ف المزرعه
حمد : يالله حيهم !!
سعود : السلام عليكم
الكل :وعليكم السلام
عزيز : فيصل !
فيصل : هلا عزيز ! كيفك ؟
عزيز : بخير كيفك انت ؟
فيصل : الحمدالله
فهد : هيا اجلسو !
فيصل : راكان و سليمان م بيجون ؟
عزيز : لا م بيجون
سعود : وش تسوون !
فهد : قاعدين نشوي بيعجبك !
حمد : عاد انتم اعذرونا دخلنا مزرعتكم كذا !
عبدالعزيز: مامنا غريب ! عادي
فهد : كلمنا هُمام و قال عادي !
سعود : م كلموكم احد من العمال ؟
هُمام : كلمتهم انا
سعود : اها
حمد : ها عيال اغنيه ؟؟
فهد : اي يلا سعود ؟
سعود : بكيفكم !
هُمام : انت اللي بتغني
عز : سعود يغني !
فيصل : يوهه باقي م شفتو شي
عزوز ؛ يلا سعود
سعود : وش اغني طيب ؟
فهد : العباة الرهيفه
هُمام : اي كلكم حافظينها صح ؟
الكل ؛ اي
سعود ؛ كلها ! ماني حافظها
هُمام : لا بس جزء
سعود : من ردى الحظ قلبي ؟
حمد : يلاااا
الكل بصوت واحد :
"من ردى الحظ قلبي طول الايام خايف
خايفٍ والليالي ماتجي له بكيفه !"
عزوز بتعزيزز : ااايييوههه
حمد بصراخ : العباة الرهيفه !!
سعود : م تجي له بكيفه مثل م كان شايف !
و الكل بدا يغني و يعيدون ف البارت
ف بيت الجده الساعه ٢فالليل
الجده : ورا م نرجع بيتنا ؟
صقر : لا لارجع ابوي نرجع
فاتن : يمكن م يرجع !
صقر بعصبيه : كيف م يرجع !! بيرجع ان شاءالله
نايف : يلا نوال عزيزه !
الجده ؛ على وين ؟
نايف : البيت تأخرنا
الجده : لا لا اليوم بينامون عندي
ايلين : ابوي تبي شاهي
نايف ؛ ليه ؟
الجده : ولا اني ابيهم ينامون عندي اذا م تبي عادي
نايف : اذا يبون نقعد
عزيزه : انا بقعد اليوم
نوال : وانا
فاتن : نقعد صقر ؟
ايلين : اي ابوي نقعد !
فاتن : م في اغراض لتميم !
ايلين بضحكه : الا انا جبت
صقر : مخططه من اليوم !
ايلين : زينه مب انا
زينه : اي انا ابيهم يقعدون معي
ملاك : اي و حنا يمه نقعد
فاطمه : بشوف سعود
صقر : سعود انا اكلمه م عليكم بيقعد وينهم هم ؟
عزيزه : راحوا المزرعه
صقر : لحالهم ؟
عزيزه : لا معاهم احد
ايلين : يمه تبين تشوفين هُمام ؟
فاتن : اشوف ؟
ايلين : تعالي وريها
زينه : والله العيال مستانسين
الجده : هاذا سعود صح ؟
زينه : لا ذا هُمام سعود اللي جنبه
الجده : وليه مغطي وجهه ؟
زينه ؛ شدراني عنه يمه
فاطمه : اشوف
ملاك : يمه وجه سعود مب واضح بس صوته
فاطمه : بسمعه صوته!
ملاك : اوففف
غزل : سعود م يصور ؟
زينه : م يصور دايم هُمام و عزوز بس
غزل : دايم اشوفه ماسك الجوال احسبه يصور !
زينه : لا لا
صقر بصوت خفيف لامه : كلمتيه ؟
الجده ؛ اي كلمته
صقر ؛ شقال
الجده : يقول بعدين !
صقر : وش بعدين !م حدد الوقت ؟
الجده : يقول اذا رجع جده و هو خايف اذا طلبها ترده
صقر ؛ لا وش ارده انا بعطيه ايلين و باخذ ملاك
الجده ؛ لهُمام ؟
صقر ؛ اجل لتميم !
الجده ؛ وش فيك معصب انت !
صقر وهو يضحك : لا يمه مب معصب امزح معك
الجده : هُمام و ملاك ! يجي منهم من زمان م ركزت
صقر ؛ وش تركزين يمه
الجده ؛ اسكت خلني ف خيالي !
صقر : بدق اشوفهم
هُمام : هلا ابوي
صقر : وش ذا الازعاج !
هُمام وهو يبعد عنهم؛ قاعد مع العيال هلا؟
صقر :تعشيتو ؟
هُمام : شوي كذا و نتعشى بغيت شي ؟
صقر : لا بس اسأل عنكم الاغاني اخر الليل مب زينه
هُمام :وقفناها خلاص
صقر : متى تجون ؟
هُمام ؛ مدري بشوف العيال رايحين البيت انتو ؟
صقر : لا بننام بغيت اعلمك
هُمام : تمام
صقر : يلا لا تطولون الساعه ثلاث وانتو عندي
عزوز من بعيد : العشاء ياهُمام
هُمام ؛ ان شاءالله ثلاث وحنا عندك يلا
سعود : من تكلم ؟ حبيبتك !
فيصل : اوف حبيبه !!
عزوز ؛ياهُمام ياخاين ليه م تعلمني !
عزيز : اقدح ! حبيبه اخس كيف تعرفتو
عز ؛ احب سوالف الحبيبه هاذي علمني !
حمد من بعيد : مين عنده حبيبه يعيال !
فهد ؛ ابو صقر الحقققق
هُمام بعصبيه : اصبرو !! خلوني اتكلم اعوذبالله من جاب طاري حبيبه م عندي ابوي يكلمني
عزوز : يليل بالاعذار القديمه ابوي !!
