............... بسم الله الرحمن الرحيم ..............
اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
💚💚💚💚💚💚💚💚💚💚💚💚💚💚
وكيف تكف الروح عن الروح
والروح في الروح تُقيم....
سئمت الهجران منك سيدي
ألايكفيك ألم الماضي والسنين
💝💝💝💝💝💝💝💝💝💝💝💝💝💝
دخلت زهره وهي تركض باتجاه جلال وهي تصيح
زهره /عمووووو عموو عمو جلااااال عمووو حبيبي
و استقبلها جلال وهو فاتح ايديه على وسعها بضحكه رنانه استغربها كل الموجودين من أمه وزوجته وأولاده وهو يكول
الشيخ جلال / هلااا والله هلااا يبعد عمج هلا بصغيرونتي...
وحضنها وصار يبوس بيها من خدودها وهو يكول ها كليلي عجبج بيتنا...
زهره وهي تفتح ايديها على وسعها وتكول
زهره /ايي حييل حلووو...
الشيخ جلال /بكل حب يظهره لتلك الصغيره... اي شسويتي اليوم لعبتي لو لا
زهره /اي لعبت ويه هدى وعمه ندى.. وعمه ندى وعدتني تجيب جهالها نلعب وياهم باجر هواااايه نلعب هوايه...
جلال هو حاضنها ويبتسم وصار يدغدغها بينما الكل مصدوم من تصرف الشيخ وين جديته وشخصيته الي يهابها الكل وشلون كاعد يضحك ويسولف ويه طفله بهذه الصوره وبين ما الجده تبسمت بداخلها على ابنها لأنها عرفت انه راح يعوضهم حرمانه زهره تضحك بعلو صوتها وهي تكول
زهره /بضحك عالي.. عمووو جلااال... كااافي.. كافي امانه.. ماااامي كليله لعموو يبطل
دخلت ملاك وهي تكول
ملاك /زهره شنو حجينا مو كلنا نصير عقال وما نسوي حركه زايده.....
سلطان دار راسه على ملاك بعد ما سمع صوتها تحجي ويه زهره وانصدم من شافها معقوله هي اللي أحلم بيها من خمس سنوات
سلطان /جنت متفاجئ من تصرف ابوي ويه زهره هو صح يظهر حنيته للبنات بس مو بهذا الشكل لكن فجأة سمعت صوت وحده وهي تنهر زهره عن الحركه الزايدة عرفت هي اخت مالك لاني ما شفتها من البدايه بس من رفعت راسي وكف عقلي ورجف كل جسمي واني مصدوم معقوله هاي هي هاي الي شيبة قلبي واني احلم بيها...
ماحسيت الا احد يهزني انتبهت على نفسي وكانت....
.............
زهره / مامي ماسويت شي والله بس عمو جلال ضحكني
الشيخ جلال / كفاج يابنتي ماسوت شي اني الي لاعبتها
ملاك / العفو منك عمي قصدت لا اتعبك واليوم انت جاي من طريق طويل وتعبان وهي حركة بزياده
الشيخ جلال / لا وليدتي مامنها تعب طول ما صرتوا يمي وبرعايتي كلشي من هالقمر ما احلا وهو يبوس خد زهره
ملاك / يديمك عمي ويحفظك لنا
الشيخ جلال /ويديمكم وليدتي تعالي لا تضلين واكفه تعالي كعدي يمي.. وهو يأشر على المكان اللي بجانبه.. راحت ملاك وقبل لا تكعد نزلت زهره من حضن جلال متجهه على سلطان تتعرف عليه لأنها ما شافته...
....................
زهره / وكفت مقابل وجه سلطان وهي تكول (منو انت وهي تاشر كدام وجه) ما جاها رد فهزت كتفه بيدها الصغيره.. سلطان بعد ما فاق من شروده شاف كدامه زهره.... وهي تكول
زهره /منو انت ليش ما ترد عليه وهي ترمش بعيونها
سلطان بابتسامه بسيطة/ امممم وهو يتصنع التفكير... اممممم اني سلطان وانتي منو
زهره / اني زهره اخت مالك واخت مامي وبنت بابا جبار وانت ابن منو
سلطان/ اني ابن الشيخ جلال واخو هدى وندى
زهره / وهي تاشر على جاسر ونادر اممممم وهذول منو...
سلطان /هذول هم اخوتي هذا جاسر وهذا نادر وهو يأشر عليهم
راحت زهره عليهم وهي تكول
زهره /هلو بابتسامه واسعه
جاسر / هلا بالصغيره
نادر / بضحكه.. والله اريد اكلج ممكن عضه بس..
زهره / لااا ما ممكن
نادر /ليش بس وحده
زهره /بعند لا يعني لااااا ماكو انت ما تقبل اوجعك... ليش تقبل انت توجع زهره....
صار الكل يضحك على ضرافه هالطفله....
