ملاك الشيخ سلطان

البارت 9

....... بسم الله الرحمن الرحيم .......

والصلاة والسلام على رسول الله صلى الله خاتم الأنبياء والمرسلين...
استغفر الله العظيم واتوب اليه عدد خلقه ورضا نفسه وزنة عرشه ومداد كلماته...
❤️❤️❤️❤️❤️❤️❤️❤️❤️❤️❤️❤️
الحسرة تملئ القلب سيدي..
لا العشق والهوى دوماً ينفعني..
أتيت وقت السحر رممت فؤادي..
فآمنت الروح بك أنت يا سر بهجتي..
💋💋💋💋💋💋💋💋💋💋💋💋💋

بعد ما توكل سلطان لمهمته وزهره وهدى لمدرستهم .. جرى اليوم بشكل يسير ومضت يومين  كل شخص حسب روتينيه اليومي...
لكن في مكان ما...
الجندي1/ سيدي راح نفقد السيطره.. والمعتقل هرب..
قالها الجندي الأول بقلق
الجندي2/ سيدي اثنين مصابين من عدنا لازم ننسحب هناك خونه بينا سيدي الخطه فشلت..
قالها الجندي الثاني وهو يشعر بالخوف من القادم
سلطان /  بصراخ.. اااااااااااااااا ماشي انسحاااااب للكل ولا تتركون المصابين وانتبهوا...
وهم ينسحبون أتت رصاصه من أحد الأسرى الهاربين واصابت كتف سلطان لكنها كانت سطحيه
سلطان/ ااااه.. والله ما تاركك....
وأطلق رصاصته فاصابة احد الهاربين بجبينه ثم تم الانسحاب وارسال المصابين للمستشفى لمعالجتهم.. وعاد كل شخص لبيته بعد أن فشلت مهمتهم بسبب خائن بينهم..... بينما سلطان اكتفى بتضميد جرح كتفه من أحد الممرضين دون أن يشعر احد إنتهى واتجه إلى الغرفه التي يرقد بها المصابين من جنوده
سلطان/ المصابين شلونهم
الجندي/ الحمد لله سيدي بخير تمت عمليتهم وبانتظارهم يصحون
قالها احد الجنود الواقفين عند الباب
سلطان/ وجه كلامه لمساعده الحمد لله أخذوا اجازه اليوم وباجر وارتاحوا لحد ما نكشف الخائن الي بينا
المساعد/ تمام سيدي عن اذنك وأشار له سلطان بالخروج
في بيت الشيخ جلال البيت هوسه من الناس الي بي لان اليوم جمعه العمات والاعمام وأولاد العم وبنات العم والعمه الكل مجتمعين كالعاده والأولاد يلعبون بالحديقة
ملاك/ هدى عفيه حضري الزلاطه بين ما اهدر التمن
هدى/ والله الا تنطيني شي يلا اسوي زلاطه
ملاك/بضحكه ماشي يجرالج الي تريدي ست هدى
رحمه/ والله هدى الله يرزقج بواحد يمشيج على الصراط المستقيم
ندى/ بهاي والله ما اكول غير آآآآآآمين
وهي ترفع ايديها لفوك وضحك الكل بينما شمس غمزت لهدى وابتسمت هدى بخجل عليها
(يظهر لنا أن هناك من يسكن في قلب الاميره)
ياسر/يا ساتر يا رب خير هالضحك ضحكونا وياكم
قالها بينما يدخل المطبخ
رحمه/هيج جنا ندعي لهدى بواحد يمشيها على الصراط
ياسر/تغير حاله حس بالغيرة معقوله يجي واحد ياخذ محبوبته منه ورد عليهم ببرود بطلوا هالسوالف المكسره ورمى نظره على هدى وطلع بينما ملاك فهمت ان ياسر يحب هدى وهدى كذلك بدون ما احد يعرف مشاعر الثاني اتجاهه لان بس شافته هدى عيونها صارت تطلع قلوب وابتسمت الاتواجه هالاثنين بيوم... مالك صار أكثر تعويد من الايام السابقه على عمه و ولد عمه لكن ينكر على نفسه ذلك..