هُمام بضحك : لا وينن والله جد اتكلم
فهد : فكونا من الحبيبه و تعالو ناكل
عزوز : عاد انا همك بطنك !
فهد : وش احلى من كذا !
سعود : اي فهد شصار ؟
فهد : ع وش ؟
سعود: البنت ذيك !
فهد ؛ نفس ماهو
سعود : كلمت امك ؟
فهد : كلمتها بس عيت
سعود : قايل لك ! خيره لك دور لك وحده ثانيه
فهد : بس انا ابيها !
سعود ؛ وش تبيها قد تقابلتو تعرفها تعرفك ؟
فهد : اي زمان تقابلنا قبل م تصير الهوشات يوم كان ف الديره تقابلنا و اسمها منيره ! وهم عيال عمها يوم كان عمري ١٦ مدري ١٧ قابلتها و من بعدها م تقابلنا
سعود : ايوه وش صار يوم تقابلتو
فهد : قلت لها بخطبك و قالت م راح يعطونك
سعود ؛ هي تبيك ؟
فهد : مدري م قالت لي
سعود : يرجال تلاقيها تزوجت الحين خلاص قبل كم سنه كان عندهم زواج
فهد : بس اكيد كرهتنا
سعود : موتنا جدها اكيد بتكرهنا " جدها سلطان "
فهد : بس تدري ان جدها قاتل !!
سعود : مين يفهمهم !! م تشوف يوم القصاص كيف كانو يتوعدون فينا ! قلتنا اكبرهم ولا هجدو !
فهد : اكيد الحين لو يجي احد يذبح جدك مب تزعل !
سعود : فهد !! لا تدخل جدي بكذا مواضيع ! جدي ماهو نفس سلطان و سلطان م يسوى ظفر من جدي ! و جدي مب قاتل ! عشان اعتبر
فهد ؛ محد يرضى حتى لو جدك قاتل !
سعود ؛ خلك كذا !! مالي شغل فيك اجل
حمد : شفيكم عيال
فهد : م فينا شي !
حمد : تعال سعود بقول شي
فهد : انا رايح للعيال
حمد : سعود
سعود : هلا
حمد : شوف لا تفهمني غلط ولاشي انا بس شفتها بالسوق
سعود : منهي !!
حمد : وحده م اعرفها
سعود : حمد!! اعرفك تكلم منهي
حمد ؛ بيني و بينك ؟
سعود ؛ اي
حمد : اخت فهد لا تفهم غلط يمين بالله م اعرفها بس امي علمتني
سعود : اي ويش ؟
حمد : انا انسان يعني طيب و يقبلون فيني لو خطبت ؟
سعود وهو يناظره : لا
حمد : ليه ؟؟
سعود وهو يضحك : امزح معك تبي تتزوجها يعني
حمد : اي
سعود : خلي امك تخطبها
حمد : اخاف يرفضني فهد و تنخرب صداقتنا
سعود : لا لا فهد مب كذا بس انت لا تقول شفتها ف السوق !! قول امي شافتها و اعجبت امي وانا امشي ع ذوق امي
حمد : والله ؟
سعود : عاد فهد م عنده مشكله بس البنت فيه مشاكل
حمد ؛ ليه
سعود : ياخي انت تصدق كلشي ! امزح معك و حلق كشتك ذي
حمد : ليه مب حلوه ؟
سعود ؛ انت تعجبك بس هم م تعجبهم حلق نفسي و تطلع كذا
حمد : اطلع نفسك ؟
سعود : اي !
حمد : اجل كنسل
سعود ؛ خلك قدها
حمد : امزح معك
فيصل : سعود
سعود : هلاا
فيصل : تعال اقعد هنا وش تتكلمون هناك
سعود : جاي انا
فيصل : ياخي سعود من متى عندكم ذي المزرعه
سعود :يوههه من زمان من يومني ورع وهي موجوده بس نعدل عليها دايم
فيصل : حلو
سعود : ان شاءالله تكون معانا لين يجون عيالي اشوفهم هنا يلعبون و اشوفهم يركضون ورا عيالك و يجلدونهم بنتي نوره و ولدي محمد و يجلدون سعود ولدك
فيصل : ولدي اسمه سعود ؟
سعود : اجل !!
فيصل : لا انا ابي اسم ابوي !
هُمام : الكبير سماه خلاص يعني
فيصل : بس هو مو الكبير !
سعود ؛ اجل من !
فيصل ؛ ولدنا سوا ف نفس اليوم بس م يعرفون الوقت ! م ندري مين
سعود وهو يضحك : والله جاك العلم انا من يومني صغير وهم ينادوني ابو محمد صرف نفسك !
فيصل وهو يحط يده ع سعود : خلاص اول واحد ع اسمك
سعود : اي ! والثاني ؟
فيصل : الثاني امه تسميه
هُمام : انا بسمي عيالي واحد صقر و البنت سلاف
سعود : وش ذا الاسم الجديد ! سلاف ؟ حلو
فيصل : لا مب حلو
سعود : وانت بنتك وش تسميها ؟
فيصل : بنتي اسمها عتاب
سعود : ابلش و ذا الاسامي !
فهد : وانت سعود ؟
سعود : انا الولد محمد و البنت نوره ! وانت عزوز ؟
عزوز : انا الولد سلطان و البنت مهره
سعود : الله حلو !!
هُمام : شقصدك بنتي مب حلو اسمها !
سعود : معليش بس مهره احلى ! لا جاني بنت ثانيه بسمي مهره
عزوز : لا تقلدني !!
سعود : لا خلاص امزح
فهد : الاكل يعيال
عزيز ؛ عز راح يجيب عصير انتظر
