ما تخفيه الحروب

part8

.
.
بقلم:جنه بغداد

#ما تخفيه الحروب

تمشيلي خطوه امشيلك عُمر ♥️.

حلوياتي كل عام وانتم بالف خير احبكم♥️
.
.
.
.
بعد ما حجيت ويه مسلم رجعت ضهري على المسبطه و بدون ما ادري غفيت من كثر تعب لان عمليه اركان استنزفت كل طاقتي مدري شكد غفيت بس شميت ريحه جكاير عبالي بدايه حلم
فتحت عيوني شوي و رجعت غمضت حد ما استوعبت اكو شخص كاعد يمي يشرب جكاير فتحت عيوني و اشوف بس ضوء جكاير لان دنيا الليل و ما اشوف شي
فزيت وكفت وصرخت:منو انت شعندك هنا
ما اسمع بس صوت صديق اركان يحجي وياي بهدوء

العضيد بهدوء و برود:شبيج فزيتي شايفه جني و ما ندري
باوعت عليه بعدين رجعت كعدت بس شنو رجفه بعدهي بجسمي من الخوف
_طور:لا والله لو شايفه جني احسن

دار وجها عليه بسرعه يباوع عليه بعصبيه رغم ظلمه و ماكو ضوه بس عرفت صار عصبي بسبب حركه راسه سريعه

هاي لحظه اني ما شايفه ملامح وجهه لان بالي كان كله يم اركان هذا ما كدرت اركز ملامح وجهه

_طور بلا مبالاه:لا تباوع لي هيج ترى من صدك احجي
_العضيد بعصبيه: ليش باله جني احسن مني
_على أقل جني من تقرأ ايه يروح و يهدء بس انت عصبي بدون سبب
ما اهتم حجي وبقه ساكت شوي وحجه بصوت هادي عكس صوته قبل شوي
_العضيد بهدوء:ما ادري شلون اكولج هذا كلام بس شكرا لان نقذتي اخوي من الموت لان لو صاير بي شي جان هسه مسيره الطب مالتج منتهيه
_طور نفس هدوء:هسه أني شنو اعتبر هذا مدح لو تهديد
اخذت نفس من جكاره مالته و كام شمرها و داس عليها برجله

_العضيد:ما يهم اعتبري لي تعتبريه

خله و داره ظهره و مشه
كمت من مكاني و وكلت بصوت شوي عالي حتى يسمعني

_طور:اصلا ماكو داعي تشكرني اني اجيت هنا حتى ادي واجبي كأ دكتوره
ما سمعت منه رد و خله و كمل مشيه
حجيت ويه نفسي

_حمدالله وشكرا شكد مغرور و متكبر عبالك بس هو بهذا العالم اععع الله يساعد اهله و مرته عليه

خليت و رحت إلى سبأ لكيتها واكفه هيه و عصام جاي يشربون جاي مدري منين جايبنه

خليت وكفت يم سبأ وأخذت جاي من ايدها و شربت
_سبأ:هذا مالتي ليش اخذتي
باوعت الها و رفعت كلاص و رجعت شربت منه شوي
_هسه صار مالتي محد كال لج لا تذكريني
_سبأ:غير انتي مدري وين رحتي
_طور : المريخ رحت بصاروخ ورجعت
_عصام:طور رجعي جاي الها و اخذي كلاصي اصلا اني ما احب جاي هواي

باوعت اله رفعت حواجبي اثنين يعني لا ما ارجعه
ابتسمت لي و مسحت على راسي مثل كل مره

_سبأ:بالعافيه عليج يا بعد كلبي اليوم هواي تعبتي
هزيت راسي بمعنى اي بعدها خليت راسي على كتفها
_طور:اي والله كلش عمليه اركان جانت صعبه احس طاقتي كلها خلصت
_سبأ:ارجعي انتي واني اليوم ابقه يمه و باجر الصبح تعالي انتي الصبح لان اكو سياره جيش يوميه تجي بالعشره ونص
_تمام لعد
رجعت المخيم بدلت و خليت و نمت ما احسيت اله الصبح صار
كعدت على صوت جهال و هيه تلعب و تضحك رغم كل شي صار وياهم بس بقت ضحكه على وجهم