بينما الكل كاعدين ومتجمعين ينتظرون الشيخ يجي من الديوانيه دخل عليهم سلطان وملامح وجهه تشع غضب وعيونه تقدح شرار قرر الكل يلتزم الصمت بعد ما شافوا بهذه الحاله بعد ما سلم على امه وجدته وعماته وسأل عن ابوه طلع لغرفته سبح وغير ملابسه وبقى فوك بغرفته
سميه/شفتي يمه شلون عصبي بس لا صاير ويا شي ما سألته لاني اعرفه ما راح يحجي شي
قالتها امه بقلق يحرق قلب الأم على ولدها
الجده/تهدي يا يمه اكيد تعبان من شغلهم انتي تعرفين شغلهم مو بالساهل كولي يا الله
سميه/والله يمه قلبي مو مرتاح.. حاسه صاير شي يا رب استر .. دخل عليهم الشيخ جلال واخوته والشباب
الشيخ جلال/ السلام عليكم
الكل /وعليكم السلام ورحمة الله وبركاته
الشيخ جلال/شبيها وجوهكم ما تفسر شجرالكم
سميه/اجه سلطان بس جان عصبي وضايج وصعد لغرفته ماراد احد يزعجه
الشيخ جلال/عوفوا شويه وحده وصبوا الغدا اذا جهز
سميه/اي جهز ومنتظريكم يلا شوي ونصب وكعد الكل ينتظرون الغدا
سلطان/هو بغرفته كاعد يفكر منو الخاين الي خانهم وهرب السجين خلى العمليه تفشل.. لازم اكشفه والله اذا كمشته الا أفصخ عظام جسمه عظمه عظمه بسيطه.. ونهض فجأة من مكانه كان عقرب لدغته.. لازم أأمن البيت هسه صار التهديد عليهم وحمل هاتفه
المساعد/نعم سيدي أأمرني
سلطان/اسمعني زين وركز وياي (.....) وهسه نفذ الي كتلك عليه لاتنسى الحمايه للبيت وبلغ الكل بهذا الشي وزيد الحمايه بالمستشفى على الجنود
المساعد/علم سيدي.. وقفل المكالمه سلطان وابتسم بخبث كأنه عرف منو الي خانهم وفجأه اندك باب غرفته وصاح بعصبيه من ورى الباب اني مو كلت ما اريد احد
ملاك/بهدوءوبرود ولا كان الي داخل الغرفه عصبي ومن عصبيته كانه وحش مو بشر ردت عمي جلال يريدك جوه على الغدا منتظرك ونزلت وعافته بدون صوت...
.......... .... قبل شوي...
الشيخ جلال/بنات صيحوا سلطان على الغدا
هدى/قل أعوذ برب الفلق ما اصعد اصيحه لو مدري شيصير روحي انتي ندى
ندى/ يمه اسم الله الرحمن اني وراي جهال ما اريد ايتمهم روحي انتي شمس
شمس/بسم الله الرحمن الرحيم احنا من المحظور علينا نصعد فوك وبعدين ليش اني والله بعدني صغيره وحتى ما داخله دنيا بعد دزي رونق
رونق/ليش اني يعني خل تروح ملاك وتبعتها بضحكه انتصار 
هي تعلم لا أحد يجرؤ على مناداة سلطان وهو غاضب فرمت الأمر لملاك كي يصرخ عليها وترى غضبه الذي يخشاه الجميع.. لكنها لا تعلم من هي ملاك وماذا رأت في حياتها...
ملاك ببرود/شجاكم رايحين تصيحون الوحش من غرفته رايحه اصيحه انصبوا الغدا
اليف/حقج عمي ماشايفه الشيخ سلطان من يعصب والله عمي موعصبي مثله...
