالعزيز : حور روحي لا يشوفونا
راحت حور وجاء نواف
نواف : اناديك رد على الاقل
عبدالعزيز : ماسمعتك اسف
نواف : ماعليه بس رح جو الضيوف والناس
وتجمعوا الناس
حور وهي تسلم على وحده : شكلك مو غريب علي
ريما : ماعرفتيني
حور اول ماسمعت الصوت تذكرت وحضنتها : يمه ريما ريما وينك ٨ سنين ما اعرف عنك شي
ريما : انشغلت والله يوم سمعت خبر الحادث عرفت موقعك وجيتك
حور : اشتقتلك
وقعدوا يسولفون فجاءه ريهام تسحب حور
ريهام : ارقصي
حور : مابيي
ريما : يلا وانا معكم
وقعدوا يرقصون
وحده جت لحور : اذا ماعليك امر ممكن تدليني مكان دوره المياه وانتي بكرامه
حور : تعالي
ودتها واسحبت البنت حور
وقالت : شوفي تبين تلعبين العبي مع غيري فاهمه
حور : وش تقولين انتي اول مره اشوفك
الوحده : اتكلم عن فهد حبيبي الي خذيتيه مني
حور دفتها : اها فهمت بس حبيت اطمنك ماتمت الخطوبه للاسف
وراحت حور
وجاء وقت العشاء
ام نايف : تفضلوا
وخلصت العزيمه
نوير : تجيك الان اطلق نومه با اطلق قصر
والكل اعلن استسلامه للنوم والكل نام بعد تعب
ساعه ١٢ قعدوا نص البيت حور جاها اتصال وهي بصاله كان من فهد
فهد : بطلبك اخر طلب ولا ترديني
حور : وش الطلب
فهد : تعالي الكوفي ******** ابي اقولك شي مهم
حور : إن شاءالله نتلتقي على خير
وقفلت
نوير : مين الي داق
حور : مالك دخل
عبدالعزيز : مين
حور : صديقتي تبيني اشوفها بكوفي
وفهد ارسل لحور ساعه ٤:٠٠ على موعدنا
حور : إن شاءالله
وتريقوا وساعه ٤:٠٠ حور راحت الكوفي وشافت قدامها فهد
فهد : هلا
حور : اهلين وش بغيت
فهد : نطلب با الاول
حور : طيب
فهد : حور اسف على كل شي انا حبيتك وضربتك من حبي لك بس ماكنت ادري اني حقير كذا ولا كانت ذي شخصيتي مدري وش التصرفات الي طلعت مني لاكن ابد مو متضايق على انفصلنا لانه لو عشنا مع بعض ماراح تكونين سعيده معي واتمنى لك السعاده وين ماكنتي
حور : اسفه على الي بقولها
فهد : مقبوله قولي
حور : انت دمرت حياتي وصحتي وخليتني ادخل المستشفيات بسببك وانت تجيلي وبمستشفى تكمل علي وانا يالله وصحتي مو بخير لاكن انا ماحبيتك ولا راح احبك لانك مو الشخص الي انسى خوفي معه ولا الشخص الي اثق فيه بس انتبه لا تخلي الناس يكرهونك اكثر من كذا
وقامت حور وطلعت من الكوفي وخلصت قصه فهد بحياه حور
عبدالعزيز كان ينتظر حور عند الباب وجت : طولتي
حور جت ولا ردت عليه وقعدت تشوف جوالها
عبدالعزيز : اكلمك
حور : تكلم مين انت
عبدالعزيز : اكلمك اقولك طولتي
حور : اي كنت بكوفي مع صديقتي ولهيت
عبدالعزيز : طيب بتقدم لك بكرا
حور استحت : احبك
وراحت والكل راح بيته
وبعد كم يوم فعلا راح هو وابو واخوانه راحوا بيت عمهم
ابو عبدالله : اسمع ياخوي
ابو نايف : سم
ابو عبدالله : جايين اليوم نطلب يد بنتك حور لعبدالعزيز ولدي
ابو نايف : والله عبدالعزيز ان ثقتي فيه عاليه وان عطيته حور دراي انه محد راح يحافظ عليها كثره
عبدالعزيز باس راس عمه : من طيبك
فواز وهو يقول لنواف : اما اخوك يصير زوج اختي
نواف : يبوي اخوي قيس بن الملوح مع اختك
فواز : اسكت بس وحشمني
نواف : دزها بس
ابو نايف : بس تعرف لازم نشوف البنت موافقه او لا
وبعد الخطبه راح ابو نايف وقال لحور
ابو نايف : انتي استخيري وعطيني خبر
حور : ان شاءالله يبه
حور طايره من الفرحه وعبدالعزيز بعد اول ماطلع ابوها دقت على عبدالعزيز
عبدالعزيز : هلا بزوجتي
حور : عبدالعزيز صار الحلم
عبدالعزيز : انتي ماوفقتي
حور : اصلا باقي بفكر
عبدالعزيز : افا
وخذتهم سوالف
واليوم الثاني وصل لهم خبر من المستشفى
