يفتح و يغمض عيونه صار له شهر من دخل غيبوبه من وضحت الصوره له التفت عليه اول شي كاله
_انتي منو وشعندج هنا
_كلتلك اني من طرف.....اجيت اساعدك
_تدرين انتي وين هسه
_اي ادري اني وين هسه
_ما خايفه
كان يحجي وياي بكل ثقه و قوه عكس ملامح وجها لي تكول انه...
بعد ما خلصت خطوبه رحت البيت اول ما دخلت جان اشوف ماما كاعده على سجاده و تقرأ قرآن رحت الها و بستها من راسها _مريم:ها غاليتي شلونج من شافتني صدقت و ابتسمت بوجهي_بخير انتي شلونج و شلون حفله انطيتي لهم خبر اني مريضه و ما كدرت احجي من جابت سيره خطوبه كلبي نعصر على طور خليت و نمت على رجلها _يمه لا تذكريني خطوبه اصلا ما صارت و كل شي خرب ضربت على خدها و صاحت:يا يمه مرايم ليش ولج ما صارت كعدت على حيلي و حجيت الها كل شي وهي كل ساعه تضرب خدها لو صدرها لان هي هم مثلنا ما كانت متوقعه ضياء يسوي هيج لان نعرف شكد حاول ياله وافقت طور ترتبط بيها من خلصت سالفه مسحت على شعري وحجت _ام مريم:يمه احسن الها ما دام بعدهي ما صاير بينهم شي رسمي احسن خلصت منه لان طلع على حقيقته _بس خطيه طور ماما لو شايفتها شلون مصدومه حتى ما سمعتني من حجيت وياها و من طلعت من ضياء راحت عمو اديب حجت ويه كالت اله ما أريده و بعدين صعدت حتى ما باوعت لنا _لله يلوم لي يلومها حقها كل يعرف بحبها و اليوم لي لازم يكون اسعد يوم لها هيج يصير بيها ولا تنسين بيت عمامها شلون يكرهنا و يكرهون امها ادعي يمه تخطى هذا و ترجع طور مثل قبل و احسن من حجت على بيت عمامها ردت اكول لها بس خاف اترزل منها و تكول لي انتي وين ما ترحين تسوين مشاكل بقيت افرك بيدي هيه شافتني هيج جان تباوع عليه بنظره تهديد يعني احجي لو اعرف بطريقتي _ام مريم:احجي شنو صار بعد _باعي وعديني اذا احجي ما اترزل لو سلاح ابيض يشتغل _حسب لي راح اسمعه منج و نشوف يحتاج سلاح ابيض لو لا _باعي هاي زكيه بقت تحجي على طور و خاله عبير و هم رادت تضرب خاله عبير اني من شفتها جان هجمت عليها و طيحت حظها لج نوب اجه عمو أديب ياله عفنه بعض ما حجيت لها بتفصيل حتى شوي رزاله خفيفه جان ما احس اله جرت اذاني وترزل _كم مره كلتلج لا تسوين مشاكل باله رايحه الناس و تعاركين يمهم شنو يحجون عليج هسه وخرت ايدها من اذاني وكفت بقيت افرك بيها لان صارت تحرك بيه_ترى لي تحجي عليها صديقتي و مستحيل اسمع شخص يحجي عليها وما اطيح حظها و هاي مره تعاركت ويه زكيوه مره ثانيه اموتها و اخلص العراق من شرها كامت امي واني ركضت صعدت الغرفتي اسمعها تحجي عليه بس اكثر شي ضحكت من سمعتها تكول _والله انتي ثاني يوم عرسج ترجعين لي لان هم راح تعاركين ويه لان ما تزوج وياج طور سديت الباب الغرفه و رحت على جربايه شمرت نفسي و تذكرت من سلام حضني كل ما اتذكر احس فراشات بطني صارت بس لو ادري شوكت ينطق وكلمه يعني هيه كلمه وحده ابسط منها ماكو بقيت افكر شلون راح تكون حياتي ويه سلام من يعترف لي حد ما غفيت ثاني يوم فزيت بسبب مي بارد نذب على وجهي مريم بشهكه:يمه والله ما يصير راح يصير بيه سكر وسبب انتي من كعديني ساعه مي بارد بنص هذا البرد و ساعه طلعين لي صوت واحد يصرخ خلت كلاص مي على ميز وحجت وهيه متخصره:والله اني راح