.............. بسم الله الرحمن الرحيم ...............
والصلاة والسلام على رسول الله صلى الله عليه وسلم 🕋
❤️❤️❤️❤️❤️❤️❤️❤️❤️❤️❤️❤️❤️❤️
إني غدوتُ غريباً فيما فقدتُ...
صدقَ من قالَ فقدُ الأحبةِ لغربةٌ....
ففقدُ الأحبةِ أعظمُ داءٍ دونَ دواءِ...
فيا ويحَ من علِقَ في الأحبةُ قلبه..
أضحىٰ الفراقُ في كتمانهِ ينهشُ...
🌿🌿🌿🌿🌿🌿🌿🌿🌿🌿🌿🌿🌿🌿
ها هم مالك والشيخ جلال يدخلون الديوانية مع الجميع ويكملون الكلام حيث بدأ الشيخ جلال وقال
الشيخ جلال // اي يا ابني مالك كلنا وين وصلت بالدراسه وشلون علت اهلك وليدي كل هالفتره وحدك
مالك بثقه يجتاحها البرود //قانون... و بعد الجامعه اشتغلت ويه صاحب سوبر ماركت والحمد لله
تدخل سلطان بعد ما شاف برود مالك وهو يكول
سلطان //حلو قسمك يا ابن العم ان شاء الله محامي بس كتب شلون دبرتها والي اعرفه كتب القانون نادره
مالك// بجواب مختصر.. ان شاء الله لا دبرتها من صديق جان يشتغل وياي هم جان مخلص قانون
سلطان // اممممم زين... اني نقيب.. يعني تقريبا صارلي 15 سنه.. هز مالك راسه بالموافقه فانعجب سلطان بثقته وجوابه المختصر الي يدل على ذكائه وشخصيته الجديه
قاطعهم جاسر وهو يعرف عن نفسه
جاسر //واني يا ابن العم اشتغل بشركه تجاره اني وياسر ابن عمي يعقوب وهو ياشر على ياسر وكذلك هز مالك راسه بالموافقة من غير كلام واكمل الكلام ياسر
ياسر // والله يا ابن العم راح اخذ جلطه من ورى شغلك يا ظالم لليل اجتماعات حتى صاروا الموظفين يشكولي من تعبهم خف عليهم شوي.. رد عليهم الشيخ وهو يكول..
الشيخ جلال //جاسر هالله هالله بيهم يبوي كلنا رئيس بس مو مكسرهم
جاسر //صار شيخ تامر بس هالفتره جانت شوي بيها كبس شغل علينا والحمد لله فضت على خير..
تكلم نادر وهو يكول // ويا ابن عمي اني دكتور وهاي اول سنه ليه شغل... رد مالك عليه وكال
مالك //ان شاء الله بالخير والرزق.. رد سلطان وكال
سلطان //وهذا فهد وياي بمراقبه الديوانيه وهو ظابط.. هز مالك راسه كتحيه لفهد وردله فهد بالمثل وكال
فهد // اهلا بيكم مالك منا وبينا يخوي
فقطع هذه الأجواء الجاده دخول احمد المسرع وهو يكول
احمد // بصوت عالي ومضحك.. هلااااااااااااا بابن العم منا ورايح تصير توأمي وانت بنفس عمري والله الا نخبل العشيره ونكلبها هوساااات تعال تعال بالحضن والله وهو يضحك تقابل هو ومالك وتحاضنوا بينما ضحك معهم الي في الديوانيه على جنون احمد وفكاهيته ومرحه.. بادله مالك الاحضان وهو يبتسم بوجهه ابتسامه صغيره.. منها فهم الشيخ جلال ان احمد هو اللي راح يكون موالف مالك ويعوده عليهم فابتسم الشيخ بدوره عليهم.... لحد ما كال يعقوب
يعقوب // بعصبيه ولك يا ولد متى ناوي تثكل وتركد ما عدت جاهل
احمد // وهو متكأ على مالك والله يبوي لساتني افكر من الكا الحل اكلك والله تدلل هههههه
عباس //وهو يضحك جنك يا متهور رامي حصاك وخفان عقلك
احمد //وهو يتصنع الصدمه مادريت يا عمي لهسه اني ضيعته لعقلي من جنت بالمدرسه هههه... ضحك الكل على سخافته وجوابه المرح.....
...................
