ما تخفيه الحروب

part22

بقلم:جنة بغداد

#ما تخفيه الحروب
.
.
.
_لو يصّير الواحّد يختار الناس أللي يمه
چان بدلتهّم كُلهم بيك 🫀🤍.
.
.
.
اجت ام حامد تركض وكفت و صاحت بصوت بي خوف بس مو واضح
_زتن كلشي با ايدكون وحدرن معاي عسرعة
_ناز:ليش يمه شنو صاير
_يولو الوقت مو مناسب تا تسألين ماكو وقت بسرعة
وحده بقت تباوع على ثانيه ذبينه كل شي بيدنه و رحنه وياها جان نشوف ولد هم واكفين بس ملامح الغضب واضحه على شكلهم خاصه العضيد
_ام حامد :يولو بنوات عسريع اشبكم تدحكون بيا ما تتحركون
_اباء:يمه كلنه لج ما نريد قابل شنو احنا خايفين منهم
_يولي يمصكوع اباء صم اثمك لا اكسرها للخيزرانة على ظهرك ول انتو شعندكم حادرين هنا غير حتى ما يلاقون مكانكم هساع تيد تطلع
_بس يمه
جان رفعت ايدها كدام وجهه معنى اسكت:يولو اكل وحل وامشي كدامي لا ورب العزة افينو لحضك اذا متخاف على نفسك انا اخاف عليكم يلا حدر كدامي
مشت و احنا نمشي وراها بس محد من يمنه فاهم شي غير ولد جان تروح الغرفه لي جنت نايمه بيها راحت يم الزاويه و دفعتها جان نشوف فتحه بحايط على كد حجم زاويه بقينه نباوع عليها صدمه
_ام حامد بحده:اشبكم تحدكون علي يلا ادخلوا ماكو وقت بعد على اي لحظة هم يحدرون هنا يلا يولي حدرو بساع تا مايدحكوكم
كلنا بقينه نباوع على العضيد لان هو أكثر شخص يعرف يتصرف غمض عينه يعني دخلوا دخلن البنات و بعدين ولد هم جان بقينه بس اني و العضيد
_ول اشبيكم انتم مادخلون تدحكون على وجهي عبالك شايفين فلم ها
_طور :ما ادخل قبل ما اجيب الجنطه مالتي
_شنطة ايش انتي الثانية على فكرة مانو وقتك بسرعة ادخلي
_يمه ما تعرفين هاي الجنطه شنو بيها اذا احد أخذها راح يعرفون احنا هنا

ما حجت شي راحت تجيب الجنطه واني بقيت واكفه يم العضيد
_شنوا بيها الجنطه
_طور برود:بيها الملفات و الابتوب مالتك جبتهن وياي
ما حجه شي لان اجت ام حامد و هي شايله الجنطه
_يمدهورة ايش خالة فيها شو ثكلية بس لا خالة فيها قنابل يولي
ضحكت بوجهه :لا يمه مو هل درجه
اجيت أخذها منا جان العضيد ياخذها
_يلا فوتوا بسرعة يول
و هي تحجي جان يندك الباب دفعتني اني و ويه جان ترجع تسد زاويه
_يولو جيتكم جيت شبلاكم هدمتوا الباب
.....