يصير بيه سكر منج _مريم:يمه شوكت يجي اليوم و كعديني مثل البشر بدون هاي سوالف _اول شي صيري انتي مثل البشر حتى اكدر اكعدج مثلهم ترى ما يصير يوميه نفس اسطوانه مو شلعتي باب كلبي وهسه كومي اكلي حتى ترحين المستشفى تأخرتي عليها باوعت على ساعه سته ونص واني دوام مالتي بثمانيه كمت سويت روتين مالتي خلصت و نزلت جوه لكيت ماما كاعده على ميز منتظرتني بست رأسها وكعدت اكل محد حجت بينه حد ما قرارت ماما تكسر هذا صمت وحجت _توقعين اليوم طور داوم لو لا _مريم:ما اعتقد داوم يعني على حالتها مال بارحه اتوقع تاخذ اجازه شهر حتى تخطى صدمه مالتها _سوده عليه بارحه بالليل من صعدتي خابرت امها كالت اول ما طلعت من يم ضياء صعدت غرفتها نامت بس ما كعدناها نوب كامت تبجي تكول طور انكسر كلبها ما اتوقع ترجع مثل قبل _مريم:شنو بيدي عليها من اخلص دوام امر عليها حتى اشوفها باوعت عليه ورفعت حاجبها وحجت _اي روح لها بس انتي متأكده تشوفينها هي لو تشوفين اخوها ضحكت برتباك :لا طبعا اشوفها هي قابل شعندي ويه اخوها حجيت هيج و كمت لان اذا ابقه بعد شوي راح افضح نفسي و احجي لها على حبي سلام طبعا محد يدري بس طور و سبأ و خاله عبير و سهاد لان خاله سهاد مره سمعتني واني احجي على سلام و شكد اني احبه وهيه ما قصرت راحت كالت خاله عبير طلعت من البيت ورحت المستشفى وصلت من وقت قبل موعد دوامي دخلت المكتب مالتي بقيت اقرأ ملفات مراجعين و احدد مواعيد عمليات اذا يحتاجون حد ما صارت ب بتسعه خلصت و طلعت المكتب رحت الكافتيريا واني بنص طريق جان اشوف طور هسه جاي تدخل المستشفى شفتها ركضت لها هي شافتني وضحكت ولا عبالك نفسها بارحه طور لي تجاهلت كل وصعدت غرفتها بقيت امشي وياها حد ما وصلت المكتب مالتها بقيت اسئلها اذا كانت بخير بس من قهر عليها دموعي نزلت ويه بقت تضحك وحلفت لي انها بخير و ماكو شي ابد ما اقتنعت بكلامها بس كان غصبن عليه اسكت لان ادري بيها راح تعتبرها اشفق عليها بعدها طردتني سويت نفسي زعلانه حتى تضحك بس هي تسوي عكس و عزمتني اني طرت من فرح خليت و طلت من المكتب مالتها ورحت المكتب مالتي ما رحت بعد الكافتيريا اول ما دخلت دك تلفون مالتي جان يطلع متصل سلام فتحت خط _مريم بأبتسامه:هاي شنو شعجب متصل عليه _سلام:ليش يعني اني ما اتصل عليج _لا تتصل بس ادري هسه انت تروح تشوف عمال لي يشتغلون بالعيادة _اي هسه اني بطريق لهم بس اتصلت عليج لان طور داومت روحي شوفيها _هسه جنت عندها بالمكتب بقيت احجي وياها اخذت نفس بعدها كملت:تكول هي بخير بس ما ادري ليش جاي جذب هي مو بخير معقوله حب اربع سنوات بيوم و الليله يختفي _سلام:طور حتى لو تألم ما تحجي و ايام هي راح تخليها تنسى لي صار وياها _اي صحيح ايام هي لي راح تخليها تنسى اصلا اني من شفتها تعجبت _كنت متوقع راح تجي المستشفى طور عندها هوس الشغل _مريم:يا رب شوي من هوس الشغل عند طور يتحول لي حتى اكعد بكل نشاط الصبح من كلت هيج ما اسمع اله صوت ضحكه مالته لي تدفر كلبي و تتربع بي _انتي لو مو هوس ما كعدين الصبح بنشاط بس ان شاءلله نغير هاي عاده لج _شلون باله تغير هاي عاده لي _بعدين تعرفين هسه لازم اروح دير بالج على نفسج وعلى طور _وانت هم دير بالك