ف المستشفى
دخل عزوز وهو ينادي دكاتره ع طول خذو منهم سعود
هُمام وهو يناظر بثوبه كيف صار : مين سوا كذا !
عزوز : اكيد من عيال سلطان !خلك هنا بودي جدي جوا تعبان
محمد ؛ وين اخذو سعود ؟
هُمام ؛ هدي هدي خذوه لداخل
الدكتوره وهي تركض و وقفها هُمام : شفيه سعود ؟
الدكتوره ؛ انتو اهل سعود ؟
هُمام ؛ اي
الدكتوره : سعود فقد دم كثير
هُمام : انا دمي نفس سعود خذو مني
ف بيت الجده :
انقلب البيت عزا و كله بكاء و الحريم اللي طلعون و الي يدخلون
سوير : خلاص يايلين توه دقو و قالو انه بخير
ايلين: كذابين
ساره : لا مو كذابين خلاص دامه بخير ليه تبكون ؟
ايلين : هُمام يقول كذا عشان خاله فاطمه بس هم كذابين انا شفته م كان صاحي
الجده : فاطمه هاك الجوال محمد يدق
راحت ايلين عندهم ؛ وش يقولون ؟
فاطمه : باقي م طلع ؟
ايلين : شفتو !
الجده: استهدوا بالله هو بخير بس عشان الدم راح منه كثير عشان كذا طولو
رقيه : يعني سعود م راح يرجع ؟
سوير : الا بيرجع
رقيه : لا اللي برا يقولون مات م يرجع
و رجع الصراخ و البكاء و فاطمه صار يغمى عليها و تقوم
راحو كل الحريم و قعدوا بحزنهم ولا احد يتكلم
ف بيت العم سليمان من سمع ب الخبر وهم يجعزون اغراضهم رايحين
جيلان : مات !
العمه ؛ لا لا بس انطعن عمك بيطيح خلونا نلحق
سدين : بدون ملابس !
العمه : خذوا ايشي بسرعه
العم وهو يدق ع الجد سعود ولا يرد
فيصل : اكيد يابوي هم ف المستشفى محد بيرد او م يسمعون الجوال اساساً
بعد مرور ساعتين طلعت الدكتوره مره ثانيه
هُمام : كيف سعود ؟
الدكتوره : طلعوه الغرفه بس م راح يقوم الحين تقدرون تروحون بخير هو
هُمام : انا بقعد عنده وانت روح ياجدي
الجد : لا لا بقعد
عزوز : عمي محمد دامه بخير خلنا نروح عمي صقر لحاله
بعد اقناع طويل اخيراً وافقو
عزوز : اجيب لك ثوب ؟
هُمام : اي و قل لامي اني بقعد عند سعود
عزوز : تمام
دخل هُمام عند سعود :
هُمام : مين سوا فيك كذا ياسعود صالح ولا ثامر ؟ والله ليشوف الموت لونه ابوهم عشره منهم م يكفون عنك بس كان قلت لنا ياسعود اهخخ
دق جوال هُمام : هلا
ايلين : سعود مات؟
هُمام : لا لا حي الحمدالله و طلع من العمليه و شوفيه جنبي الحين علمي لخالتي فاطمه و جدتي
ايلين : لا كذاب
هُمام : والله بخير الحين صوره لك
ايلين : ابغى اسمع صوته
هُمام : نايم الحين بس هو بخير
ايلين : لا كذاب
بعد اقناع طويل ان سعود حي : طيب انت ليه تبكي ؟
هُمام : م ابكي بس صوتي تعبان
ايلين : خلاص تعال خذني المستشفى بشوفه
هُمام : بكلم عزوز هو جايكم
م هي الا دقايق و دق الباب
فتحت غزل : هلا جدي تعال هنا
الجد :وين جدتك ؟
فاطمه : محمد سعود مات!!!
محمد : لا لا حي
فاطمه : لا تكذبون علي سعود ميت ولدي مات !
محمد : يافاطمه والله حي هدي
فاطمه : ان م رحت تجيب حق سعود منهم انا باخذ حق ولدي
محمد : بناخذه بس خليه يقوم و نعرف مين !
فاطمه : مات مات كيف خليه يقوم !
محمد : قومي اوديك عندك ملاك جيبي عبات امك
ايلين : عمي بروح معاكم
صقر وهو يحضنها : م يحتاج هو اساساً مو ف وعيه
ايلين وهي تبكي : ابي اشوفه
صقر : غزل جيبي عباتها
ايلين : سعود م مات
صقر وهو يبوس راسها : ما مات سعود
ركبوا السياره
ايلين وهي طول الطريق تكرر : سعود م مات
صقر : الحين تشوفونه بعيونك احسن من اول
