ما تخفيه الحروب

part الاخير

بقلم:جنة بغداد

#ما تخفيه الحروب
.
.
.
_لقد بنيت لكَي بين أضلعي منزلاً عسى المقام بالمقيم يليق♥️
.
.
.
خليت و دنكت حتى ابعد فستان من الحذاء بعدته و ما احسه اله واحد جرني من ايدي
_العضيد بعصبيه:انتي ثوله لو شنو اكو واحد يدنك و هو لابس هيج
_طور بألم:شبيك يمعود ايدي كامت توجعني عوفها
_العضيد:طايحه الحظ انتي شلون دنكين هيج و كل شي مبين
بعدت ايدي منه بعصبيه:ما طالع شي مني لان خليت ايدي حتى ما مبين شي مني
_سبأ:ابو جحيم ترى اني جنت اباوع عليها ما طلع شي منها لو طالع جان اني كتلها حتى تكوم
يتنفس بعصبيه و خزارني كصني كص بنظراته ركز نظراته على شفتي رفع حاجبه
_العضيد:انتي شلون بيج ليش خاله هاي الحمره
_طور بأستفزاز:أعناد بيك خليتها
تقرب مني صار وجهه قريب من وجهي
_راح يجي يوم و امسحها بطريقتي هذاك
غمز الي و عدل ياخه قميصه انتبهت عليه لابس قاط نيلي ويه قنيص سمائي ضاب على جسمه هو منا ضخم طالع يموووت
_العضيد :ادري طاله حلو بس مو درجه تاخذين صفنه بوجهي
_طور بأرتباك:منو كال مأخذه صفحه بوجهك
_العضيد:واضح يا رجفه كلبي
_سبأ:شلون ما ندخل اليوم
_العضيد:على كيفج على شنو مستعجله تلحكين راح تشوفي كدام خلقتج العمر كله حتى راح تسبين اليوم وافقتي بيها عليه
_سبأ بضحك:ترى مو على موده بس راح نشبع رزايل لان تأخرنا
_العضيد:ليش تأخرتن
_طور:سنه ياله خلصت ام صالون نوب من اجينا بقيت حايره وين اطبك السياره اذا اخ جايب سكان الصين كلها اليوم عود هاي خطوبه بسيطه
_العضيد:هو على اساس بسيطه بس الخبر الي يصير بحلك اركان و صادق يطش على قنوات الاخبار هسه يلا دخلنا و امشن ورايه و عينجن ما ترفعنها
_سبأ:ابشرك اني اذا ارفع عيني اوكع على وجهي
_يلا لعد امشن دخلنا البيت الحديقه كلها كراسي كاعدين عليها شباب نص منهم لابس زي عسكري و نص الثاني لا عادي
_طور بهمس:هذا ما مخلي ضابط من العراق و دول المجاوره ما عازمهم
سمعني رغم اني حجيت بهمس ويه نفسي لان التفت عليه و ابتسم و جكاره بحلكه
_العضيد بهمس:وداعت رجفت كلبي من اشوفج بخطوبتنه اله اخلي شارعكم ينترس برتب من أصغر ضابط بالعراق اكبر واحد
_طور بمهس:لو تطلع نخله برأسك ما راح اوافق عليك شبيه ما أريده نفسي
_نشوف
وصلنا باب المطبخ و دخلنا هو راح دخلنا من المطبخ لكينا بنات واكفات بس شافنه بقن يهلهلن شلت كبوس من سبأ حتى تدخل
_سبأ:فدوه جيبي الي مي راح اموت من عطش
_طور:من عيوني
دخلت الصاله هيه و البنات واني رحت اجيب الها مي جان تدخل خاله معصبه
_سهاد:انتن شنو واحد من يتصل عليج غير تجاوبين
_طور بملل:خاله غير طلعتي روحي شكد ما اتصالي
_انجبي ليش تاخرتن هااا
_طور:غير هذا نسيبج عازم العراق كله و سيارتهم سادات الشارع ذبيت سيارتي بدايه الشارع و اجينه مشي
_سهاد:اسكتي الج هذا كال خطوبه بسيطه ودك الناقصه بينه طلع كلها جايه همزين كلت عباس يجيب ضيافه اكثر
_اي مو كلتلج البارحه هو الخبر اذا صار بحلك أركان يطش وهسه خلي اودي بنتج مي لا تأكل كلبي