فتحت الباب جان تشوف مجموعه من داعش واكفه كدامها
باوعت بحده و نظرات كلها كرهه و حقد
_يولو شعندكم تاتجون بهيج وكت هاا
_مو شغلج اجينه نفتش البيت
وكفت كدامهم بكل قوه: وعلى امر من انتو جايين
_هذا بأمر من ابو ميثاق
_والله خوش هو ماتبگى علينا بس ابو ميثاق واتبعاه تدوس عتبة باب داري
_كافي تحجين زايد نريد ندخل نفتش البيت
_انت دحك هذا الخط يولي
و أشرت على الكاع و رجعت كملت كلامها
_اذا تكرب صوبو تاتصير مو خوش لا الك ولا على ابو ميثاق فاهم
_وانتي منو حتى تحجين ويانه هيج
_بصفتي امو لاابو ميثاق العار
من حجت هيج و غلطت على ابو ميثاق جان يرفع سلاح كدام وجهه
_احترمي نفسج لا و الرب اموتج هنا و ادفنج هم
ما رفت الها جفن و دفعت سلاحه بكل قوتها
_تخسي يولي مو انا الي يرفع السلاح بوجهه وتاتخاف اسمع هساع تاخذ زبالة الي وياك وتحدر من هين بسرعة داري نظيف ومايدخلو عارات مثلكم
تحجي وياهم بكل ثقه و هي متأكده انهم ما راح يدخلون تقدموا حتى يدخلون البيت جان يدك تلفونهم
_نعم ايها الامير
باوع عليها بحقد و ابتسم بشر :لا هاي مره ما تخلينا ندخل تكول هيهة امك
سكت شوي حتى يسمع كلام ابو ميثاق شوي و رد عليه:حسنا ايها الامير
فتح سبيكر و خله كدام ام حامد
_ابو ميثاق :اسمعي يمه اذا اعرف بيج انتي ضامه خونه ما راح يصير خير و انتي تعرفين شنو اكدر اسوي مفهوم و هذيج لحظه راح انسه انتي امي
_ام حامد بحده بس كسره قلب:اول شي اني مو امك لان اني مخلفة زلمة واحد لهاي الدنيا وهو حامد والله اخذ امانتو شهيد راح تا يحمي هاي الكاع من امثالك اما انت نطفة نجسة جات على هذي الدنيا ها لاعبالك بهذا كلامك راح اخاف لا انت غلطان موانا لي اخاف من واحد مثلك يولي دحك فيني عدل انا امو لحامد مو وحده من زبالتك الي وياكم با التنظيم يولو تكحز من هنا لا تخليني ادحكك الزلم شتخلف انا امو لحامد الي عطتو لابنها شهيد للوطن وماهي بحزينة على عكس فرحانة بذا الشي ومستعدة الحكو تخسون نخاف من هيج شكول
ما رد على كلامها وجهه كلامه لهم بغضب :فتشو البيت و غصبا عليها مفهوم
_حسنا ايها القائد
سد تلفون و أشر الهم حتى يدخلون البيت ابتعدت ام حامد من الباب و هما بدو يفتشون البيت جانت هي تباوع عليهم بأبتسامه نصر لان تعرف شكد ما راح يدورون ما يلكون جان يجي واحد منهم
_شنوهذا اكل بالمطبخ
_انت قلت هذا اكل يعني نساوي تا ناكل
رد عليها بشك:ليش مسويه هيج اكل هواي
_اعتقد هذا شي يخصني انا ما الكو اي حق تدخلو فيا اكل هواي اساوي اكل شوي هذا شي راجع الي واذا خلصت تفتيش اطلعوا برى داري
ما رد عليها و طلعوا من البيت
____
دخلتنه ام حامد من الباب و رجعت زاويه عليه جان أكو ممر يوصل سرداب وصلنا جان اشوف كلهم كاعدين و منتظرينه اباوعت على المكان عباره عن غرفه بس صغيره و بيها ثلاجه صغيره و بيها كلوب واحد و فراش مسفط وحده من الزوايه
_طور بدهشه:شلون كدرت ام حامد تسوي هذا مكان
_العضيد:ابنها حامد هو سوه هذا المكان من عرفت داعش راح يدخل الهم
التفت عليه و ملامح صدمه واضحه عليه:ليش سوه هيج و هو وين هسه
_لان جان يعرف داعش راح يسوي هيج وأكثر و يعرف امه راح تساعد الناس و الجيش هذا سوه المكان اما هو وين استشهد
_يااا ليش استشهد و شلون
_لان قاومهم و هما ما يحبون هيج هذا اخو هو لي قتله
خلص كلامه وراح خله الجنطه على صفحه وراح كعد واني واكفه احلل كلامه شنو اخوه قتله يعني اخوه ويه داعش رحت كعدت كباله
_ابو جحيم يعني تقصد اخو حامد هو لي قتله بيده
رجع راسه ليوره و غمض عيونه وهز راسه معنى اي
_منو اخوه
_خيزرانه شكد سألين اسكتي فدوه
_اريد اعرف غير هذا اسأل
