با بيت ابو عبدالله الكل كان قاعد با صاله وعبدالعزيز كان مو معاهم
ابو عبدالله : جاني اتصال من الديره في عزيمه كبيره
ام عبدالله : الكل يطلع ويتجهز
ريهام : يالله ليه ماقلتو من بدري
غزيل : طيب انا بروح بشتري شي من ديور وقوتشي وبخلي حور تجي معانا
نواف : انا بجهز لبسي
عبدالعزيز : طيب ياغزيل ودي اوديك
غزيل طالعت ريهام : اها طيب يلا بس نلبس واسوي شعري واجي
عبدالعزيز : انتظرك
ونزلت غزيل وريهام وقعد يضحك عبدالعزيز على عبايه غزيل
عبدالعزيز : قزمه وعبايه زرقاء هههههههههه
غزيل : احترم نفسك
عبدالعزيز : يلا مشينا تبون نروح با روز ولا جي كلاس
ريهام : الجي
عبدالعزيز : طيب يلا
وراحو بيت عمهم اول ماجت حور انصدمت انه عبدالعزيز الي جاي ياخذهم
حور : ليه مخلين عبدالعزيز يجي يودينا ؟
ريهام : نشب لنا الا يودينا
حور : طيب
بنص الطريق حط عبدالعزيز -محتاج فرصه عبدالمجيد عبدالله-
وصل عبدالعزيز والبنات نزلوا ونزل عبدالعزيز
حور : بنات امشوا ديور ابغى اشتري شنطه شفتها وعجبتني
نوير : يلا تمام
ريهام : بقدم شوي تعالي نوير معي
عبدالعزيز لما شاف خواته قدمو قال حق حور
عبدالعزيز : لين متى ياحياتي صار لي اسبوعين ماكلمتك
حور : عبدالعزيز لا تسوي نفسك ماتدري وانت دايم تصارخ بوجهي وهذي البدايات
عبدالعزيز : عيوني والله ادري توبه وقسم توبه بس افتحي البلوك
حور : طيب بسامحك والمره الثانيه لا طبعا
عبدالعزيز : يلا
ولما راحوا يركبون السياره
نوير : ها لولي خلصتي اغراضك حقة البعثه ولا باقي
عبدالعزيز بقق عيونه بقوه : وش بعثته مو على اساس عزيمه الديره
حور : قدمت على بعثه وقبولوني
عبدالعزيز : مو بكيفك تروحين
حور : لما تصير ابوي او زوجي كلمني فاهم دام ابوي موافق مالك خص
عبدالعزيز : طيب انا زوجك وشتبين
ريهام : استحوا على وجهيكم
وصلوا قصر عمهم قال عبدالعزيز بنزل دقيقه بشوف عبدالرحمن
وهو كذاب يبي يكلم حور
لحق حور
عبدالعزيز : تعالي وقفي
حور : مابغى
عبدالعزيز سحبها من يدها وقرب منها : بتروحين وتخليني افا
حور بكت : عبدالعزيز لا تسوي انك مو فاهم
عبدالعزيز الي اخترع وخاف : شفيك يابعد اهل عبدالعزيز انتي
طلعت جوالها وعطته عبدالعزيز : ذا ايش قل لي
عبدالعزيز لما شاف انصدم مين الي راسل كذاااا!
حبيبتك مروج تتهنى انت وهي
عبدالعزيز اخذ حور بحضنه وحضنها با اقوى ما عنده ويلعب بشعرها :تصدقين مروج انتي انا يطلع مني كذا
طبعا مروج مزيفه رسائل على اساس هي عبدالعزيز با علاقه وراسله حق حور
حور : عبدالعزيز بعد عني لوسمحت وعطني جوالك
عبدالعزيز بعد عنها واعطها جواله : شوفي قسم بالله مافي شي
قعدت حور تشوف مافي شي ومروج مكذبه
حور ردت تبكي اكثر من قبل
هنا عبدالعزيز قلبه قاعد يتقطع ماقدر يكمل وحضنها بقوه مرا : ادري الحيوانه تبي تخرب علاقتنا هي وفهد خليهم ياحياتي انا احبك وانتي تحبيني يخسون يقربون منك او يحاولون يسوون فيك شي دامي هنا معك تفهمين امسحي دموعك بسرعه
حور ضحكت ومسحت دموعها
عبدالعزيز : اي اضحكي خلي دنيتي تضحك لي
حور : عبدالعزيز
عزيز : لبيه امري سمي
حور : احبك
عزيز : يالله عيديها بالله
حور هربت منه
وراح عبدالعزيز ركب السياره
: تاخرت عليكم
ريهام : لا رح نام عندهم
نوير : يلا بس
ماكان بينهم وبين قصر عمهم الا شارع
عبدالعزيز لما وصلهم قال : قولوا حق ابوي اذا سال عني اني ببيت عمي
ريهام : شكله راح يشوف الحب
نوير : الظاهر
عبدالعزيز الي قام عليها وهي نحاشت
:عائله خربانه
وراح مسرع بيت عمه
ودخل الدوانيه وكتب حق حور با واتس
