ညဉ့်ကတစ်ဖြေးဖြေးနက်၍လာသည်။ညကျက်စားသော သတ္တဝါတို့၏ အလုပ်ခွင်ပင်။
ခင်ပျိုမူကဟေမာန့်ကိုစူးစူးရဲရဲစိုက်ကြည့်နေသည်။ကေသီနဲ့ဟေသာကလည်း ခင်ပျိူမူ့ကို ရဲရဲမကြည့်ရဲသလို မျက်တောင်တခတ်ခတ်လုပ်နေသည်။
" ငါ့ကိုပြောပြသင့်ပြီထင်တယ် "
အကုန်လုံးကတိတ်ဆိတ်နေသည်။သူပြောမလို၊ငါပြောမလိုနှင့်။
" နင်တို့လုံးဝမပြောရင် ငါဒီနားမှာပဲတစ်ချိန်လုံးထိုင်နေမယ်။တစ်ရက်ဖြစ်ဖြစ် နှစ်ရက်ဖြစ်ဖြစ် "
" ငါတို့ကိုမေးမယ့်အစား ဒေါက်တာမြတ်လေးသွယ်ကိုပဲမေးလိုက်ပါလား "
" နင်ပြောသလိုပဲပေါ့ဟေမာန် သူကဘယ်တော့မှပြောမှာမဟုတ်ဘူးလေ ငါလဲဘယ်တော့မှသိလာရမှာမဟုတ်ဘူး။ခုတောင် ငါမသိဘူး ငါ့ကိုတစ်ခုခုဝိုင်းပြီးဖုံးကွယ်ထားကြတယ်လို့ သံသယဝင်နေတာပဲရှိတာ "
ခင်ပျိူမူ့အသံကပကတိတည်ငြိမ်နေသည်။မရ ရအောင်မေးမည်ဟုစိတ်ဆုံးဖြတ်ထားသည့်ပုံ။
အမှောင်ထုကတစ်ဖြေးဖြေးအရောင်ဖျော့လာပြီး မနက်ခင်းဟူ၍ရောက်ရှိလာသည်။နံနက်ခင်းဟူသည် အရာအားလုံး၏တစ်နေ့တာအစဖြစ်သော်လည်း တစ်ညလုံးမအိပ်ရသေးသော ခင်ပျိုမူအတွက်တော့ ဘာမှမထူးခြားပေ။
မြတ်လေးသွယ်အိပ်ရာနိုးလျှင်သောက်ရအောင် နွားနို့တစ်ခွက်ကိုဖျော်ကာ အဆင်သင့်လုပ်ထားလိုက်သည်။ပြီးနောက် မြတ်လေးသွယ်အားနှိုးရန် အခန်းထဲသို့ဝင်လာခဲ့သည်။
" နိုးနေပြီလား "
မြတ်လေးသွယ်က ခင်ပျိူမူ့ကို မရဲတရဲကြည့်ကာ စောင်ကိုခေါက်နေသည်။
" အဲ့တာကိုချထားလိုက်ပါ။စကားပြောရအောင် "
" ဟုတ်ကဲ့ပြောလေ "
" ခေါင်းကြည်ရဲ့လား "
" ဟုတ် "
" ဒါဆိုမျက်နှာသွားသစ်။ထမင်းစားပွဲမှာစောင့်နေမယ် "
အချိန်နည်းနည်းကြာပြီးလျှင် မြတ်လေးသွယ်က မျက်နှာရေစက်လက်ဖြင့် ထမင်းစားခန်းဆီသို့ရောက်လာသည်။
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
Romanceနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