الشيخ جلال / بابتسامه بسيطه ملاك بنيتي هذا ابني الجبير وهو الشيخ من بعدي اسمه سلطان.... وهذا على حده جاسر توأم ندى... وهذا نادر.. وتكدرين تعتمدين عليهم هم اخوتج مثل ما مالك اخوج يا وليدتي.....
واردف يكول لأولاده الثلاثه هاي بنت عمكم ملاك اخت مالك
ملاك /بابتسامه بسيطه / اهلا وسهلا بيهم عمي الله يعزهم
سلطان / بعد ما صحيت على نفسي من ايد هالسنفوره زهره وحجيت وياها وقلبي نبضاته تقرأ الف... والنوب ابوي عرفنا عليها ( دخيلك شيخ لمن تعرف وبمنو هاي بنت قلبي من خمس سنين) اتحمحمت حتى اطلع صوتي وكلت(
يعز اصلج بنت العم يا هلا بيكم... على روسنا قطعه منا وردت علينا وان شاء الله نصونها... وابتسمت بوجهي وريت ما حد ابتسم بعدها (ولك يا شيخ سلطان شدايصير بيك اثبت يمعود) كلتها بنفسي
جاسر/ اهلا بيج بنت عمي والنعم منكم
نادر / هلا يا بنت العم نورتوا البيت وصرتوا منا وبينا...
ملاك / مصدومة من كل عقلي معقوله الي دا اشوفه الشخص الي اشوفه بأحلامي من سنتين هو كدامي لاااا لااا مستحيل يكون حقيقه... لكن هو حقيقه فعلا هذا عمي يعرفني عليهم... وهو اسمه سلطان... يارب رحمتك شنو شايلتلي الأيام الجايه يارب لطفك...
تجاوزت صدمتي بسرعه بعد ما تكلم هو نفس صوته بحلمي.. ابتسمت بوجه كرد على تحيته هو والباقين... بعدها كعدت بصف عمي وهدى صارت تنصب الغدا هي وعمتي سميه ردت اساعدهم بس ما خلوني وياهم......
............
ها هو الغدا ينصب الكل انلمت عليه وكل شخص بينا بعقله فكره تدور تغدينا وخلصنا وشربنا شاي... والجو ما خلص من ظرافه وشقاوة زهره ويه جاسر ونادر وضحك الشيخ وياها... هنا حس مالك بشي يتحرك بداخله يحثه على الثقه بعمه لكنه معاند نفسه ويوجهه بأنه نفس ابو وهذا كله وجهانيات حتى يتحكم بيهم....
...................
جاسر/ مالك سجلتلك اسمك بجامعه احمد لكن على قسمك وان شاء الله باجر نروح اني وياك حتى انكمل الإجراءات اللازمة واوراقك الثبوتيه حتى تبلش دوامك لأنك على وجه امتحانات... وبعد بكيفك تريد هيج او تريد غير جامعه
مالك / بهدوء ماشي لا عاشت ايدك ان شاء الله نطلع باجر الصبح نكملها اذا ما عندك مشكلة
جاسر / اف عليك يا ابن العم ولا مشكله من بين العيون ان شاء الله لعد على السبعه الصبح ان شاء الله نتوكل حتى تلحك تخلص وتدخل محاضرات رأساً....
مالك /ان شاء الله بإذن الله
نادر / اكلكم شنو رأيكم اهج من شغلي باجر واطفر وياكم ونعيد ذكريات زمااااان بتنهيده
جاسر / لازم حنيت للمصايب الي جنت اتسويها هاااا
نادر بضحكه / افا عليك يخوي اي مصايب والله اني المسكين
جاسر بسخريه / ايييي حقك جنت افض مشاكل العتوي بالكليه يوميه
نادر /اخوي حبيبي كافي فضايح ما خليت غطى على روحي يمعود
وضحك الكل على كلامه بينما ذاك العاشق هائم حتى أنفاسه الاخيره بسحر محبوبته الصغيره
.... وانصراف الكل يقضي كل شخص ما عليه من أمور الشيخ جلال وسميه دخلوا يرتاحون... والشباب كل منهم انصرف لغرفته....
.............
سميه / قواك الله ابو سلطان وانطاك عمر وعافيه من جبتهم زينة الفعل الي سويته
الشيخ جلال/ وهو يبوس رأسها.... الحمد لله يا ام سلطان الحمد لله الله يقدرني وأأدي امانتي هذول ولد اخوي... اكيد لاحضتي مالك... وراهم شي وخايفين منه
سميه / لاحضت ان ثقته مهزوزه بينا لحد الان بس الله كريم الأيام جايه ان شاء الله مهما كان الي مروا بي ماهو سهل يتم الأم والأب أصعب شي لكن كانوا كدها شفت شلون مربين زهره احسن تربية وحتى زهره تصيح ملاك ماما ملاك سوت هيج حتى لا تحسس زهرة انها وحيده ويتيمه صارولها هي ومالك ام وأب وأخ واخت وكلشي فحق مالك يخاف عليهم ويتوتر وقصت عليه ليش زهره تصيح ملاك مامي
الشيخ جلال / لا حول ولا قوة الا بالله العلي العظيم... بالفعل كانوا كد أمانتهم وجاهم من يعوضهم ان شاء الله وهو يهز راسه كأنه هناك ما يدور بعقله.....
