فاطمه : سعود وديني بيت اهلي
سعود : ليه ؟
فاطمه : كيف ليه وديني وبس
محمد : اقعدي !
فاطمه : مامي بقاعده لك ولا دقيقه
الجده : شفيك يافاطمه !
فاطمه : ملاك روحي البسي عباتك
محمد : لا
فاطمه : بنتي !! روحي البسي
سعود : روحي البسي ملاك
محمد : بنتي انا كمان !
سعود : دور لبنتك الثانيه يمكن ذي المره مع ام ناصر وهو يغمز
صقر : سعود ! عيب
نايف : ماهو بعيب روحي ياسعود ابوك م يستاهل ولا عائله ولا اهل ولا عيال بكره جيكم بولده الجديد م عادنا نصبر عليك و تغطي على خطاياك!
صقر : عيب نايف وش ذا الحكي!!
نايف : اعقب انت !
العم : ياعيال ننتظر سعود
سعود : جدي م راح يجي ادق عليه م يرد ! يعني راح م عاد فيه جدي
هُمام : يمكن صار شي لجواله
عزوز : لا م صار شي ولا م شفته كتب كذا و راح وش يعني ؟
سعود : يعني م يبينا !!
هُمام : لا عيال مب كذا
الجده : وش ذا الحكي يامك ! طول عمره ابوكم شايلكم مستحيل يتركنا
زينه وهي تبكي :ابوي م راح يتركنا !! لا تتكلمون كذا
سعود وهو يحضنها : بيرجع م عليك
زينه : م راح عشان يرجع !
فاطمه : هيا سعود !
محمد : ان طلعتي مع ذا الباب م عاد لك رجعه !
فاطمه : م راح ارجع اساساً !!
محمد : سعود اقعد دقي ع احد من اخوانك يجي لك !
سعود : م راح اقعد وانا اللي بوديها
صقر :انتبه ياسعود لطريق
محمد : انتو قاعدين تخربون ولدي علي !!!
سعود :بجيب اغراض لي ب المجلس اركبوا السياره
هُمام : م راح ترجع
سعود : مدري
الجده : كيف م تدري ياسعود !
سعود : بترك امي !!
فيصل : بروح معاك
سعود : مسرعك عشت الدور
فيصل : بروح لامي !
سعود : روح لها
فيصل : وديني م عندي احد
عزيز : انا اوديك
سعود : اركب
عزيز : فيصل !
سعود : خله !
نوال : نايف يلا مشينا
غزل : يمه وين بنروح !
نوال : بروح عند اهلي وش اقعد له هنا !
الجده ؛ وانتي شدخلك
نوال : ابي اهلي !
الجده : احسبك هاجه
ف المجلس
ايلين : سعود
سعود : ياعيوني
ايلين : وين بتروح
سعود :بروح عند اهل امي
ايلين : م راح ترجع
سعود :لا رجعت امي برجع
ايلين: وحنا ؟
سعود وهو يبوسها : حنا نفس م حنا
ايلين:ابوي و ابوك بيتهاوشون !
سعود : بنرضى بعدين
ايلين : سعود من وين لك الاخبار ذي كلها !!
سعود : توقعات بس !
ايلين : طيب وانا ؟
سعود : وانتي وش
ايلين : وش اسوي ؟
سعود: كلميني لا تخلين ساعه تعدي بدونك
شيهانه وهي رايحه : الباب مفتوح
سعود ؛ خليه مفتوح باقي شي ينخرب بعد ؟
ايلين : بتتركني؟
سعود ؛ من وين تجيبني ذا الكلام !
ايلين : توقعات !
سعود وهو يضحك ؛ ياخي احبك فعلاً احس براحه معاك شوفي كلشي منخرب و اضحك معاك !