على نفسك سديت خط من سلام ورحت اكمل شغلي خلص الوقت ما بين مراجعين وبين اروح اشوف طور بس طبعا ما ادخل عليها بالوقت لي تشتغل بيه لان ما اريد اخسر نفسي محد ما خلص وقت دوام اخذت غراضي رحت المكتب مال طور دكيت باب بس ماكو اي رد فتحت باب ما لكيتها بالمكتب و غراضها هم ماكو مدري ليش خفت عليها كلش خليت و اتصلت عليها يطلع لي مشغول طلعت من المكتب و قرارت اروح البيت مالتهم وصلت السياره جان اشوف عصام واكف يم سياره مالته _عصام:ها مريم شنو بيج ليش هيج مستعجله _مريم:اريد اروح اشوف طور ماكو بالمكتب واتصل عليها هم ماكو _لا تخافين ما بيها شي هسه قبل لا طلعين طلعت بسياره مالتها _اذا ما بيها شي ليش من اتصل عليها ما ترد عليه بالي يمها _انتي تعرفين طور دائما من تصعد بالسيارة تقفل تلفون مالتها حتى ما ترد على احد و تسوي احادث _اي صحيح لعد خلي ارجع البيت مالتنا و هناك اتصل عليها _عصام:براحتج دير بالج من طريق _مريم:اي ان شاءلله خليت صعدت سياره و رحت البيت فتحت الباب بالمفتاح لي عندي اول ما دخلت رحت المطبخ ما لكيت اي جدر على النار بقيت افتر بالبيت و اصيح _ماما وينج اني اجيت إيناس وينج تعالي جوعانه اريد اكل احس صوتي راح واني اصيح عليها حد ما تذكرت هي اليوم دوام مالتها ظهري يعني اليوم ماكو اكل واني أعجز من اسوي اكل خليت وصعدت الغرفه مالتي بدلت و طلعت حلويات واكل هسه جاي الازم تلفون حتى اتصل على طور وهي رسلت لي رساله وبيها مريم وينج بقيت احجي وياها وكالت راح تطوع مثل سبأ فد ضجت لان أقرب شي عليه هيه و سبأ و سبأ راحت وهيه طور راح تروح بس كالت سلام ما موافق حد ما كالت على خطه 370 وتريد مساعده مني _طور:ساعديني لو لا _اساعدج أمري الله هسه كولي لي شنو خطه _طور:اسمعي تحجين ويه سلام من وره خشمج يعني باختصار تنطينه وجه جينكو واذا سأل وكلج ليش متغيره كولي اله اني ازعل على زعل طور حتى يحن و يوافق اروح _خوش لعد راح ابلش بيها اليوم _انتظر اخبار حلوه تمام وهسه ولي اريد انام _طاح حظج يلا ولي خلي اخلص مسلسل مالتي خلصت محادثه وياها وكعدت ابوع على مسلسل مالتي تابعت شوي منها وبعدها نمت ما حسيت حد ما ماما كعدني _ايناس:مريم كومي جبت غدا تعالي ناكل سمعت بيها اكل بسرعه كعدت وعدلت شعري باوعت على ساعه هسه بالخمسة عصر _اي ماما كاعده _إيناس:سمعتي بيها اكل كعدين بسرعه _اهم شي بطني حبيبي انتي نزلنا اني وياها جان الكها جايبه دجاج مشوي ويه نوعين تمن و مقبلات وهم جايبه كيك جان كعدت اكل حجيت وياها ولكمه بحلكي:يعني هذا تعويض لان ما سويتي لي غدا قبل لا ترحين دوام _ابلعي اللكمه ياله تحجين لا تغصين بلعت اللكمه_هسه ما كتيلي هاي تعويض لان رحتي بدون ما تسوين لي غدا ايناس بعصبيه_اي تعويض بس اكلي و اسكتي اكلت و خلصنا كمت اني اغسل مواعين و ماما راحت تنام مدري شنو اسوي جان بقيت اكلب بالفيس بساعه ونص حد ما وصل لي رساله من سلام _شعندج صار لج ساعه ونص على الفيس بالبدايه كتبت اله _ما عندي شي بس ضايجه و جاي ابوع على الفيس بس بعدين تذكرت كلام طور مسحتها و كتبت اله _ليش حتى من اريد ابوع على الفيس لازم اخذ اذن منك انتظرت شوي جان يشوفها و طلع عندي جاي يكتب بس شنو