..........................
مالك بغرفه ملاك وبحضنه زهره( والله ما اعرف شكلج مشوش ومو عارف شكول لاتضغطين عليه وعوفيها على الله هو كفيل بيها)
ملاك / ونعم بالله يخوي ما اضغط عليك بعد بس مهما كان هم أهلنا ومالنا غيرهم وانت تعرف شنو من شي خالك وشلون تخلصنا من شره على الاقل هم أولى بينا
مالك حول نظره على زهره ولكاها نايمه بحظنه من التعب وكال
مالك/ ( هاي بنيتي نامت بحضني بكد ما لعبت شكلها حيل فرحانه)
ملاك بضحكه / ماخلت احد ما لعبت وياه وضحكت وياه جنها جانت محبوسه وهي تاخذ زهره تمددها على السرير وتغطيها
مالك/ ارتاحي انتي بصفها واني هم اروح ارتاح اشوي والله كريم بأس ملاك من راسها وطلع....
ملاك/ ابتسمت ملاك عليه واتنهدت وهي تكول الله يهديك يا مالك واحساسي ان شاء الله ما يخيب وتذكرت شلون شافت سلطان وانصدمت من شافته وابتسمت اكثر وصارت تتذكر حلمها
................
ملاك كاعده بمكان مضوي كأنه حديقة خضرا وشمسها قويه وهي فرحانه وفجأه ظهر ابوها كدامها وهو معصب لأبعد الحدود ويظلم المكان من حولها ويصير أظلم دامس وتسمع بس صوت ابوها وهو يكول كله بسببج انت قتلتيها انتي السبب بموتها وصارت تبجي وتضم رجليها بحظنها وتدفن رأسها بين رجليها وتسد اذانها وهي تبجي بشهيق والخوف يتملكها بشده لحد ما يهدئ كل شي وتسمع صوت هادئ ثابت وهو يكول
الصوت / هدأي ما صار شي لا تخافين اني وياج ارفعي راسج اني احميج من الكل ارفعي راسج وضوي الدنيا يا بنت قلبي... اخذي ايدي وكومي... ترفع رأسها ملاك وتشوف كدامها المكان الواكف بي هذا الشخص تكمش ايده وتحس بالدفى بيها والراحه وهو يشد على ايدها اكثر يحثها تكوم من مكانها وهو يبتسم بوجها تبتسم وتكوم مقابله له ويمسح دموعها ويربت على رأسها وهو مبتسم بوجها وكان هذا الشخص والصوت هم سلطان ماحد غيره... ترجع ملاك من ذكرياتها وتكول يارب ارحم ضعفي وقلة حيلتي يارب العالمين ويقاطعها دك الباب وهي تكول تفضل ينفتح الباب
هدى /بابتسامه واسعه اسفه إذا ضوجتج لكن حبيت اجي يمج ونسولف اذا ما بيها ازعاج يعني
ملاك / بالعكس يا بنت عمي تفضلي يالغاليه
هدى / وهي تباوع على زهره نامت السنفوره
ملاك بضحكه / اي نامت تعبت اليوم هوايه لعبت لأول مرة اشوفها سعيده وتلعب بنشاط
هدى / يارب يدومها عليكم اي اممم ممكن اسالج سوأل
ملاك / تفضلي
هدى / شمخلصه دراسه
ملاك/ بحزن وتنهيده طويله والله يا قلبي ما مخلصه غير سادس اعدادي وبعدها بطلت لان ابوي الله يرحمه ما رادني اكمل دراسه وبطلت
هدى / والله وبصراحه لا تزعلين مني لكن حقه عمي الله يرحمه يبطلج شلون شايله جمال والله لوجنت رجال الا تزوجتج ههههههه
ابتسمت ملاك قليلا كأنها تضحك على نفسها مما تسمع واردفت تقول..
ملاك/مابيج قصره بجمالج ما شاء الله
أستوووووووووووووب
😇😇😇😇😇😇😇😇😇😇😇😇😇😇
تصويت وتعليق ما يخسر يا غوالي 😋
يتبع 👈👈👈👈
ВЫ ЧИТАЕТЕ
ملاك الشيخ سلطان
Любовные романыالروايه باللهجه العراقيه.... 💚 روايه ليست ككل الروايات... فيها كل ماحرم الشخص منه.... دفئ العائله واجتماعها.. حب نقي طاهر... رغم البعد إجتماع... رغم الألم أفراح.... القصه.... فتاة جميلة تعتني باختها الصغيره واخاها رغم الألم الذي أصابها الا ان نقاء...
