........ بسم الله الرحمن الرحيم .....
الصلاة والسلام على رسول الله خاتم الأنبياء والمرسلين 🌹
سبحان الله وبحمده.. سبحان الله العظيم ❤️
🌼🌼🌼🌼🌼🌼🌼🌼🌼🌼🌼🌼
حَنَّ طيري للغصن و الشجر...
فنسي أَني دونه غائبٌ أَمر...
والعشق والشوق مني لا يفر...
ألتقي عينيه وألروح عنه سفر...
أيا نبضاً إنه في القلب مستقر...
ويبلغني عنك أنه معي مستمر...
فهدأ وكفاك من الليل سهر...
فأنت المفكر به أغربٌ أسر...
🌃🌃🌃🌃🌃🌃🌃🌃🌃🌃🌃🌃
الشيخ جلال/بعد ما غير ملابسه اتجه يجلس بجانب ملاك وسألها... ملاك بنيتي انتي زينه.. ابتسمت ملاك بوجه عمها بعد ما مسك ايدها
ناظرته ملاك بابتسامه هادئه ليس وكانها هي من كادت تقتل نفسها قبل قليل
ملاك/الحمدلله عمي زينه لا تقلق.. وجب ان اكون زينه ومسحت على
ايده بتربيت.. بادلها ابتسامه مكسوره احتضنها لصدره بعدما قبل جبهتها تحت أنظار سلطان المستغرب وضع ابو نظراته وكلامه.. أتى مالك بعد ما غسل وجهه ومعه نادر حتى يتطمن على زهره ويدخل ملاك عندها.. لكن الي تكلمه مالك صدم الواكفين وياه من سلطان وملاك ونادر
مالك/عمي كوم ارتاح شوي واحنا اهنا وباجر بإذن الله تعال والله تعبت حيل
الشيخ جلال/مابيه شي وليدي كلت لك ما اطلع منا الا و رجلي على رجلكم واكطع الكلام... ملاك ابتسمت ابتسامة بسيطه لكن بداخلها كانت طبول تدق وأخيرا اخاها وثق بعمه على عكس سلطان الي استغرب الوضع اكثر واكدله ان صار شي بعد ما طلع من المستشفى... دخل نادر على زهرة ونزع المغذي وكيس الدم بعد ما خلصن من زهره وفحصها وطمنهم عليها
نادر/لا تخافون عليها الحمد لله وضعها مستقر شوي وتصحى
تحمد الكل بسلامتها وطلع لمناوبته وبقت ملاك وياها تغيرلها ملابسها وهي تشوف رأسها ملفوف وايديها المتخدشه...
ملاك ببكاء/ بعد ما غيرت لزهره ملابسها كعدت يمها على الكرسي... اني السبب اني ما انتبهت عليج مثل ما جنت السبب بموت امي اني السبب بوكعتج هاي وهي تمسح بوجه زهره وايديها ما حست الا على ايد تمسك كتفها نظرت شافت مالك كدامها حضنها حيل وصاروا يبجون وهي بحضنه
مالك/مو انتي السبب بموت امي لا تكولين هيج زين انتي مؤمنه وتعرفين قضاء الله وقدره يبعد اخوج وكلامج هذا يعتبر كفر وهو يهز كتفها
ملاك/ببكاء لو ما رحت اجيب شوكولا لو ما سهجت عن زهره جان ما صار الي صار
مالك/ملاك عافيتي اختي امسحي هالافكار من راسج لان تغضبين ربج بيها همهمت له ملاك ومسح دموعها وباس رأسها وكال..... اروح اجيب شي ينأكل عمي خطيه لهسه على لحم بطنه.. ابتسمت ملاك
ملاك/ مالك الحمد لله من وثقت بعمي ومسحت على
يده اكتفى مالك بهز راسه وطلع يجيب شي ينأكل بهذه الاثناء استيقضت زهره وفتحت عيونها بتعب
زهره/وهي تفتح عيونها.. مااامي.. مااامي تكلمت بهمس وجع
ملاك/بفرحه وضحك.. زهوره حبيبة امها غاليتي فتحتي يوجعج شي هاا بنوتي الحلوه باوعي عليه.. باوعت زهره اتجاه ملاك وبدأت ملاك تبوس وجها من كل جهة ضحكت زهره بخفه تابعت ملاك قائله .. حبيبة مامي اصيح الطبيب واجي زين.. طلعت ملاك من الغرفه ملهوفه قابلوها سلطان وجلال الي نهض من مكانه بسرعه
الشيخ جلال/ بقلق ها بنيتي شبيج ليش طلعتي صار شي عليها
ملاك بابتسامة وعينيها تفيض الدمع /عمي جلال كعدت زهره فتحت عيونها ودخل جلال وسلطان بسرعه للغرفه.. شافوها مفتحه تنظر عليهم نصى جلال وباس راس زهره وكال
الشيخ جلال/الحمد لله على سلامتج يالعزيزه.. ضحكت زهره بخفه /عمو جلال راسي يوجعني
ونصى هو الثاني وباسها من خدها.ثم تابع قائلا . اييي هسه شتريد سنفورتي... قاطع كلام سلطان دخول الممرضه تطمنت على زهره وخلتها لباجر بالمستشفى تحسبا لأي شي والصبح يكدرون يطلعوها وطلعت دخل مالك وشاف زهره مفتحه واتجه عليها بسرعه
مالك/ بنوتي الصغيره اميرتي وهو يبوس بوجها وخدها وايديها... اكو شي يوجع اميرتي
زهره/لا بس...
