في بيت الجد
الجد وهو يتمدد : اخيراً زوجتهم وارتحت الحين
الجده : الحمدالله
الجد : ان شاءالله اشوف عيالهم معاهم
الجده : بس باقي واحد !
الجد : خطبنا بس م ردو لنا !العزيز عند نوره م ينسى ؟
الجده : مستحيل ينسى ولو علي زوجته اول واحد
الجد : هو خربها ع نفسه وكنت ابيه لبنت عمه سوير
الجده : هو م يبي بنت بنات عمانه
الجد : م يبي وهو شوي و يذبح هُمام ؟
الجده : م عاد جاب طاريها من يومها ويبي منيره الحين
الجد : ان شاءالله خير
فالحوش
قعد وهو يفكر:فقدت غزل و م قعد لها ساعه شلون مع الايام الباقيه ياعزيز ؟
الله يستر عليها ويسعدها وعقبالي أن شاءالله
نواف : شعندك تهوجس ؟
عبدالعزيز: لا م اهوجس ولا شي
نواف : صب لي شاهي
عبدالعزيز: مب حلو سويته وماطلع حلو
نواف : صادق ؟
عزوز : اي والله عشان كذا تركته
نواف : فاشل ف كلشي
عزوز ؛ افا عاد يشبهوني فيك
نواف : ومب قال لك اني ماني بفاشل ؟
عزوز : انا شفت محد قال لي
نواف : وش شفت ؟
عزوز ؛ منت بفاشل وبالعكس حياتك الواحد يتمناها
نواف : يتمنى كره اهله ؟ يتمنى يكون بعيد عن اهله ؟ يتمنى شبابه يروح فالسجن ؟ يتمنى زواج فاشل ؟ يتمنى تأنيب الضمير ؟ يتمنى يكون بعيد عن اهله و فجأه يرجع يوم كبروا كلهم ؟ احياناً اقول ليتني م رجعت وش استفدت ؟ عيال اخواني بيشوفون حياتهم الحين و بنتي كبرت واستقرت لحالها وانت قاعد تايه كذا ؟
عبدالعزيز ؛ متى صار كل ذا ؟
نواف : يوم كنت ورع
عبدالعزيز: اشوا م شفت
نواف : المهم وش قاعد له هنا ؟
عبدالعزيز: سويت شاهي قلت اقعد شوي هنا
نواف : اها
عبدالعزيز: الا بسألك
نواف : وش ؟
عبدالعزيز: جدي وينه ؟
الجد من الشباك : ادخل لا يجيك برد انت وياه
نواف : ع طاريه
عبدالعزيز : شويات وندخل
نواف : مين يدق الحين ؟
الجد : انتبه يانواف
نواف : ماني بورع يبا
الجد : الا ورع
نواف : زينه ؟
زينه : وين ابوي
نواف : داخل
زينه : تعالي معي
عبدالعزيز: عسى ما شر ؟
زينه : الشرطه اخذو ثامر
نواف : افا ليه !
زينه : ماعرف
عبدالعزيز : ادخلي عند جدي قولي له
نواف : وش مسوي ؟
عبدالعزيز: اليوم طلب من جدي فلوس يقول عنده دين واكيد مسكوه وهو ما سدد
نواف : اها لا يكون مخدرات
عبدالعزيز: ايه ايه بس يقول اخوانه مب هو
نواف : الله يعين
في جناح سعود
سعود : والله تعب
ايلين : ايه بس بكره ماعندك شي صح ؟
سعود : ايه ماعندي شي ليه ؟
ايلين : بس اسال
سعود : انا اللي بسالك
ايلين : وش
سعود: شفيك انتي وجده اليوم ؟
ايلين : مافيني شي
سعود : علي ؟
ايلين : صدق مافيني شي
سعود : ان شاءالله خير
ايلين : لا تخاف ماجيب الشر انا
سعود : ماقلنا شي ...اشتقت لك
ايلين : معاك طول اليوم
سعود : مع اهلك طول اليوم مب معي !
ايلين : شسوي عرس اخوي
سعود : تعالي طيب
عند فيصل وغزل
فيصل : علامك ؟
غزل : وش ؟
فيصل : تعالي هنا وراك رحتي بعيد
غزل : تمام
فيصل : غزل
غزل : هلا ؟
فيصل : انا من الحين بعلمك لا زعلتك في شي او ضايقتك علميني انا اوعدك مازعلك في شي وانا اعرفك من اول لا زعلتي تسكتين ذي سويها مع الكل الا معي تمام ؟
غزل : تمام
فيصل : تعالي في عيونك كلام كثير بتعلميني فيه كله
غزل : لا مافيه شي
فيصل : متأكده ؟
غزل : بس شوي مو كثير
فيصل : لا تقعدين كذا اذا ماقعدتي معي زي ماتقعدين مع عبدالعزيز بنام
غزل : وانت وش عرفك ؟
فيصل : اسمعكم انا دايم !
غزل : من متى ؟
فيصل : من يوم ناديتك غزل الغزلان
غزل : يوم ناديتني كانت اول مره تجي بيت جدي !
فيصل :ماناديتك الا مره وحده والحين بناديك طول عمري
غزل : اي اسم ؟
فيصل : كلها حلوه بس غزلان احلى
غزل : الاسم الكامل احلى !
فيصل : غزل الغزلان ؟
غزل : اي
فيصل : ابشري
