عاصفة الحُب

البـارت السابـ؏

وَكأنّي كُنت آخذ النّار شَهيقاً،
بَل كَأنّي إبتَلَعت جَمراً.
_________________________

………
فهد : لسانها اخخ يلسانها ارد اكصه الها بس خلي تصير بغرفتي يكلك رشاشه مو لسان شطوله ،
طلعت للديوان و اني فاير منها لو ما جايي مصطفى جان ما كدرت الزم روحي

كعدنه شويه نسولف و كال جدي جيبو الاكل ، كامو الولد جابوه و اني دك تلفوني و طلعت لبره ارد عليه ، من شفت عباس دخل وي الولد سديت الموبايل و رحت وراه ، كلت اكيد هسه المدام تاخذ راحتها علبو هذا اعرفه

و صدك حجايتي لكيت واكفه و لازمتله الباب مال المجمده و هو مدنك يطلع الكراتين و راسه قريب من صدرها و انوب حلكها الحلو ما سدته تسولف وياه و ماخذه راحتها و الدشداشه مخصره على خصرها الي بس ايدي تلكوله

اني هناا فرت انوب قبل لا يطلع ابتسملها و اني مر طيف ذاك اليوم كبالي ، من واكفه هيه ويا بالباب و يتمضحكون ، ما كدرت الزم روحي حسيت نار و شبت بيه ، 'حرگتني حرگ بت الفلاح'

خليت عباس يطلع و رحتلها ما لزمت روحي ، لزمتها و جريتها الي لزكتها بيه و اني اباوع بعيونها الحلوات ، كالت و هيه تحاول تدفعني عنها بدايها الصغيره الناعمه الرقيقه.

غزالة : شيخنه شجاي تسوي وخر ايدك ، جاي توجعن……

فهد : حسج ما اسمعه ، بـله اخوج كلنه عادي تسولفين وياه و اطلعين بطرك ثوبج بس مال عباس لا لهنا و خليلها حد ، و شنو غزيله و ذاك اليوم تتمضحكين وياه ابـابه بيته ، شهل التصرفات ست غزالة هااا؟

هناا انفجرت بيها ، حجيت و اني راص سنوني و لازمها بقوه و هيه حاولت تدفعني بس اتمسگت بيها

غزالة : و انتَ شعليك و تدخل بصفتك منو تريد تتحكم بحياتي ، و بعدين العيب عليك مو عليه هو رابي وياي من جنت اطلع كدامه بضفايري و اني احسبه مثل اخوي ، بس انتَ لا اعرفك و لا تعرفني قبل كم اسبوع يلا شفت وجهك مو عيب هسه انتَ لازمني من زندي و لازكني بيك بطرك ثوبي !

من حجت هيج شتعلت للله ، حسيت روحي فقدت من حجيها ، بس حجيها صدك اني شنو و اتحكم بحياتها ، بس والله و عضمت اسمه الا اليوم الي تفض سالفة علي بي اركض اخليها باسمي ، بس اصبريلي يغزيله اصبريلي

عباس : شيخنه ؟!

اجه الفاير دمي منه ، اجه ساس البلاوي ، هديتها و طلعت و اني جنت رايد انفجر بي مو بس اصدمه ،

رحت للديوان لكيتهم منتضريني علمود ياكلو ، اني مالي خلك اكل انسدت نفسي ، عفتهم و طلعت رحت للساچيه و ظليت ادخن .

ْ
………
غزالة : تغدينه اني و فاطمه و نور وحدنه بالصاله الثانيه و كملنه و شلنه الاماعين ، طلعنه للحديقه و ردت اركب الحايط و اشرد ، جبال اماعين مو جبل واحد ، و انوب الكدوره و الاماعين الي طبخو بيها ،