_يلا لعد روحي واني راح احضر غراض العقد
_تمام
رحت الصاله نسوان شكد ما اعرفهن و هم بنفس الوقت اقربانا من دخلت شافتني بنت خالي سعد جبيره هدى جان تهلهل و تهوس
_كلوووووش اليوم الج يا طور اليوم الج
غلطت عليها بداخلي لان كلها انتبهت عليه ولازم اسلم عليهم وهنا عشيره حد ما وصلت إلى سبأ احس خدي راح شكد ما باوست وصلت يم هدى و همست الها
_شعلت ابوج حلو هسه اله تحجين مو فجي راح شكد ما باوسني
_هدى:اريد افرح بيج غير
_انتي دمرتي مستقبلي شكد ما باوست اليوم
ضحكت واني رحت سبأ انطيتها المي و شفت ام اباء كاعده هيه و ام العضيد يباوعن عليه و يتبسبسن رحت الهن حتى اسلم عليها
_طور:سلام عليكم شلونكم
_كوكب:هلا يا بعد كلبي
جرتني و باستني بعدين سحبتني ام اباء باستني واني بس ابتسم شفت ام شمس رحت ابوسها فشله سلمت عليه من وره خشمها ما هتميت الها
_كوكب:شلونج حبيبه
_بخير خاله انتم شلونكم
_امال:كلنا بخير و طايرين من الفرح
_طور:ان شاءلله دوم هاي فرحه
_كوكب:ان شاءلله نفرح بيج انتي و العضيد
كالت هيج و ضحكت مكر اني ما رديت عليه و غيرت الموضوع
_بعد البنات وين
_امال :راحن ويه مره اركان مدري وين
_ها خوش لعد اروح اشوفهن
رحت ادور عليهن صرت بنص القاعه حتى اطلع جان ينفتح دجي و هدى صاحت بصوت عالي
_هاااا طور وين تعالي اركصي
اخذت نفس وباوعت عليها هيه ضحكت و حركت حواجبها اخذت نفس شكلها اليوم ناويه تخطبلي قبل لا تخطب سبأ
_اليوم الله مسلطج عليه
_هدى:نويت ازوجج اليوم قبل لا ازوج سبأ
_انجبي خلي اروح اشوف ميان
_هدى:قصدج صاكه ام عيون بزونه
_اي وينها
_هدى:شفتها واكفه هيه ثنين بنات وحده تجننن و طريقه كلامها تدخل القلب و ثانيه استغفرالله ولا تبلع حتى لو تشربين تانكي سفن وراها
_هنه وين هسه
أشرت عليهن واكفات على صفحه عفتها ورحت الهن من شافتني ميان اجت تركض حضنتني مثل تايها و لكت امها
_ميان :اله احرك اركان لان ما خلاني اجي وياجن
_حبيبي على عرس اني اخذج وياي
_ميان:صدك حلفي
_وعيونج عيون بزونه اخذج
_زهراء:اي اي بس هيه تحضنيها وانها خلي نولي
_طور:مع احترامي الج انجبي و تعال احضنج
اجت حضنتني و ابتعدت صاحت مثل شقاويه
_اوووي على هذا جمالك يصير اخطبك يا حلو
وغمزت الي
_شلون عرفتي تربيه ابو جحيم من وره غمزه
_زهراء بمكر:هاي شنو حافظه غمزه اخووويه بس لا صجمج
_طور بغرور:شنو توقعين يشوف هذا جمالي كله و ما يصجمني
_ زهراء:مع احترامي اخويه و عضيدي بس اذا ما صجمج هذا اكبر غبي هو غير اني ابنيه واخذتي كلبي
ضحكت من كلبي على كلامها باوعت على شمس الي نظراته جانت كلها حقد
_طور:شلونج شمس
_شمس بتكبر:زينه
ما حجيت وياها بعد بقيت احجي ويه ميان و زهراء احجي الهن شنو صار ويانه بسبب السيارات وهنا ميتات ضحك لان خليت سبأ تمشي
_زهراء بضحك:هاي مسحت شارع بفستانها
_طور:اسكتي و كل شوي عاثره الي تكول عوجه
جان هدى تجي و بيها تلفون هيه اليوم مأخذه قياده دي جي
_هدى:باعن راح اطلع اغني والي ما تركص وحق الله اسوي بيها سوايه ما تنساها طول عمرها