الجده //وهي تمسك يد ملاك... كليلي يابنتي شلون عشتوا وحدكم هالفتره وشلون تحملتوا
ملاك //بابتسامه هادئة ولا كأن الجده تحجي عن مأساة مروا بيها... الحمد لله بيبي على كل حال مالك ما خلانا نحتاج شي من اي احد هو صار لنا الاب والام والأخ والسند وكل شي صار يشتغل بعد الجامعه والحمد لله
الجده بحنان وحسره على احفادها//. الحمد لله بنيتي الحمد لله.. وقاطع كلامهم بنات جلال وهن يضحكن ويه زهره
زهرة وهي تضحك بصوت عالي //هههه آي بطني وجعتني بس تدغدغ بيه هههه كافي كافي امانه امااااااااانه والله بعد ما احجي هههههه عمه ندى ساعديني هههه
ندى // وهي تضحك هدى عوفيها ولج البنت صارت حمره من الضحك... سحبت زهره بحضنها
زهره وهي تنهت من الضحك // اممم انهزمت انهزمت وهي تمد بلسانها للأمام (تعيب على هدى) هدى بضحك
هدى //بسيطه وين تروحين مني اليوم الا اكلج هيهيهيهي 😈 ابتسم الكل على ضرافتهم
ملاك // زهره كافي صيري عاقله
زهره // مامي والله ما سويت شي وراحت كعدت بحضن ملاك
سميه //ملاك.. زهره تصيحلج ماما
ملاك // اي عمه لان بيوم رجعت من المدرسه تبجي ومتكاتله ويه وحده من البنات وكايلتلها ان هي ماعندها ام تدافع عنها... وبعدين كتلها اني اختج وامج وادافع عنج واكتلهم ومن يومها لحد هسه تصيحلي مامي...
سميه بتأثر //بارك الله بيج بنيتي الله يحفظكم وابتسمت بوجه ملاك الي ردتلها الابتسامه بالمثل
الجده // هدى كومي يمه وصلي ملاك لغرفتها فوك خل ترتاح لوقت الغدا
و وجهت كلامها لملاك... وهي تقول.. ملاك يمه غرفتج فوك انتي وزهره ولمالك غرفه وحده بالطابق الثاني بصف غرفه سلطان
ملاك // تسلمين جده صار... و وجهت كلامها لعماتها.. اترخص منكم
خديجه //بابتسامه غاليه بنيتي.. روحي ارتاحي ومن ينصب الغدا يصيحوج... واني هم اترخص منكم هسه يلا مع السلامه هم هسه وكت جية عمج من الدوام..
ملاك والكل //اذنج وياج مع السلامه
الجده//لا تنسين باجر غداكم كلكم يمنا
خديجه // صار يمه ما ينسى كالعاده.. يلا اودعناكم
اخذت هدى ملاك وزهره حتى يرتاحون بغرفتهم وبالصدفه جانت غرفه مالك بصف غرفه سلطان ومقابيلها غرفه ملاك وزهره
هدى// اتمنى تعجبكم الغرفه يبنت عمي... ارتاحي هسه ومن يصير الغدا اجي اصيحج..
ملاك // شكرا حبيبتي.. عذبتج وياي... كلش حلوه
هدى //اي عذاب.. عذابج راحه.. وهي تحضن ملاك ياربي كلش هادئه انتي اتمنى نتوالف سوه لاني ام عقلين شوي وضحكت... فضحكت وياها ملاك وكالتلها
ملاك // لا تخافين نتوالف ان شاء الله يبنت العم
هدى وهي تقرص وجه زهره وتقول // بااااي يا سنفوره نلتقي على الغدا
زهره // وهي تقفز من الفرحه.. باااااي هدى وباستها بخدها هدى وطلعت وعافتهم يرتاحون وبهذه الاثناء دخل الرجال من الديوانيه الي هم مالك والشيخ جلال وسلطان ونادر وجاسر... استأذن منهم سلطان وكال
سلطان // اني اروح ارتاح لبين ما يصير الغدا
سميه // ماشي ابني روح ارتاح
وصعد سلطان يرتاح بغرفته ولكن قبل ما يدخل غرفته سمع صوت ملاك من الغرفه اللي مقابيله وهي تقول
ملاك// زهوري حبيبة مامي صارت نضيفه وهسه نمشطلها وتنام شوي زين سنفورتي
زهرة // زين مامي وهي تضحك
سلطان // معقوله هي... لا لا لا مستحيل تكون هي.. لكن صوتها نفس الصوت... وسكت داخل نفسه لبعض الوقت... وهو يكول الصبح جان نفس العطر وهسه صوتها... ولكن نفض الأفكار من راسه وكال مستحيل تكون هي مستحيل ودخل غرفته يرتاح
..................