هز الكل راسه بالموافقه تابعتهم ملاك بنظره ساخره كأنها تقول لهم حقكم ماشفتوا الي شفته اني وراحت تصيح سلطان
سلطان/بعد ما قفلت المكالمه من مساعدي اندك الباب وغضبت حيل لاني منبه على الكل محد يصعد فوك وماريد اشوف احد لكن فجأة اجاني صوت هادئ وبنفس اللحظه على صاحبه برود غريب لكن لحظه هذا صوت رويحتي.. تفاجأت لمن عرفتها ماخافت ولا رجف صوتها مثل باقي البنات من يصيحوني واني معصب لكن شعجب صوتها بارد كأنها تكول للمقابيل هذا قليل من الي شفته بحياتي استغفرت ربي وغسلت وجهي ونزلت على الغدا..
نزل سلطان على الغدا شاف الكل مجتمعين ينتظروا وباوع على ملاك كالعاده هام بتفاصيل وجها ولبسها المحتشم وشلون تطعم بزهرة ورتبت اكله لمالك كدامه وكالعاده هامله نفسها ابتسم واتجه لمكانه كملوا غده وعزلوا وصبت اليف القهوه الي صنعتها ملاك بعد ما طلب منها الشيخ جلال ان كل يوم جمعه واجتماع بينهم القهوه عليها هي تصنعها وشربوا وهم مستمتعين بشربها وها هو العصر يمر عليهم استأذن منهم سلطان وطلع راح يزور جنوده بالمستشفى ويغير ضماد جرحه ويتأكد منهم ومن عائلتهم و مالك خرج ويه زملائه حتى يجيبون بعض الاستنساخات الي تخص دراسته والشيخ جلال راح يتفق ويه شيخ القبيله الثانيه على فصل راح يحضروا ثاني يوم وعند رجعتهم وقت المغرب التقى الثلاثه بطريق الرجعه الشيخ جلال ومالك وسلطان
الشيخ جلال/ها كملتوا مشواركم
سلطان ومالك/اي كملنا
الشيخ جلال/اي سلطان شو اليوم صارت عودتكم من وقت
قالها كأنه قد كشف ابنه وهو كذلك كشفه
سلطان/العمليه فشلت والسجين هرب بسبب الخائن الي بينا وهسه الكل حياتهم مهدده
الشيخ جلال/بكل هدوء الله كريم يصير خير ان شاء الله وانت نصبت موو
سلطان/وداعتك الخير لا اقلبه عليهم وهسه تشوف.. اصابتي جرح خفيف ماكو داعي احد يدري بي.. ابتسم الشيخ بجانبيه وثقه على ابنه يعرفه من يوعد يوفي وعده بالنهايه هو الشيخ للمستقبل من بعده وصلوا حد البيت وسمعوا صوت صراخ دخلوا بركض وشافوا ملاك بالكاع تبجي بشهيق وتصرخ وزهره بحضنها غركانه بدمها وهي حاضنه زهره متعرف شلون توكف النزيف
..................... قبل قليل ....
ملاك/زهره حبيبي لا تركضين لا توكعين زين
زهره/بعد ما شربت المي وطلعت تركض وهي تكول اي مامي صار
ندى/عوفيها يمعوده خل تلعب خطيه جاهله
ملاك/بقلق مدري قلبي حاسسني بشي وخايفه عليها منو عندي غيرها هي ومالك دنيتي
رحمه/كولي يا الله شجاج يمعوده وسمعت صوت طبه وصرخه
ملاك/هذا صوت زهره وطلعت تركض وشافت زهره واكعه من المرجوحه وراسها يصب دم كأنه نافوره مفتوحه وهي مغمي عليها ركضت عليها وشالتها بحضنها وهي تهز بيها
ملاك/ببجي وصراخ.. زهررره ولج زهرررررة كومي ولكم الحكوووو عليه زهررره راح تموت ولج زهرررررة دخل عليها من الشارع مالك وجلال وسلطان وشافتهم... ماااالك الحكلي زهررره راح تموت ماااالك ولك ماااالك زهررره اااااااااه يمه لا تاخذين زهره ولج يمههههه زهررره.. فاق مالك من صدمته واتجه حتى يشيل زهرة للمستشفى لكن سبقه جلال وشالها من حضن ملاك بينما الكل طلع وانصدم من منضر ملاك وزهره صاح جلال
الشيخ جلال/ولك سلطان بسرررررعةةةة السياره ولك اركض وهو شايل زهره ويركض بيها للسيارة وملاك الي فاقده بس تصرخ على زهره ركض سلطان ومالك على السياره وطلعوا بيها والشيخ جلال لورا بحضنه زهره الي إمتلئ ثوبها وملابس جلال دم واتجهوا للمستشفى
سلطان/اريد دكتور بسرعه دكتور بصراخ
نادر/سلطان؟ ولك هاي زهره شبيها
مالك/بخوف ودموعه على وجهه.. نادر الله يخليك شوف زهره راح تروح من بين ايديه الله يخليك...