احس كلبي يرجف هاي اول مره احجي ويه هيج _لا تصيرين جاهله كلتلج سؤال جاوبي عليه من شفت هيج صدك نرفزني كتبت اله _اول شي اني مو جاهله ثاني شي اني مامضطره اجوب على سؤالك رسلتها اله جان بسرعه يطلع عندي شافها و ظهر يكتب _مريم لا تعصبيني شعندج على الفيس و شنو هاي طريقه لي تحجين بيها وياي _ما دخلك شنو جاي اسوي و ما لك دخل تحاسبني و اذا على طريقتي ترى جاي احجي وياك عادي _لا واضح تحجين وياي عادي _اي واضح كلش جان يشوفها و ما يرد اني هم بعد ما حجيت ويه بس بقيت كل اليوم كله انتظر رساله منه واذا اسمع صوت رساله توصل لي عبالي من سلام حد ثاني يوم رحت المستشفى و شفت طور ما حجيت وياها لان بارحه عافتني وراحت بدون ما نروح المطعم جان كالت لي عمو اديب قبل تروح و امها هم و اليوم راح تروح السوك وياها امها مناك المطعم وهيه راح تعزمني يلا حجيت وياها خلص اليوم و رحت اني ويه طور بس كل وحده بسياره مالتها من وصلت هناك بقت طور واكفه واني اخذت مكان سياره مالتها حتى اطبك سيارتي من طبكت سياره مالتي جان اشوف سياره سلام وهوه كاعد بيها و يحجي بتلفون ويضحك صدك احس كلبي راح ينفجر من غيره ويه منو هيج يضحك و ما انتبه لي من صفيت سيارتي ما انتبه لي بقيت واكفه ابوع عليه حد ما انتبه باوع عليه رفع حاجبه عود شكو اني هم خليت ورحت بس نار و اشتعلت بكلبي رحنا السوك وهم اخذت اشياء احتاج لها خلصنا من سوك و بعدها رحنا المطعم اكلنا و كملنا و رجعنا البيت طور اني اخذت سياره مالتي ورجع البيت مالتنا من دخلت البيت هدوء صوت تلفزيون ماكو يعني ماما نايمه خليت وصعدت غرفه مالتي ذبيت غراض و بدلت ملابسي وكعدت اعدل بملابس بس بالي مو يمي عند سلام ويه منو يحجي هيج ويضحك بدون ما احس نزلت دموعي متأكده يحجي ويه بنيه هذا سبب ما انتبه وجودي من اول مره واني بدوامه افكار مالتي ماحس اله دك تلفوني رحت و شفت منو طلع سلام مسحت دموعي و كحيت حتى اعدل صوتي و ما يبين جنت ابجي رديت عليه برود_ها سلام شنو صاير _الناس تكول اول شي سلام عليكم مو شنو صاير _سلام عليكم شنو صاير _شبيه صوتج جنتي تبجي مو _لا ما ابجي اصلا على شنو ابجي _سلام بعصبيه :مريم اعرفج اني اكثر من روحي على شنو جنتي تبجي يا نور روحي من كال لي نور روحي ما كدرت اتحمل بقيت ابجي بحركه قلب بقيت احجي بدون وعي بس أريد اطفي النار لي جاي تاكل بكلبي _مريم بشهكه:انت شنو سلام شنو ما تحس بس اريد افهم ما تحس اعرفك من عمري سبعه سنوات و يوميه اشوفك و بديت احجي وياك من تخرجت وهذا اليوم ما يوم دك كلبك لي ما فكرت بيه قبل لا تغمض عيونك ما ابتسمت من يجبون طاريي ليش هيج تسوي بيه ليش خلتني اتعلق بيك بسبب غيرتك عليه وخوفك ليش كدرت تأخذ دور اب لي بحياتي لي اول شخص افكر اروح حضنه من اوكع بمشكله لو اخاف ليش خلتني احبك احس صرت ادمان لي اذا ما احجي وياك باليوم احس يومي كله ناقص وهذا لي جنت احاول ابتعد عنه بس وكعت بدون ما احس شنو اسوي حتى اتخلص من حبك ترى ورب العز تعبت طلعت كل لي بكلبي صار اله سنتين هذا حجي اريد اكول له بس ما عندي جرائه بس ما ادري شنو صار لي بهاي دقائق وحجيت كل شي بقه فتره ساكت بعدها اخذ نفس وحجه:بس لو تدرين دموعج شنو