" ဆေးရုံအုပ်ကလာခဲ့ပါတဲ့ "
ဟေမာန့်အပြောကြောင့် ဆေးရုံအုပ်ရုံးခန်းသို့ထွက်လာခဲ့သည်။ဆေးရုံအုပ်ရုံးခန်းထဲတွင် ဒေါက်တာထိန်လင်းပါအတူရှိနေသည်မို့ အနည်းငယ်တော့ စိတ်ကသိကအောက်ဖြစ်သွားသည်။
" ထိုင် "
" ဟုတ်ကဲ့ "
" ခုဖြစ်နေတဲ့ပြဿနာတွေကိုဘယ်လိုရှင်းပြမလဲဒေါက်တာခင်ပျိုမူ "
" ကျွန်မမှာရှင်းပြစရာမရှိဘူး။ဒေါက်တာမြတ်လေးသွယ်နဲ့လက်ထပ်ထားတာလည်းအဟုတ်ပဲ။အတင်းအကြပ်ယူထားတယ်ဆိုတာလည်းအဟုတ်ပဲ "
ဒေါက်တာထိန်လင်းကပြုံးနေသည်။ဆေးရုံအုပ်ကို ဒေါက်တာထိန်လင်းက မျက်ခုံးပင့်ပြသည်ကို ခင်ပျိုမူမြင်လိုက်သည်။ဒါဆို ဒေါက်တာထိန်လင်းနဲ့ဆေးရုံအုပ်ကအချိတ်အဆက်ရှိတာပဲ။
" ကျွန်မကို အလုပ်ထုတ်ဖို့ကြံနေတယ်နဲ့တူတယ်။မေ့နေတာလေးသတိပေးလိုက်ဦးမယ် "
ဘယ်ဘက်ခြေထောက်ပေါ်ညာဘက်ခြေထောက်ထပ်တင်၍ ထိုင်ခုံလက်ရန်းပေါ်သို့လက်ကိုအသာအယာတင်ကာ ကိုယ်နေဟန်ထားပြင်လိုက်သည်။
" ဆေးရုံအုပ်ရာထူးဆိုတာ ကျွန်မကထောက်ခံပေးထားတယ်ဆိုတာ မမေ့
ကောင်းဘူးနော်။ဒီဆေးရုံမှာကျွန်မရဲ့
အစုဝင်ဘယ်လောက်ပါလဲဆိုတာ မေ့နေပြီထင်တယ် "" သိပါတယ်သိပါတယ် ဒေါက်တာခင်ပျိုမူဆိုတာဘယ်လိုလူမျိုးလဲဆိုတာ ကောင်းကောင်းသိပါတယ်။ပြဿနာကဘယ်လိုဖြစ်လာတာလဲဆိုတဲ့အကြောင်းရင်းကိုသိချင်လို့ခေါ်လိုက်ရုံပါပဲ ဟဲဟဲ"
ဆေးရုံအုပ်လေသံကချက်ချင်းပြောင်းသွားသည်။ကျိုးနွံသောတပည့်ပမာ ခင်ပျိုမူရှေ့၌ ဝပ်နေသည်။ဒေါက်တာခင်ပျိုမူကဒေါက်တာထိန်လင်းကို စိုက်ကြည့်ကာ ဟန်ပါပါပြုံးပြလိုက်သည်။
ဆေးရုံအုပ်ရုံးခန်းကနေပြန်လာပြီးနောက်စင်္ကြံလမ်း၌ ဒေါက်တာမြတ်လေးသွယ်နှင့်တွေ့လေသည်။
" ဒေါက်တာမြတ်လေးသွယ်။အရမ်းကျေးဇူးတင်ပြီး ပျော်ရွှင်ခဲ့ရပါတယ် "
ထိုမျှသာပြောပြီးနောက် ထွက်လာခဲ့သည်။အိမ်တစ်လုံးထဲတွင်အတူတူနေနေကြသော်လည်း ယခင်ကမှ အခန်းတူတူနေကြသေးသည် အခုတော့ တစ်ယောက်တစ်ခန်းစီခွဲလိုက်သည်။မြတ်လေးသွယ်က စကားမပြောသလို ခင်ပျိုမူကလည်းစကားမပြော။အိမ်တစ်ခုထဲတွင် နှစ်ယောက်ထဲသာနေပြီး တစ်ယောက်နဲ့တစ်ယောက်မတွေ့အောင်ရှောင်ကြသည်။
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
Romanceနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။