_زهراء:باله شنو تسوين
_مثل اكسر كعب الحذاء على راسها
_زهراء:جذابه ما تسويها
ابتسمت الها هدى بأبتسامه اذا ما صدكين اسألي التفت عليه بصدمه
رفعت كتفي الها بضحك:خبله كل شي توقعي منها
_شمس :اي عفيه طلعي اريد اركص صار هواي ما راكصه
تجر بالحجي جر و طك بالعلج
_زهراء:اي حقج ما تركصين هو بعد الرعب الي سوه بيج العضيد اشك بعد اصلا تخلفين
خزرتها و راحت
_هدى:هاي شبيها زعلت كبوووور
تجرت الحجايه مثل شمس
_طور بضحك:كافي ولج
_اوووي هسه اني شنو سويت خلي اطلع خالتو احسن الي
_ميان :منو خالتها
_صخام الج ام العيون بزون ما تعرفين منو خالتو
هز ميان رأسها ب لا
_زهراء:طلعيها الها حتى تعرف خالتنا منو
_ها هيه من عيوني
راحت النص الصاله و صاحت بكل علو صوتها
_هدى:هاي أغنيه اهداء من سبأ إلى اباء بعد معأناه مليار سنه من الانتظار
_طور:اخاف احد جان ما يعرف سبأ تحب اباء هسه راح تطلع على شرقيه بسبب هدى
_زهراء:والله تذكرني بصادق نفس تصرفات
_ميان:هاك استلم هو وين مثل صادق
شغلت هدى أغنيه الي هيه اجيبك الدرب كلت الجيبك و بدت تسحب البنات وحده وره ثانيه حتى يركصن اجت النا وهيه تهز جتف
_يلا حبايب الساحه الكم لو تردون دعوه
_زهراء:اي اريد دعوه كون vlp
_تردين نعال vlp من عيوني
_زهراء:طاح حظج
سحبتها هيه و ميان حتى يركصن واني واكفه اباوع عليهن و اضحك ميان ما تعرف تركص بس تصفك و زهراء ذبت لحم بس عفتهن من دك الجهاز مالتي رحت المطبخ ارد
_هاااا منو وياي
_اني يا بعد رجف كلبي و دكاته
بلعت ريكي عرفته هو
_منين جبت رقمي
_العضيد:ليش هذا شي صعب عليه
_لا بس شنو تريد
_ العضيد :اجيبك الدرب يعني اجيبك
_يعني انت متصل حتى تكول هذا كلام
_العضيد:امممم لا طبعا
_لعد شنو تريد
_العضيد:اريد بوسه اقصد نصي صوت دي جي لا اجي اكسره عليكم
_مستهتر مو بيدك يلا روح
_العضيد:طرديني خيزرانتي
_لا استغفرالله شلون اطرد رائد ابو جحيم
واني احجي اجت هدى فحطانه
_تعالي ولج عبالج شردين و ما تركصين عبالج ما ادري بيج ما تردين احد يعرف فيفي عبود الي بداخلج
توسعت عيني لان هو يسمع صوتها وهيه جفصت هو ضحك بصوت عالي
_العضيد:يلا روحي فيفي عبود لا تكثرين بالرقص اخاف يخطبوج و اسويها عليهم مجزره العباس
_هدى:يله ولج تعالي قبل لا يجي ابو صماخ و بعد ما نكدر نركص
أشرت الها بسيطه
_العضيد:روحي بويه روحي هاي فرعون صارت عليه حتى ما خلتني اسمع صوتج
_طور بأستعجال:يلا مع سلامه
_الله وياج
سديت الخط و صحت عليها بعصبيه
_طاح حظج مو تشوفيني احجي بجهاز وانتي شلون تكولين هيج
_هدى:ترى هسه منو سمع فيصل الاول لو سلطان سليم خو كله ابو جحيم
_ما صير الج جاره و بطلي عاده تتنصتين
ما ردت عليه و سحبتني من ايدي و رحنا الصاله شافت خاله واكفه هم سحبتها
_سهاد:وين ماخذتني ولج
_هدى:اطلع فيفي عبدو الي بداخلجن
_سهاد:ولج تردين الناس تحجي عليه تكول تركص بخطوبه بتها ما مصدكه نخطبت
_الي يحجي اخلي نعالي بحلكه شوكت احنا صاير عدنه عرس
دفعت البنات الموجدات بالنص و كفتنه بدل عنهن ادو راحت جابت شالات و شدتهن على خصرنا و طلعت اغنيه ساجده عبيد خاله يا خاله