جان يجاوب واحد من أصدقاء العضيد:ابو ميثاق
التفت عليه بصدمه واضحه على وجهي :لا انتم جذبون عليه مووو
كمت وكفت افتر بالغرفه مثل المخبله
_حمزه:ليش نجذب عليج ترى صدك ابنها
_حمززززه انت شنوا تكول ابو ميثاق ابنهاااا لي نفسه العذب ابو جحيم نفسه جاي ينطي قرارات حتى يقتلون الأبرياء لا فوك كل هذا قاتل اخو
من شاف العضيد شلون صارت حالتها تفتر و تحجي وياهم بس مو بوعيها خاف عليها اخاف يغمى عليها مره ثانيه كام وصل الها و لزمها من كتفها و لفها عليه
_خيزرانتي كافي اهدي
_انت تعرف شنو تحجي اخ يقتل اخوه هاا
_اعرف صعب بس هو عار شنو راح نسوي
ما حجيت شي بس عيوني دمعت اريد افهم شلون يسوي هيج اني سلام لو مسلم صار فلاونزه احس روحي تريد تطلع من مكانها ابقه يمهم حد ما يصيرون زينين شلون كدر يقتل اخوه عاش ويه كل عمره بكل دم بارد بعدت ايد إلعضيد من جتفي و رحت كعدت بالزاويه رجعت راسي على الحايط و غمضت عيوني واني اتخيل بشاعه الموقف و شنوا صار بأم حامد هذاك الوقت من عرفت اخ يقتل اخو
حسيت على ايد نخلت على ايدي فتحت عيوني شفت العضيد كاعد كبالي يباوع عليه بقلق مد ايده بيها بطل مي
_اشربي مي شوي
اخذت مي منه و شربته كله دفعه وحده احس حلكِ يبس من صدمات
_لا تفكرين بشي راح نخلص من هذا كله و بس نطلع من هنا راح تنسين كل هذا الكابوس
_ما اكدر انسه هذا كابوس
سكت لحظه اريد اكمل اكوله ما اكدر انسه هذا الكابوس لان انت بي حتى لو كان كابوس وياك يصير حلم وردي بس ما كدرت اكول شي
_طور بهدوء:اني بخير لا تخاف
ابتسم و كعد يمي و هم رجع راسه على حايط و غمض عيونه
كلهم انتبهوا عليه و شلون خايف عليها و تصرفاته وياها عكس ابو جحيم قلبه مثل حجر و ما يهزه شي تقرب احمد يم اباء هو نفس الشخص لي رد على طور قبل شوي
_احمد:اكولك وبائوووو العضيد شبي
باوع عليه بأستغراب:ليش شبي العضيد
جان التفت عليه من يشوف صادق يحجي ويه من جهه ثانيه :متأكد ما بي شيء
_اي مو هذا كدامك كل شي ما بيه عرج ما يطكه
_صادق:لا بس صاير حنين و يتعامل بكل حب و احترام شنو صاير اله
_اباء:شنو انتم جاي تشتغلوني لو شنو هو العضيد هيج ويه كل
_حمزه:لا مو ويه كل بس ويه جنس الطيف انا احنا بالنعال تذكر لو اذكرك
_اباء:اسكت انت ثاني جنس لطيف انت شايفها من تعصب الله وكيلك تصير بروسلي
_حمزه:بس اني شفتها نمله كدامي
حجاها و باوع عليها و ابتسم تك خد
_اي نمله بس ما جنت تعرف هي جانت تسوي هناك
_صادق:شنو سوت ها
_اباء :تردون اكولكم شنو سوت
عدل صادق و احمد كعدتهم منتظرين اباء يحجي حتى حمزه يريد يعرف شنو سوت
_احمد: يمعود احجي لا تشلع كلبنه
و بدأ اباء يحجي الهم من اول ما شافها و حد اخر موقف صار وياها ويه حمزه
_ها استاذ حمزه بعدك تكول عليها نمله
ابتسم ما رد عليه طفر صادق و هو ابتسامه شاكه حلكه
_اذا اخطبها تقبل مووو
_اباء:لا ها هي ربحنا لعد
_شبيك يمعود وين تلكه مثل عقلي و جمالي و فوك كل هذا ضابط بعد شتريد
_العضيد:تريد تسد حلكك و تنجب و تكعد و تسكت
_هاي شبيك عصبت عيني ابو جحيم انت مو تكول تزوج و هاي اني لكيت مره وأريد اتزوج
_العضيد بغضب:صادددق سد حلكك جاي اكول ليش تردني اكوم اكسرك تكسر هسه و اريد يا جلب من هذوال يمك يساعدك
_احمد:شكرا ابو جحيم سويتنه جلاب رحمه الله والديك
_العضيد:لا شكر على واجب حمدمد
_صادق بخبث:هااا ابو جحيم شكلك راح تغير و كلام ام حامد يصير صحيح
_انجب عزيزي و كافي حجي
سكت بس بقه يباوع على العضيد و يرفع بحاجبه بخبث مثل كشف احد بس شخص مقابل ما يعترف كل هذا صار و إباء و حمزه يباوعون بس اباء منتبه على تصرفات العضيد و حجي بكلبه