متقلبين الود

٢٨

الساعه ٧ صباح الجو حلو مغيم وفيه برد شوي لبسنا وتجهزنا وكل وحده شايله معها اغراضها اللي يشوفنا يقول رايحين حرب مو رايحين نتعلم نسوق ويوم جينا نركب جاء راشد وجلس ينظمنا وركبنا السياره ومعتز رايح معنا ليش مدري وراح راشد لمنطقه بريه ما اتوقع فيها احد حي ياويلي بس لا يصير لنا شي ونموت
راشد: يالله من تبدا
سمر: بعد بعد انا ببدا بما اني اكبر ذولا
ركبت سمر وركب راشد بمكانها وماخذ وضعيه مدام نفيخه جلس يعلمها كيف تشغلها وكيف تمشيها وكلنا قاطين اذانينا عشان نعرف وبس خلص راشد كلمته الا سمر مشغله السياره وبدت تسرع والبنات حدهم مستانسين وراشد حس انه غلط غلطه عمره ومعتز كان يتشهد
وتلقى سمر ارنب وتطرده وتطرده لين وصلنا جحره ونجلس نكب فيه مويه وعصير وندخل فيه كيك كل شي دخلناه حتى زنوبه مها ويجي راشد بسرعه يركب مكان سمر وينادينا
نوف : يالله دوري رشود صح
راشد: طل بتسوين مثل ذي بغينا نروح فيها حلفت ما اغلط نفس الغلط مره ثانيه
نوف: لا والله احلف لك بسوي مثل ما تقول والله تحمست
راشد بعد تفكير: خلاص تعالي اركبي وانتم يالله كل وحده مكانها
وتبدأ نوف تسوق وصراحه ممله يعني تمشي حبه حبه وتوقف وتمشي وتوقف لين لاعت كبدنا وطفشنا وقلنا لراشد ينزلها وهو ارجع السبب ان نحنا غيرانين من سواقتها الهاديه والراكزه عاد هنا جاء دوري واستغربت راشد وافق بالعاده يستلعن
دينا: يالله مستعدين لاجمل جوله على الاطلاق
البنات: مستعدين
دينا : سمر صوريني اول مره اسوق سياره كلكم صوروا
راشد: بلا كثر هرج يالله حركي
وعلمني كيف اشغل السياره وشغلتها جلست اسوق شوي شوي والبنات يصايحون وراي فحطي فحطي وتهورت واسرعت
ندى: انا ياخالي بسوق تكفى ذي ماتعرف
مها: امانه دوني خلي ندوي تسوق هي تعرف تفحط
دينا: لا انا بفحط
راشد: لاحد يقلبنا
دينا: افا عليك يا خالي
ندى: انا بسوق ذي بطيئه ماتعرف
راشد: هذي السرعه كلها وتقولين بطيئه
ندى : وين السرعه
وتفتح الباب تنزل والسياره تمشي وتجي تركض قدامنا سبقتني عاد انا حسيت بالاهانه وضغطت على النزين بكل ما اوتيت من قوه واسرعت السياره سرعه فائقه وراشد كان يصيح
راشد: شوي شوي يا زفت شوي شوي
دينا: كيف
معتز : شيلي رجلك عساها الكسر من البنزين
واشيل رجلي الا وقفت السياره وراشد نزل وهو معصب
راشد: انزلي جعلها امحق سواقه
وتوني نازله الا مها تركب محل السايق
دينا: راشد شوف مها
راشد: خليها تعرف تسوق احسن منك
دينا: لا علموني اسوق عشان اعرف اسوق
راشد: لاعرفتي خليتك تسوقين
دينا: والله لاقول لابوي يدخلني دوره سواقه ولا مها احسن مني
راشد: اركبي عاد
وجات ندى وهي ميته من التعب
ندى: دينا حسبي الله عليك وش ذي السرعه خليتيني ورحتي
دينا: احسن يالله اركبي
ندى : اركبي انتي قبلي
دينا: لا والله اركبي انتي قبلي عشان بجي عند الباب
ندى : حتى انا
دينا: راشد شوف ندى ما تركب
راشد: خلصوني
دينا: راشد شوف ندى عيت تركب
راشد: ندى اركبي عشان خاطري
ندى: ابشر انت تامر امر