💞 ကမ္ဘာ အသင်္ချေ 💞
Part - 2
ခေမာ ကြိုးဖြင့်အချည်ခံထားရသည့် မိန်းကလေးကို ငေးကြည့်ရင်း အကဲခတ်နေမိသည်။ မရမက ရုန်းကန်နေပုံက ကြောက်လန့်တကြား ဖြစ်နေသလို ဘေးဘီကိုလဲ လိုက်ကြည့်နေ၏။ ဆာဆီက ရိက္ခာတွေ ခွဲဝေသည့် နေရာ ခဏသွားနေတာမို့ ဒီမိန်းကလေးကို စောင့်နေခိုင်းခဲ့ခြင်း ဖြစ်ကာ သူမ နဲ့ အခြား မိန်းကလေးတစ်ယောက် စောင့်နေရခြင်းပင်။
" မင်း နာမည် ဘယ်လိုခေါ်လဲ။ "
ရုန်းကန်နေရာမှ လှမ်းကြည့်တော့ ရွှေရောင် ဆံပင်ရှည်တွေက ဝဲခနဲ ဖြစ်သွားကာ မျက်ဝန်းပြာပြာလေးတွေက လက်ခနဲ။ အသားက ဖြူနုနေသလိူ ဝတ်ထားသည့် အဖြူရောင် ဂါဝန်အရှည်ကြီးက အောက်နားတွေမှာ ရွှံ့တို့ဖြင့် ညစ်ပတ်နေသည်။
" မေရီခြယ်....."
" လှတယ်...."
" ဟင်....."
တဲနန်းဆောင်အဝမှ ပေါ်ထွက်လာသည့် အသံသြသြကြီးနဲ့အတူ ပြန်ရောက်လာသည့် သူ့ကို ငေးကြည့်မိတော့ ခေမာ အပြေးလေး အပေါ်ဝတ်ရုံ သားမွှေးအင်္ကျီရှည်ကြီးကို ချွတ်ပေးကာ တိုင်တွင် သွားချိတ်လိုက်၏။
" မင်း နာမည်လေ လှတယ်...."
ခေမာ့လက်တွေ တုန့်ခနဲ ရပ်တန့်သွားရသလို ထိုမိန်းကလေးကို ကြည့်တော့လဲ မျက်လုံးလေး အဝိုင်းသား။
ဆာဆီ သူ့ကို ငေးကြည့်နေသည့် သူမဆီ လျှောက်လာရင်းမှ ဆွဲထူလိုက်ကာ လက်က ကြိုးတွေကို ဖြည်ပေးနေမိသည်။
" အကုန်ပြန်ကြတော့....."
ဆာဆီ့စကားအဆုံး ခေမာ ခေါင်းလေးခါယမ်းရင်းမှ....
" ဒီမိန်းကလေးကို ခေမာ ကြည့်ထားပါ့မယ်။ ခေါင်းဆောင် ရဲ့ တဲနန်းမှာ ဘယ်လိုမှ အဆင်ပြေမှာ မဟုတ်ဘူး။ "
ဆာဆီ ခေမာ့ကို လှမ်းကြည့်ရင်းမှ မျက်မှောင်ကြီးကျူံ့လိုက်မိသည်။
" အဆင်ပြေတာပေါ့.....မကြာခင် ဒီမိန်းကလေးဟာ ငါ့ဒေဝီ ဖြစ်လာမှာပဲ။ "
" ဟင်..."
မေရီ့ မျက်လုံးထဲ ပြာမိုက်သွားရကာ ထိုစကားက သွေးပျက်စရာ ကောင်းလွန်းနေသည်။ ဒီလူရိုင်း ကို သူမက လက်ထပ်ရမည်တဲ့လား။ အတွေးနဲ့အတူ လူက ဘာမှ မမြင်နိုင်တော့ပဲ ကြိုးလဲ သူဖြည်ပေးထားတာ ပြေနေပြီမို့ တဲအပြင်ကို ပြေးထွက်ခဲ့မိသည်။
YOU ARE READING
ကမ္ဘာအသင်္ချေ ( Complete)
Romanceကိုလိုနီခေတ် ဗြိတိသျှအင်ပါယာအားကောင်းသည့်အချိန် အရေးပိုင်မင်းကြီး၏ သမီးလေးနှင့် လူသူအရောက်အပေါက် နည်းသည့်လူရိုင်းကျွန်းသခင်တို့ ၏ Romance ပါ။