_طور مكر:اني ما اكدر اقاوم صراحه
_سهاد:ساحه الج لعد
بديت اتمايل ويه كلمات اغنيه و اغني وياها و افتر داير خاله وهيه ميته ضحك عليه يمكن شي وحيد الي محد يتوقعها هو اني اعرف اركص بقيت اركص حد ما خلصت اغنيه و البنات يصفكن و زهراء تصوفر
واني واكفه اخذ نفس و اضحك بخجل خليت ورحت وكفت يمهن
_ميان:اي عيني طلعتي تعرفين تركصين واني اكول فقيره و ما تعرف تركص
_طور:منو كال الج اني ما اعرف اركص
_زهراء:يعني من تزوجين هيج تركصين زوجج
_مستهتره على اخوج وينج وين هاي سوالف
_زهراء:اخوي مسوي بيج عله
_اسكتي يوم من الايام راح يجيج خبر طور متوفيه بسبب سكته قلبيه من وراه
_زهراء:يوم الي بالي قبل يومج
وباوعت صفح على شمس هزيت رأسي مأيسه منها
بقينه ضحك و سوالف و ركص حد ما اتصل عليه خالو رعد و كال حظري سبأ راح نعقد الها كلت خاله و كامت هيه و ام اباء يكوم سبأ يخلوها تكعد وره الباب خلن رجلها مي و ياس و غطن وجهه بالبركع و فتحن القرآن حتى تخلي ايدها ثنين على قرآن
_امال:زهراء جيبي قطعه
راحت زهراء دقائق و رجعت جانت بيدها قطعه قماش ستن بيضه و مزخرفه بالذهبي
_امال:احنا عدنه عاده نخلي فوك العروس قطعه بيضه والي ليزمها ما متزوجات حتى ينخطبن وراها
_سهاد:براحتكم سوي الي عجبكم
_امال:لعد صيحي البنات الي ما متزوجات خلي يجن يلزمنها
راحت خاله صاحت البنات تقريبا كلها اقربنا متزوجات بس ثنين بنات خالو سعد ما متزوجات و اني و فاطمه و هبه بنات خالو ماجد و زهراء اخت العضيد و اجت شمس هم
كل وحده اخذت طرف واني بقيت واكفه اباوع عليهن
_كوكب:ها خيزرانه ليش واكفه تعالي وياهن
_لا خاله شنو اسوي بالزواج خليني هيج احسن
_كوكب :لا مو بكيفج تعالي يله
اجت دفعتني وخلتني الزم غصبا عليه و دنكت على سبأ شاورتها بذانها خلت سبأ تضحك وهيه تباوع عليه
ندك الباب و فتحته خاله شوي حتى نسمع السيد شنو يحجي بده يحجي هواي كلام حد ما وصلت
_هل تقبلين الزواج من اباء قولي نعم وانت وكيلي
عادها ثلاث مرات بعدين سبأ ردت الموافقه
_سبأ بخجل:نعم وانت وكيلي
بدت هلاهل من جوانب تنسمع واني ما حسيت اله نكرصت بزري و صرخت بألم
_اخخخخ هاي ليش هيج
جان صوتي صرختي عاليه درجه سمعت اباء يكول
_اباء بضحك:مبرووووك انتي العروس جايه
وبقه بضحك واني متتت خجل و كل بقه يضحك عليه أشرت إلى سبأ بسيطه رجعنا الصاله وبدت اغني تشتغل بس اني مطنكره بسبب الي سوته سبأ صاحت زهراء
_الي تلبس حجاب خلي تلبس لان راح يدخل العريس
طبعا بس جماعتهم لبست اما احنا لا هو خمس دقائق و دخل من دخل بدت امه و خالاته يهلهلن ت هوسن
_قمر:يلوك تاج و النجمه على امتونه كلووووش
_كوكب:انجب الشامت ها ها ها شد ذراعه وعرس بيه
_امال:وعيون الغزال عيون جنبنا صلوا على النبي و الصيدة صيدتنا
شكد حلوه هنا يهوسن و هو وياهن على هواس يهوس وياهن بعدين بأس رأس امه و خالاته وصل كبال سبأ و غنه بصوته
اباء فرح:سمسم
يكلبي لو تشوفه النوب
سمسم
عسى كلمن يحسده يضوك