ايلين : لا تتأخر ع امك
سعود : تبين الفكه ؟
ايلين : لا بس اغير الموضوع
سعود :رايح كلميني
ايلين : تمام
برا البيت
الجده : يافاطمه اقعدي ف بيتك و مع عيالك و رجلك
فاطمه : عيالي معاي و بيت ابوي يعزني ! جاييني كليوم ب ولد !
الجده : ولده من زمان وانتي خابرته !
فاطمه : خابرته يوم تركه عند امه !
الجده : ولدتي انتي وياها سوا !! تركها من بعد م ولدت كان ينتظر تولد و يتركها ولا عاد يعودها
فاطمه : انا صايره عليه من يومه سعود ف بطني و الحين سعود يشيلني مالي شغل فيه جاييني بولده حلوه ذي !!
ملاك : يمه
فاطمه : انتي اسكتي !
سعود وهو يركب : فيصل بيجي معانا
فاطمه : لا
سعود : ليه يمه
فاطمه : م ابي كل اللي صار بسببه !!
فيصل وهو يصارخ من داخل البيت : سعود بروح مع عزيز
فاطمه : بداهيه ان شاءالله
سعود : ماله داعي كل ذا الحركات يمه
فاطمه : وديني عند اهلي !
ملاك : اوفف
سعود : يمه
فاطمه : ها
سعود : انا ولا فيصل اكبر ؟
فاطمه : كلكم بنفس الليله م اذكر هي ولا انا اول بس بنفس اليوم و نفس المستشفى
سعود : اها يمه تعرفين امه ؟
فاطمه : اعرفها ! كان ابوك متزوجها ب السر و تركها و جاتنا بولد و قعدها جدة عندنا لين ولدت و اخذ الولد وامه و طلعهم من البيت
ملاك : وين راحو ؟
فاطمه : مدري عنهم بس قال انه مع امه و الا اليوم جايينا
سعود : هين يامحمد
ملاك : سعود تراه ابونا !
سعود : ابوك !
ملاك : وابوك انت كمان
سعود : م ابيه يصير ابوي بخليه يرميني زي ما رما فيصل و خل فيصل عنده
ف البيت
الجده : روح جيبها !
محمد : هي راحت هي ترجع !
صقر : انت الغلطان ! ما تنلام البنت عليك ! متزوج اكثر من مرا و السر لا انت اللي تعلمنا ولا تعلمها و تجينا بولد ! وش انتظرها تسوي ؟
نايف : لا تنسى عيالك تفهم !
صقر : اهجد انت !
نايف : ورع !
صقر وهو يضحك : انا ورع ؟
هُمام : ابوي خلاص
نايف : انقلع انت
هُمام : عمي !! محد تكلم عليك لا تتكلم !
نايف ؛ مب ناقصني الا انت ! توكل انت و ابوك بس
عزوز : ابوي
نايف : انت اص ولا كلمه لاحد يكلمني تفهمون !
محمد : نايف لا تزيدها !
نايف : بكلم نواف
محمد : وليه تكلمه !
نايف : بنقسم الورث !
صقر : ذا همك!
نايف : اي همي !!! ابوي كاتب تقسموه !
صقر : صدق م فيكم رجوله !! واحد تارك عياله و اهله و الثاني بيورث ابوه وهو حي ! و الثالث م ندري عن دياره!! استحوا من امكم جالسه هنا !
نايف : صقر لا تقول كلام اكبر منك و الكلام لي و لمحمد حنا الكبار !
صقر : كبار !!
هُمام : خلاص ابوي هيا
صقر : نادي امك و هيا الرياض
الجده : على وين !
صقر : بنمشي كلنا هناك و نشوف ابوي
ايلين : ابوي
صقر : روحي ساعدي امك
ايلين : بس في شي !
صقر : وش !
ايلين : اذا جاء عمي بيشوف ساره !
صقر : اي ؟
ايلين : وش اي بياخذها !
صقر : يمه وش نسوي !
هُمام : كلم سعود
صقر : شدخل سعود ؟
هُمام : لانه كاتبه مع عمي نواف !