الشيخ جلال // مالك يا ولدي اصعد غرفتك ترتاح شوي قبل الغدا اذا تريد هز براسه مالك وكال
مالك // بهدوء.. ياريت والله شيخ
الشيخ جلال //نادر اخذ مالك لغرفته
نادر // صار يبوي
صعد نادر ومالك لغرفته حتى يرتاح وعرفه على غرفه سلطان الي بصفه وعلى غرفه ملاك الي مقابيله هز براسه وقال
مالك // شكرا لك نادر عذبتك وياي اروح اشوف البنات
نادر //عذابك راحه يا ابن العم خلاص ارتاح شوي و ورانا سهرات وسوالف طويله
مالك // الله كريم ان شاء الله.. وراح نادر وترك مالك يدك
......................... باب غرفه ملاك
ملاك //منو
مالك // اني مالك.. ملاك افتحي
ملاك / ادخل مالك الباب مفتوح
مالك // السلام عليكم يابا... ها شلونكم.. ان شاء الله ما مضايقين
قفزت بحضنه زهره وهي تكول
زهره // لا لا لا ابد شكد لعبت ويه هدى وندى كلش حلوين وعمه ندى كالت باجر يجون ولدها والعب وياهم هم مثلي
مالك// وهو يبتسم بابتسامة واسعه ولا كأنه ذلك البارد الي كان بالديوانية ويه عمامه... امممم عفيه العبي بس انتبهي على نفسج وماكو صياح زين
زهرة// حاااااااضر وهي تبوسه من خده وبادلها البوسه وباسها من راسها و وجها وكال لملاك
مالك // ان شاء الله مرتاحه.. اذا ما مرتاحه كولي هسه نرجع وما حد يكدر يجبرنا على شي زين
ملاك بهدوء / وهي تكمش مالك من ايده... وتقول اسمعني يخوي هنا آمن لما من غربتنا هنا أهلنا مو مثل بابا الله يرحمه اعرف شكو بفكرك.. وما اكدر اكلك لا تفكر.. لكن راح تثبتنا الأيام كلامي.. احساسي هيج يكول
مالك وهو ياخذ وملاك وزهره بحضنه // ان شاء الله الله كريم وهذا المطلوب بس ضلي متذكره مهما صار اني أخوج وسندج
ملاك // ونعم السند الله لا يحرمنا منك.. روح ارتاح شوي تعبت اليوم
مالك // اي والله يلا رايح وانتي هم ارتاحي وانتبهي لنفسج..
....................
بعد ما ارتاح الكل وجهز الغدا واجتمعوا الكل ونزل سلطان على الغدا و ويا مالك صاح الشيخ جلال على هدى وكال
الشيخ جلال // هدى.. هدى
هدى // هاا بابا
الشيخ جلال // شوفي ملاك بنيتي وصيحيها على الغدا
هدى // صار شيخنا 🤗 وصعدت اتصيح ملاك وبعد شوي نزلت هي وزهره وملاك... وزهره نزلت قبلهم تركض
وملاك تصيح عليها
ملاك// زهره بنيتي لا ركض لا توكعين
زهره//حاااااااضر مااااامي
ودخلت زهره وشافت كدامها عمها جلال وصاحت
زهرة // وهي تركض باتجاه جلال وتكول/ عمو جلاااااال
جلال بضحكه // وهو يحضنها ويرفعها يكعدها بحضنا ويكول / هلا يبعد عمج هااا كليلي شلونه بيتنا عجبج
زهرة // وهي تاشر بيدها مفتوحة على وسعها حييييل حلووو ولعبت ويه هدى هواااايه وهي تصفك بيدها.... دخلت ملاك ويه هدى بهذه الاثناء وهي تكول بغير انتباه للموجودين..
ملاك // زهره مو كلنا نصير عقال
زهره // مامي ما سويت شي والله بس اشتاقيت لعموووو.....
رفع رأسه حتى يتعرف على ابنة عمه وجانت صدمه عمره لدرجة انعقد لسانه وانشل تفكيره... كأنه صار بعالم ثاني مايشوف ولا يسمع شي... هل من المعقول ان هي أمامه من صدك.. أو إلى يشوفه خيااااال وهمس وكال...
ملااااااااااااااك...........
استتتتووووووووب خلص البارت اليوم
❤️❤️❤️❤️❤️❤️❤️❤️❤️❤️❤️❤️
شنو رايكم بلقاء سلطان وملاك
_ يا ترى سلطان من كال ملاك قصده اسمها او صفتها
🌸🌸🌸🌸🌸🌸🌸
متابعه وتصويت على تعليق ما تخسسسسرررر ابدا 💞💞💞💞💞💞💞
أنت تقرأ
ملاك الشيخ سلطان
Romanceالروايه باللهجه العراقيه.... 💚 روايه ليست ككل الروايات... فيها كل ماحرم الشخص منه.... دفئ العائله واجتماعها.. حب نقي طاهر... رغم البعد إجتماع... رغم الألم أفراح.... القصه.... فتاة جميلة تعتني باختها الصغيره واخاها رغم الألم الذي أصابها الا ان نقاء...