: اسمعي لا تسافرين والله خايف ما اشوفك بعدين وبعدين وش فيها الدراسه هنا تكفين قاعده اترجاك ما تروحين الخارج اقعدي هنا على الاقل اقدر اشوفكم مب تروحين هناك فوق ٤ سنين اتفقنا حبيبي ؟
حور : مو على كيفك عقب ما تحقق الي ابيه تقول لا تروحين
عبدالعزيز : جربي تروحين يويلك جربي بس
حور : طيب ياهطف بعد ٣ ساعات بطير وبروح الحين المطار
عبدالعزيز : حور
حور : عيوني
عبدالعزيز : بقى فيها عيون اذا رحتي يويلك
حور : يصير خير
بعد ٣ ساعات نزلت حور وهي وشناطها وخلت السائق يحطهم
حور : محمد حطهم داخل السياره
محمد : ان شاءالله عمتي
وماكانت تدري ان عبدالعزيز هنا با بيت مستقعد لهم كانه شايب
اول ماسمع صوت حور طلع برا وشافها هي وشناطها
عبدالعزيز : يعني بتروحين وتكسرين كلمتي
حور لفت وهي خايفه : من وين طلعت انت
عبدالعزيز : مالك دخل من وين طلعت بتكسرين كلمتي
حور : شدخللللل اكسر كلمتك مين انت ابوي زوجي امي لا طبعا مالك اي حق
عبدالعزيز قرب عند حور ومسكها من يدها وقربها عنده : بتروحين اجل
حور خافت : وخر عني
عبدالعزيز : ماراح تروحين
حور دفته : بروح ويلا مناك
عبدالعزيز با نبره حاده : حور
حور : خلاص تكفى بروح مو وقتك
عبدالعزيز : طيب روحي خليني اشوي افضى لحبيبتي
حور طالعت عبدالعزيز نظره متقرفه منه : مين حبيبتك ذي بعد
عبدالعزيز : المعروف لا يعرف
حور : مين
عبدالعزيز با استهبال : مروج
حور : اصلا كنت شاكه من اول والحين تاكدت يا وقح تقولها لي كذا وعادي طيب تبي اصدمك
عبدالعزيز الي قعد يضحك عليها : اصدميني يلا
حور بمزح: حتى فهد رايح يدرس با بريطانيا واصلا احنا اتفقنا وخلصنا
عبدالعزيز : هي هي ركزي على كلامك
حور : وشفيه ياحبيب مروج
عبدالعزيز تنرفز من حور : بتقعدين هنا فاهمه
حور : ياخي دزها بس
وراحت حور وعبدالعزيز كل وقته يفكر كيف يوصل لها يدق عليها تصكر بوجهه شاف بعدها الطياره ماراح تطير
عبدالعزيز : با طياره مين رايحه
حور : حقة بابا
عبدالعزيز : ماشاءالله رديتي لما ادق ماتردين طيب اسمعي دقي علي
حور : طيب
دق عبدالعزيز : تقعدين ولا تروحين تهون عليك انك تروحين وتخلين اهلك وحبيبك وخواتك
حور الي بكت
عبدالعزيز : يا بكايه لحضه وشفيك
حور : تعال المطار
راح عبدالعزيز مسرع لحور
وشافها قاعده بكراسي وحاطه يدها على وجهها وتبكي راح يركض عندها
وسحب يدينها وشاف عيونها حمر
عبدالعزيز : مييننن مسوي فيك كذا قولي مين
حور : عبدالعزيز تكفى
عبدالعزيز : عيوني
حور : تصرف مع ال** الي اسمه فهد
عبدالعزيز : وش مسوي هل خ**
حور عطت عبدالعزيز الجوال وشاف فهد كاتب لها اشياء وانها اذا سافرت يمكن يسوي لها شي
عبدالعزيز : قومي الحقيني خلصيني
حور : طيب
وركبو السياره
عبدالعزيز : ما تلاحظين من اول مابدينا علاقتنا ولا يوم تهنينا من فهد ذا
حور : دور لك حل معه تكفى
عبدالعزيز : ابشري كم حور عندي
حور : وحده
وراح بيت فهد
حور : وش جابنا هنا
عبدالعزيز نزل من السياره وبدا يطق الباب وهو يردد كلامه :
فهد يا الكلب انزل اوريك انزل والله لا اخليهم يبكون عليك
داخل بيت اهل فهد المخروشين وصراخ عبدالعزيز كل ماله يزيد
ابو فهد : وش مسوي انت علمنيي وش مسوي يافهد
فهد تذكر وش مسوي مع حور : ماسويت شي
ام فهد : يافهد تكلم
راح فهد وفتح الباب ومسكه عبدالعزيز
عبدالعزيز : اوريك والله ياحيوان
فهد دف عبدالعزيز : ما الحيوان الا انت واشكالك
عبدالعزيز مسك فهد وقعد يضرب فيه ويقول : عرض الناس ماهي لعبه عندك ياحيوان ياكلب
ابو فهد دق على ابو عبدالعزيز : الحقني ياخوي الحقني ولدك ولدي قاعدين يتذبحون
