الجد : ياسليمان لا تنسى اللي عندك لنا !
العم : شوفك طردته !
الجد : م يهمني بس بيجيني
سعود : جدي
الجد : هلا سعود
سعود : انادي فيصل و عزيز ؟
الجد : ناداهم و علمهم عني
سعود : ابشر
العم : وليه التفرقه
الجد : م فرقنا السبب من الام
العم : مالها دخل الام
الجد : لها دخل شوف فاطمه ! تركت عيالها له ؟
العم : نتفاهم ف ذا الموضوع بعدين بس سعود لازم يدري !
الجد : اذا محمد م يعرفه سعود بيعرفه ؟
برا البيت
سعود : فيصل !
فيصل : هلا سعود وش صار ع جدك
سعود : جدي يناديكم هيا
عزيز : بنشتري منها مسكينه
العجوز : انتو اخوان ؟
سعود : انا ؟
العجوز : انت و ذا
كلهم : لا
العجوز : تتشابهون !
سعود : وين بس يلا الحقوني
فيصل : عطيني تمر
العجوز : سم
فيصل : بكم ؟
العجوز : عطاه اخوك واضح عليه زعلان هديه مني
فيصل : مب اخوي ! ولا هو زعلان
العجوز : عطه اياه
فيصل : ابشري هيا سعود
سعود : ذولاك
فيصل : شفيهم !
سعود : عزيز بنلحقك
عزيز : ابشر
فيصل : شفيهم !
سعود : تعال معاي
صالح : القلوب حنت شكلها
عبدالمحسن : تتوقع ؟
سلطان : هلا بعيال محمد
سعود : لا يكثر كلامك انت وياه وين ثامر ؟
فيصل : لا يكون تخبى ؟ الرجال يكونون قد فعلتهم !
سلطان : فيصل ؟
سعود : مالك دخل وين ثامر !!
سلطان : ثامر م ندري عنه
فيصل : قل للخواف لا كان رجال يواجهنا م يتخبى ورا افعاله ! هيا سعود
سلطان : تعرف ابوك انت ؟
فيصل : شدخلك !
سلطان : اعرفه و تعال لي
صالح : عيال محمد تدلون دربكم ؟
سعود : لا جاكم ثامر قولوا له خله يقابلني لا كان رجال لو انه قد فعلته يجيني يلا هيا فيصل
فيصل : ثامر اللي طعنك ؟
سعود : اي
فيصل : انت قايل م شفت وجهه !
سعود : م ابي اهلي يدرون وانت شدراك
فيصل : يدرون !
سعود : مين قال لهم !
فيصل : السكين حق ثامر بس هم ما يبون يقولون لك
سعود : اجل لا تعلمهم اني ادري خلنا نلعب ع بعض
فيصل : بسألك
سعود : اسأل
فيصل : ليه قالو لنا عيال محمد ؟
سعود : عشاني معاك
فيصل : يمكن
سعود : ابوك سليمان ؟
فيصل : اي
سعود : وامك ؟
فيصل : هم يقولون امك هي عمه بس انا م انادي اني لان ادري انها مب امي وهم يخلون علي سمعتهم وانا صغير و للحين م علمتهم اني ادري امي تركتني من بعد حادث عمامي و كانو عمامي و حريمهم و عشنا مع ابوي
سعود : اها
فيصل : اهلك م علموك لان يخافون عليك عشان م يصير لك شي انت يوم رحت المستشفى البيت تغير مره و الكل كان زعلان هنا عرفت ان الكل يحبونك و لا تقابل ثامر ولا شي صدقني بتندم لا صار شي على اهلك خلك معاهم الحين لا راحو تندم م تعرف الا لما تجرب ابعد عن اللي يزعل اهلك و خلك معاهم الله يحفظهم لك
سعود :والله مدري وش اقول لك بس امين و اهلي هم اهلك و كلنا واحد ترا ان شاءالله م نزعلهم ف شي ولا نندم ع شي و يالله يطول باعمارهم
فيصل : امين لا تعلم احد موضوع امي
سعود : افا ! ابشر
فيصل : و جيلان ماهي ياختي من الرضاعه لان امنا مب وحده
سعود : سالفتك طويله وانا اخوك ! بس الايام تعدي و نعرف الحقيقه و ان كانت امك ميته الله يرحمها و ان كانت حيه تتقابلون ان شاءالله
دخلوا
الجد : هلا سعود
فيصل وهو يبوس راس الجد : اسف ياجدي حقك علي
سعود : وش السالفه
الجد : سالفه بيني و بينه بس م من زعل يلا الرجال شوي و يجون
