شِيفيد الفَصِل وأنا الطِحِت مَكتُول؟.
_________________________
- تفاعلو .ْ
………
و مرت ايام الفاتحه على بيت ابو حسين مثل كل فاتحه ، ام حسين ما اكلت شي ليوم الثالث و وگعت و شالوها للمستشفى ، و ابو حسين گوه مصبر روحه و حتى نوم ما نايم ، و حسن صار هادء ڪُلش و من يبجي يبجي بـهدوء ، و غزالة حالها ما يقل عن امها ، عود فهد و البنات يجبرونها تاكل لگمه لو ثنين باليوم ..رجعت غزالة اليوم للبيت بعد 10 ايام ، جانت جسد بلا روح ، و فهد جان متساهل وياها ، ما تنام الا بحضنه و ما تاكل الا من ايده ، و مرات هو يسبحها ،
ْ………
غزالة : گعدت على حركت فهد بالغرفه ، فتحت عيوني و ظليت اباوعله ، جان واگف يبدل گبال المرايه ، من انتبهلي اتقرب و باسني بخدي و گال رايح اني ، نزل و اني ظليت صافنه شويه بالسگف و بعدها گمت للحمام ..غسلت و بدلت ملابسي ، طلعت من الغرفه و نزلت و بنص الدرج لاگتني رهف هم تريد تنزل ، گالت
رهف : صباح الخير .
غزالة : صباح النور .
نزلنه و لگينه ام ابتهال هناا هيه و بناتها و اني مالي خلگهن و علي ، سلمت عليها و گعدنه شويه وگمت للمطبخ علمود نتريگت ، گعد على الطاوله و گلت لام شهد تسويلي ريوگ و اجت رهف هم و تريگنه سوه ..
لعبت روحي من ريحة البيض و ما اكلته انطيته لرهف و اكلت جبن عرب ، و من كملنه رجعنه للصاله يمهن ، هنه يسولفن واني ساكته التسئلني ارد عليها ،
شويه و اجو الشيوخ من الديوان و وراها مصطفى سلم عليها و گعد يم رهف يتهامسون ، شويه و اجه فهد هم سلم عليهن و گعد يمي ، باوعلي و گال
فهد : شلونج اليوم ؟.
غزالة : بخير .
فهد : ان شاء اللّٰـهَ .
صبت ام شهد الاكل و من چهبته لعبت روحي و ما گدرت استحمل ، رحت للحمام ركض و استفرغت ، اجه فهد وگف وراي و لزم شعري و شالي وخره عن رگبتي ..
غسلي وجهي و نشفت بالخاولي و اني گوه واگفه ، راسي لزمني بالصداع حسيته راح ينفجر ، رجعنه للصاله و الشيخه و ماما خبصني بالاسئله ، گعدت على تخم بعيده عن الاكل و بالگوه قنعت فهد يعوفني و يروح ياكل ..
من كملو اكل صاحتلي الشيخه لغرفتها هي و ماما ، اوا ما دخلت گال الشيخه ..
الشيخه : هَــلا يمه تعاي گربي.
رحت گعدت يمها واني گوه مركزه وياهن حتى عيوني غوشن ، سمعت امي گالت
ام فهد : يُمه غزيله يمتى اخر مره اجتج الدوره ؟.
ما رديت عليها لان حسيت راسي راح ينفجر من الصداع و حتى على اذاني ضرب و عيوني غوشن حيل و اسمع صوت صفير باذاني ، باوعتلها و فجأه صارت الدنيا ظلمه و ما شفت شي بعد ..
ESTÁS LEYENDO
عاصفة الحُب
ChickLitكانت قريه هادئة جداً ، حتى اتتها عاصفة الحُب .! ماذا سيحدث اذا انزلت هذه العاصفة قطرات حٌبها على ابن شيخ القريه و بنت الفلاح ؟ - « مڪتملة » . - باللهجه العراقية 🇮🇶💞. - خيالـية بـاحداث واقعيـه . - جميع الحقوق تعود لي . - اذا تشابهة قصتي مع قصه اخ...