نادر/كول ياالله صاح ممرضين ويا واخذوا زهره من حضن الشيخ جلال لغرفه الطوارئ... مسحوا الدم من عليها وخيطوا الجرح الي براسها خمس عقد من الخياط...
وعلقوا لها مغذي وبطل دم.. بينما الي ينتظرون بالخارج كأنهم ينتظرون على جمر الشيخ جلال كامش راسه بايديه وهدومه كلها دم ينتظر خبر وسلطان رايح جاي بالممر
مالك/لاااا هذول طولوا اكيد صار لها شي وما كالوا اني ما اصبر بعد.. وكام يصيح ولكم تعالوا أنطوني خبر عنها اذا ماتت كلولي ولكم بنتي شصارلها وراد يدخل عليهم لكن سلطان حضنه وما خلاه يدخل
سلطان/يمعود استهدي بالرحمن لو صاير شي جان كالوا يمعود وحد الله
مالك/جرت دموعه على خده ولك آآآآآآه شلون اهدى وقطعه من روحي بالداخل ما ادري شصار بيها
سلطان/اذكر الله مالك شبيك نادر بالداخل الله كريم وخرج نادر عليهم وركضوا عليه الكل
نادر/لاتخافون الحمد لله مابيها شي خيطنا جرح رأسها خمس نفذ وحطينا لها مغذي ودم بعد ساعتين تفيق ماعليها شر ان شاء الله
الشيخ جلال/الحمد لله على وعده سلطان ابني جيب لزهره ملابس من البيت وليه هم اني راح أضل يمها
مالك/عمي جلال روح انت ويه سلطان ارتاح واني ابقى هنا سكت الكل فجأه ودمعت عين جلال من الفرحه هاهو ابن اخو يثق بعمه ويأمن بي حضن جلال مالك بقوه وكاله
الشيخ جلال/بعد عمك اني باقي يمك وما اتحرك الا رجلي على رجلك ونطلع زهره بالسلامه ويانا ردله مالك الحضن بقوه هم وكاله/ مالك/ان شاء الله عمي وباس راس عمه بينما سلطان ابتسم اخيرا اعترف مالك بيهم أكد الشيخ مره ثانيه على سلطان يجيب الملابس رجع سلطان على البيت ينفذ الكال عليه
اجت ندى ورحمة يكومون ملاك من الكاع ويه ما وكفت ملاك اغمى عليها بين ايديهم صاحت ندى
ندى/ولج ملاااااك ملاااااك شجاج يمعوده اذكري الله وملاك تهذي باسم زهره فاصله عن العالم صاحت..
ندى /(جاسر يمعود تعال شيلها دخلها جوه) اجه جاسر وشاله خلوها على السرير بغرفة الجده يم جدتها وهم يحاولون يصحون بيها صحت ملاك وهي تصرخ تريد تروح على المستشفى يحاولون يسيطرون عليها محد كدر دخل عليهم سلطان بهذه الاثناء وانصدم من حاله ملاك الهستيريه بدموعها وهي ترفض ان يمسكها احد.
سلطان /ملاااااك
استوووووووووووووب
ملابس البنات

رايكم احلى بنات بالبارت 💋
ماذا سيحدث مع ملاك وسلطان
يتبع👈👈👈👈👈👈