" အစ်မရေ ချောင်းပုစွန်တွေ ကျော့တွေ ကျော့တွေ ၁၀ သားမှ ၁၅၀၀ ပဲ အစ်မရေ ယူဦးမလား.... "ကော့နေတဲ့ပုစွန်ပုံကြီးကိုကြည့်ပြီး အိမ်ကသမီးအငယ်မ ပုစွန်သိပ်ကြိုက်တာကို သတိရလိုက်ပေမယ့် မသက် လက်ထဲမှာတင်းနေအောင်ဆုပ်ထားတဲ့ ငွေ ၃ထောင်ကို မျက်နှာ
ငယ်စွာကြည့်ကာ ငါးတန်းထဲဆက်လျှောက်လိုက်ရသည်။" ညီမလေး ဒီပုစွန်ပုံလေး ဘယ်လောက်လဲကွယ်..... "
" ၁၅၀၀ ပါ အစ်မ.... "
စျေးခုံပေါ်က ခုန်ပျံနေတဲ့ချောင်းပုစွန်တွေကပဲ စျေးကြီးသည်မဟုတ် နီတာရဲပြီးပျော့ခွေနေတဲ့ ရေခဲရိုက်ပုံစွန်အပုံလေးရဲ့စျေးကလဲ မသေးလှ....
ငါးတန်းထဲကို ဘယ်ညာ ရှေ့နောက် ခြေတိုအောင်လျှောက်နေပါသော်လဲ အခုထိ ဟင်းချက်စရာ မဝယ်ရသေး.....
" ဘဲဥ ဘယ်လိုရောင်းလဲ အကား.... "
" တစ်ထောင်ဖိုး ၄ လုံး..... "
ဘဲဥဆိုင်ရှေ့က မသက်ပြန်လှည့်ထွက်လာဖို့လုပ်ပြီးမှ ဘဲဥဗန်းဘေးက ခဝဲသီးတွေကိုတစ်ချက်လက်ညှိုးထိုးပြီး....
" အကား ခဝဲသီးတစ်တောင့် ဘယ်လောက်လဲ.... "
" တစ်တောင့် ၃၀၀ နှစ်တောင့်ယူ ၅၀၀ ပဲပေး... "
" ဟုတ်ကဲ့.... "
မသက် ချွေးစေးပြန်နေတဲ့ လက်နဲ့ ခြင်း
တောင်းကိုပြောင်းကိုင်လိုက်ပြီး ပိုက်ဆံကိုလက်ပြောင်းကိုင်လိုက်ကာ ငါးတန်းထဲ နောက်တစ်ကြိမ်ထပ်ဝင်လာခဲ့လိုက်တော့သည်။" အစ်မ ငါးကြင်းခေါင်း ဘယ်စျေးလဲ..... "
" ၁၂၀၀ စျေးညီမရေ.... ငါးခေါင်းတွေလတ်တယ်.... "
" ကျွန်မကို ၅၀ သား ချိန်ပေးပါ.... "
ငါးကြင်းခေါင်း ၅၀ သားဝယ်ပြီး ပိုတဲ့ ၂၄၀၀ ကိုဆီလေး ၂၅ကျပ်သားဝယ်လိုက်တော့ လက်ထဲ အကြွေ ၁၅၀ သာကျန်တော့သည်မို့
သူမ သိပ်ကြိုက်တဲ့ ငါးပိရည်ကျိုမွှေးမွှေး၊ တောငရုတ်သီးအကျက်မှုန့် နဲ့ ချဥ်ဖတ်စုံတို့စရာဆိုင်ရှေ့က ခပ်လေးလေးခြေလှမ်းတွေနဲ့သာ ဖြတ်ပြန်လာခဲ့ရတော့သည်။
YOU ARE READING
ဝတ္ထုတိုများ.....
Romanceရာကြိုး ရေးသမျှ ဝတ္ထုတိုအားလုံးကို စုစည်းထားပါတယ်ရှင်...... ရာႀကိဳး ေရးသမ်ွ ဝတၴုတိုအားလံုးကို စုစည္းထားပါတယ္ရွင္......