مالك/أميرة اخوها شبيها...
زهره/بس جوعانه 😁
وضحكت وخلت الكل يضحك وياها.. بعد اشوي الكل كاعدين وياها بالغرفه بعد ما أكلوا الاكل الي جابه مالك انتبه مالك على أن الشيخ جلال ما يكدر بدون شاي بالليل وكام بسكوت راح يجيب شاي..وطلع الشيخ جلال يتمشى شوي يغير نفسه
زهره/صارت تتحرك زايد وتريد تكوم تروح جلال وتلعب... مامي اريد اكوم يم عمو جلااااال
ملاك/حبيبة امها ما يصير تكومين هسه يجي عمو جلال..
زهرة/ماااا ماااااا اريد اكوم وصارت تبجي تريد تطلع
سلطان/سنفورة اكعدي عاقله حتى احجيلج قصه شتكولين.. سكتت زهره وهي اتابع سلطان بتفكير
زهره/امممم ماشي بشرط تجي تكعد يمي.. دخل سلطان وكعد على السرير وسند ظهره للخلف وخلى زهره تستند على صدره وحضنها كل هذا تحت متابعه ملاك لهم
سلطان/هسه مرتاحه يلا نكول كان ياااما كان كان اكو بنت صغيره وشعرها طويل وحلو وعيونها كبار لكن مشكلتها انها ما تسمع الكلام......................... بينما ملاك هامت في ملامح وجهه لسلطان وهي تدقق بنظرها على الشماغ شلون لافه بطريقه جدا انيقه وجذابه وعرض كتافه وكبر ايده وهو يمسح على ظهر زهره ابتسامته وهو يحجي ويا زهره والا حنيته تمنت بلحظه يتيمه هي الصغيره اللي بحضن سلطان وتأخذ شوي من دفئ حضنه تحركت بداخلها مشاعر جديده مالها علم بيها ابتسمت بكسره وهي تناظر سلطان وزهره الي نامت بحضنه وهو يقصلها القصه
سلطان/وهيج نعرف ان ليلى كان لازم تسمع كلام امها وما تكسره.. نظر على زهره الي بحضنه لكاها نايمه باوع على ملاك ابتسمت بوجهه وردلها الابتسامه وهو يكول.. نامت خطيه
ملاك/اي نامت وتعبتك وياها
سلطان/لا يابا لا تعب ولا شي ارتاحي انتي لما اشوف ابوي وين ومالك
هزت براسها وطلع وعافها ويه زهره طلع سلطان وشاف ابوه يشرب شاي واكف ويه مالك ويسولفون.. كال ها يابه شنو رايك تجي بغرفه نادر شوي ترتاح للصبح
الشيخ جلال/لا يبوي شرتاح هسه كلها كم ساعه َيطلع الصبح شلون اعوفكم.. أصر عليه مالك وسلطان واتجه لغرفه نادر يرتاح بيها
مالك/تعبناك اليوم انت وعمي هاي عود جاي ترتاح
أنت تقرأ
ملاك الشيخ سلطان
Romanceالروايه باللهجه العراقيه.... 💚 روايه ليست ككل الروايات... فيها كل ماحرم الشخص منه.... دفئ العائله واجتماعها.. حب نقي طاهر... رغم البعد إجتماع... رغم الألم أفراح.... القصه.... فتاة جميلة تعتني باختها الصغيره واخاها رغم الألم الذي أصابها الا ان نقاء...