تسوين بيه تجوي كلبي و تشعل ناره نور روحي وحياتي انتي لو بس تدرين شكد احبج وحق كافل زينب احبج اكثر من حبج لي ضعفين اذا انتي انتظرتي سنتين اني انتظرت عشر سنين عشر سنين محترك بحبج و كل ما اكبر حبج يكبر بكلبي اكثر من قبل وهسه تردين تخلصين من حبي لان تعبتي من سمعت كلامه ستوعبت قبل شوي شنو حجيت مريم بهدوء_ سلام شنو انت تحجي اذا انتهد تحبني لعد اليوم لي تحجي وياها وتضحك منو من سمع شنو كلت اله ضحك _لج انتي خبله والله ويه منو احجي اصلا جنت احجي ويه سلام على مود سالفه طور بعد اجتي ميار وبقت تطلب منه اشياء وهوه يكول لها حاظر واني ضحكت عليه عدلت كعدتي وحجيت بفرح بس واضح على صوتي_يعني انت ما تحجي ويه بنيه غير مو _لا نور حياتي انتي ما احجي ويه غيرج لج انتي مرمره كلبي سنين و حب صباي تردين احب غيرج اني احبج انتي بس هسه لو خيروني بينج و بين بنات دنيا كلهن ما اختار غيرج هسه استوعبت سلام يحبني و كال احبج من صدمه سديت تلفون بوجها لان ما اعرف شنو ارد عليه شمرت تلفون و بقيت كاعده ابوع على فراغ و بس عقلي جاي يحلل كلام سلام و شلون كال لي احبج لا مو من هسه من عشر سنين بين أفكاري لي دخلتني بدوامه سمعت رساله وصلت لي جانت من سلام مكتوب بيها _احبج مثل سرطان لي يعرفونه وهوه بالمرحله اخيرا بس فرق بينه وبين حبي لج هوه حبي لج ماله مرحله اخير احبج يا نور حياتي ودنيتي من شفت هاي رساله طفرت من مكاني اكمز و اصيح _يحبني طلع يحبني ولكم سلام يحبني بهذاك اليوم ما كدرت انام من الفرح _______ طلعنا اني وأركان من المقر وصعدنا نفس مدرعه لي اجينه بيها كان اثنين من الجنود ويانه واحد يسوق و ثاني كاعد يمه واني و أركان كاعدين وره بقت سياره تمشي بينه بس مكان عباره عن إنقاذ و علم العراقي بكل مكان بقيت صافنه على مكان كم شخص ضحى بنفسه حتى يتحرر هذا مكان كم قلب نكسر بسبب اب او ابن او زوج وحبيب فارق هاي حياة بدون ما يودعون بعض وكفت سياره وكانت مخيمات نازحين كبالنا صايره نزل أركان واني نزل وره بقينا نمشي اني ويه حد ما حجه _اركان:راح تنامين هنا و الصبح راح تجي سياره لكم حتى تروحن المستشفى لان ما نعرف باي وقت تصير اشتباكات بينه و وبين داعش _يعني المستشفى قريبه على اشتباكات لو لا _مو كلش بعيده عن هنا بس لا تخافين ما يكدرون يوصلون هنا لان منطقه محاوطيها احنا
التفت اله و ابتسمت بوجه _منو كال اني اخاف لو اخاف صدك ما شفتني كبالك واكفه باوع عليه ورفع حاجبه ما حجه بس اخذ الاسلكي مالته وحجه ويه شخص _ اني واكف نفس مكان كل مره ما عرفت ويه موو يحجي لان بقيت اباوع على مخيمات و الناس لي بيها صوت ضحكه أطفال وهمه يلعبون رغم كل لي صار وياهم بقت ابتسامتهم على وجهم بقينا واكفين بهذا مكان ربع ساعه حد ما سمعنا صوت هادي بس مو غريب عليه يكول _...:ها ابو عتاد شعجب اليوم هنا _اركان:هاي دكتوره اجتي ويه كادر الطبي اليوم خليها تكون وياج نفس الخيمه ويه ما كال هيج اني التفت وصدمه بانت على صوتي _طور:....هاي انتي . . .
....... يتبع
-ins @janaa20_j
Oops! This image does not follow our content guidelines. To continue publishing, please remove it or upload a different image.
