تعالي معي

البارت الثامن والثلاثون

البارت الثامن والثلاثون
للكاتبه فــاء
قصه_تـعـالي مَــعـي

........أنتِ سَند قلبِي وسِر أبتسامتِي وكُل كُلي🧡.

..................................................................

حق:فرحههه ست وينج فرحهههه

فرحه :ها ها شبيك شبيككك

حق:مو اصيحج ماسمعيني لو مغلسه حضرتج

فرحه :شتريد حق
صارلي اسبوع مااحجي وياه من يوم ضربني لهسه مااصعد للغرفه اله على كد النومه
حتى من يصبون اكل وهو موجود مااكل وياهم
خليته يتخبل ضل يدور على حجه بس حتى يحاجيني

حق:هو لو اصيحج وماتردين لو تصفنين شنو فلمج انتي
ترا اني مامرتاحلج هلفترة

فرحه:تمام

حق:عود صدك تحجين شنو تمام

فرحه:تمام يعني براحتككك أخذ الفكرة التريدهاا حق تعبت مابيه اناقشك
شتريد يصير
كام كعد كدامي لزم اديه ورفع راسه بديه وهو يباوع بعيوني

حق:مااكدر اشوفج هيج وارتاح مااريد اشوفج مكسورة خاطر مني
صيحي طولي لسانج عليه ردديني بس لا سكتين لاتكولين اي على كلشي اكوله

فرحه :هههههههه والله حيرتني اكلك اي ميعجبك
اكلك لا وارادد تضربني وتاذيني

حق:عساني بكسر والقران من ضربتج لليوم أنه ما مرتاح كلبي ياكلني اكل عليج

فرحه:طبك الم

حق:ههههههههه ها تصالحنه

فرحه:لا

حق:ليش لا

فرحه :حق اني اعرف مستحيل اخلص منك وحضل وياك عمر

حق:اي والمطلوب

فرحه :باعلي حق اني مااكدر اكمل وياك هيج
تريدني يمك وافق على شروطي عاملني مثل مااني اريد

حق:وشتريدين كليلي وأنه اسوي

فرحه:اول شي زوجتك شلون بيها فكرة ماخذة رجال من حضن زوجته وابنه موتتني
مخليتني اكرهك مااكدر اتقبلك

حق :أنه طبعا كلت احجيلك بلوكت المناسب بس دامج فتحتي الموضوع نحجي بي هسه

فرحه:شنو ؟

حق:ام محمد طلكتها أنه منزمان

فرحه:شنووو شنو شو ماادري اني عود انته صدك تحجي لو ناصب عليه

حق:لا وداعتج صدك احجي
ترا مو بس انتي تعذبتي
أنه متتتت بيوم الاجيتي ويه بيت جدج هذاك اليوم شفت الموت بعيوني
من طلعتي من البصرة طلعت روحي مني
كلشي سوت عبالي اكدر انساج حتى زوجت مرا ثانيه
بس جان عبث ولا اي شي جان كادر يخليني انساج