تعالي معي

مشهد من المستقبل

مشهد جديد
للكاتبة فــاء
قصة _تـعـالي مَــعـي

_نسينا الراحة من يوم الفكدناكم ونسينا ارواحنا
بس ما نسيناكم........
رحتو والخير كلة راح وياكم ..

:لاا عليكم الله عوفوني لخاطر لنبي محمد عوفوني مريد اروح والله مريد اروح

عوفوني مروح مروح وياكم والله مروح عوفونييي دكللكم عوفوني باباا حاجيهم باابا كللهم يعوفوني بابا حاجيهم شبيك مو دحجي وياك حاجيني لدنك راسك لدنكة بابا ارفع راسك باوعلي حاجيهم كللهم عوفو بنتي يلا حاجيهم يلااا

كااافي كافي بس تبجون كلولهم خل يعوفوني يلا كلولهم كافي تبجون جدوو ابوس ايدك حاجيهم جدو كللهم عوفو فرحة بيتي مو انته كلي اني فرحة بيتك لعد حاجيهم كللهم لياخذوني تريد يبقى بيتك من دون فرحة مريد اروح اني معرفهم شلون اروح وياهم شلون لتخبلوني عوفو ايدي عوفوها مروح وياكم عوفونييي

:ابجي اصرخ الطم محد منتبهلي بابا فارش بلكاع شبه فاقد ويبجي ويدك على راسة حيل ويصيح كاظم راح ياخذون بنتك ولك كاظم راح ياخذون بنتك من بين اديك يكاظم وانتة مطالع بيدك شي يصفك بيدي ويصيح هاهيا ماكو بعد فرحة يكاظم راحت بنيتك ولك راحت

وجدو كاعد على الرصيف مدنك ويبجي اشوف بس متونة يهتزن حيل

وماما اه يماما الله يساعد كلبج.. ملخت روحها تملخ وهيا كللهم ابوس اديكم عوفو بنتي عليكم العباس عوفو بنتي كلشي ولا بنتي شكد تريدون ننطيكم بس بنتي لا بنتي مطيها هاي والله بنتي وتضرب على وجهة وزلخ بخدودها كلبي وجعني عليها حيل واني اشوفها كدامي منهارة تبوس بدينهم حتى يعوفوني وهما ولا واحد بيهم هتم ولا رف بحالها وكال خل نعوفلها بتها ولكم شنو من كلوب

اباوع بعيوني التبجي لاشكالهم اريد احفظها زين مريد ارمش مريد اضيع ثانية وحدة من عمري واني مشابعة منهم ومن شوفتهم بعد مكدر اشوفهم حاسة بهلشي اريد اشبع منهم اريد احفظ صورهم

اغمض عيوني حيلل وسمع اصواتهم اريد احفظ كلشي يخصهمم

عيني تتنقل بينهم من واحد لواحد واني اشوف مصطفى اخوي اي والله هذا اخوي حزام ظهري هذا سندي بهلحياة هذا المجانت تهون علية دمعتي شلون واكف ويصرخ منهار وهو يرجف يريد يفلت من ايد عمامي ولدهم ويجيني وهو يصيح باعلى صوتة

:عمي هدني هدني وسام لخاطر محمد هدوني ولكمم اريد اروح لاختي عوفوني راح ياخذون فرحة منة عوفوني اريد اختي ولك عوفها عوفها لتلمسها عوفهااا خ....بامك ابن الك.... ولكممم عوفو اختي لتلمسوها عوفوها عوفوها هدونييي هدونيي اكللكم هدونييي خ...... ب.....اخوات الك.......

اباوعلة واني شهكاتي زيد اشوفه شلون مفرفح بديهم يريد يجيني ومحد يخلي يوصلني خايفين علية يقتلونة

وبيبي الفتحت زيجها وهيا صيح وتلطم على صدرها حيل

:ربييي يريدون ياخذون حفيدتي مني ربي لا عليك غربة العقيلة ربي مشية عليك رقية بنت الحسين (ع)ربي رجعلي فرحة ربي والله وليدي يموت من بعد بنتة والله يموت كاظم من بعد بنتة ربي هاهيا يسهام راحت فرحة بيتج يسهام ولج يمة تعاي وكابليني ولج يمة هجموو بيتي علية ولج يمةة

واني اباوع لعائلتي وللوكت شلون طشرنة وكعد يضحك علينة وعلى اوجاعنة

اهلي جانو بشارع نص تلطم وصيح ونص مدنكة تبجي

واخواني اليهددون ويصيحون ويريدون ولد عمي يعوفوهم حتى يجوني ياخذوني منهم واني اشوف علي يفرفح بيد علاء ومحمد وهو يتوسل بيهم يهدو حتى يجيني

ويصيح ولكم ك..... عوفوني راح ياخذون اختي عوفوني

:ادري شنو اليوم انام هنا ترة ورانة طريق بنية بطول النعال مكدرين عليها جيبوها وتعالو خنولي يلاا فضوني

:امشي يلا ولج كافي سويتونا فرجة لأمة محمد مبيكم واحد شريف يرد هلنسوان الطلعات يلطمن بلباب ك.....انعل ابو خيركم

:سحبني حيل من متني اذني كلش وسمعت شي طك بس مهتميت وجع كلبي اكبر واني اشوفهم يسحلون بيه للسيارة معقولة يعني عود صدك هاي فرحة حتروحين

منة حصعدين وياهم؟!

لعد واهلي؟!

كمت ادفع بي وغلط عليهم وصيح

ضربني على وجهي حيل وصعدوني غصب لسيارة

خليت ادية وجهي على جام واني اشوف بابا كام من مكانة وهو يصيح

لتضربها لترفع ايدك على بنتي ولك نذل ك.... لتضرب بنتي لتضربها جيب بنتي جيبها لتاخذوهاا جيبوووو فرحتي هاي فرحة حياتي وين ماخذيها جيبوها قبل ليوصلنة بابا تحركت السيارة

ومشوو بسرعةة
وكع كلبي بحضني من الخوف خاف قبل شوية جنت خايفة واهلي داير مدايري هسة متتت خوف واني وياهم وحدي بس اني ورايحة وياهم لطريق مجهول.......

صراخ فرحة من اخذوها من اهلها 👆🏻💔