ابو عبدالعزيز : يلا يلا جاي
ودق على اخوه وعيال اخوه بحيث يجوون ويشوفون وش السالفه
وصلوا عندهم
واسمعو عبدالعزيز يقول : والله اربيك ياحيوان من وانا با الديره متحملك وشايف حركاتك والحين تهدد
فهد الي قام ومسك عبدالعزيز وضربه : شتبييي انت
حور الي اتصلت على السائق يجي ياخذها لما شافت الموضوع قاعد يكبر وراحت
عبدالعزيز : فاهم قصدي عدل
فواز ركض عند عبدالعزيز وفهم السالفه وبدا يضرب فهد
فواز وهو يصارخ: اخ يا حيوان ياكلب يا خسيس والله لا اذبحك هنا يكلب ياجبان تف عليك
ومحد فاهم السالفه غير فواز و عبدالعزيز والباقي يهدونهم
واضربوه وطلعوا حرتهم فيهم وخلصوا
وابو عبدالعزيز اخذ عبدالعزيز على صوب : وش السالفه
عبدالعزيز : ولاشي
ابو عبدالعزيز : قل خلصني
عبدالعزيز : يبه ولاشي
ابو عبدالعزيز ماحب يضغط عليه وسكت
والكل كان حاله صدمه
وراح عبدالعزيز واعتذر من عمه وقال بصوت عالي : ياعم اعذرني انت محشوم بس ولدك ذا الخسيس لا تلومني فيه
فواز : اسمع ياعم قل لولدك قد اعذر من انذر والمره الثانيه بتجي بادم لين الركب
وابو فهد : تراني ساكت لكم ومعطيكم وجه ولا احد هنا احترمني
ابو عبدالله: اعذرنا ياخوي
ابو عبدالعزيز : والله اني متفشل منك واعذرني ومسحها بوجهي
وعبدالرحمن : ياعم ماقصدهم وشكل السالفه قويه
نواف : السالفه معروفه ولا هي اول مرا اشوف يسويه فهد
عبدالله : ياعم امسحها بوجهنا
نايف : ياعم تراهم بزران ولازم تكون بينهم خلافات وحصا خير ان شاء الله
ورحوا والكل يحاول يفهم السالفه لاكن ولا احد راضي يقول لثاني
عند غرفه عبدالعزيز واهله يحاولون يفهمون السالفه واخر شي قال : اطلعوا تكفون وخلوني با حالي
ونفس الشي عند فواز
اما عند حور الي كانت تبكي خسرت سفرتها وهي سبب الهوشه ذي كلها
اول ماطلعوا اهل عبدالعزيز من الغرفه دق على حور
عبدالعزيز : حور
حور وهي تبكي : هلا عبدالعزيز ادري اني سبب الهوشه وادري انك مالك دخل
عبدالعزيز : حور انا ما ارضى عليك وهل الخسيس اخذت حقك منه ويلا امسحي دموعك وسولفي معاي
وقعدوا يسولفون
حور : عبدالعزيز حياتي بنام
عبدالعزيز : نامي معاي بخط
حور ضحكت : طيب
اليوم الثاني كانت العزيمه والكل قاعد يتجهز عشان يروحون الديره حتى ابو فهد
نوير اتصلت على غزيل : غزيل نتمكيج هنا ولا با الديره
نوير : با الديره
وتقسمو البنات مع عبدالعزيز ومعاهم عبدالرحمن بس هل مره معاهم مروج و العيال وابو عبدالله وابو نايف مع السايق والحريم مع نايف
طول الطريق عبدالعزيز حاطه عينه على حور واضح فيها شي عبدالعزيز حب يتكلم عشان يثبت انه موجود
عبدالعزيز : تبون تسولفون ونشارك بعض احداثنا
نوير : يلا طيب
مروج : فكره
ريهام : يليل طيب
غزيل : موافقين
لاكن ماهو منتبه معاهم منتبه مع حور مصدوم ليه ماردت عليه ولف عليها وقال
عبدالعزيز : حور موافقه انتي
مروج : وانت وش عليك من حور
عبدالعزيز : انتي اوص لا انزلك هنا تراني يالله يالله متحملك
مروج : طيب دزها
حور بصوت مو على بعضه : خلاص مابغى اروح الديره دام ما مشينا طريق ودوني بيتنا
لف عبدالرحمن : ليه عسى ماشر وشفيك
حور : عبدالرحمن ودوني بيتنا مافيني شي
عبدالعزيز لف عليها : مو على كيفك شيلي فكره اني ارجعك
حور عصبت وارفعت صوتها : مجنون انت بزر كل يوم بس تبغى تتهاوش معي خل اليوم يمر عادي ردني البيت وانت ساكت
عبدالعزيز زعل شوي : طيب يامجنونه
مروج الي افرحت على بالها حور وعبدالعزيز مايحبون بعض بعد هل مشاهد قعدت تهوجس با خيالها
وقتها كان برد وشتاء وكانت حور لابسه جاكيت The North face ولقنز
