Unicode
" ပေါင်မုန့်ကြက်ဥကြော်စားချင်လား Hoseok? "
" အင်း ... မှာလိုက်ကြရအောင် "
" မောင် လုပ်ပေးမယ်လေ "
" ဟက် ... ရေခဲသေတ္တာထဲမှာ ဝိုင်နဲ့ရေဘူးပဲရှိမယ် "
လုပ်ယူထားတာမဟုတ်တဲ့ ဟက်ကနဲရယ်လိုက်သံလေးဟာသိပ်ကိုချစ်ဖို့ကောင်းနေတာကြောင့်
သူခပ်တည်တည်ကြည့်မိတော့ဝိုင်းစက်သွားတဲ့မီးခိုးရောင်မျက်ဝန်းလေးတွေ ...
တိတိကျကျပြောရပါလျှင် အရင်တုန်းကထက်
ပိုမှုန်မှိုင်းနေတဲ့မျက်ဝန်းတွေ ...အပြင်ထွက်ဖို့ကြံနေတဲ့ကောင်လေး အိပ်ခန်းတံခါး
မဖွင့်ခင် နောက်ကနေသိမ်းဖက်လိုက်တော့
သူ့လက်ဖျံတွေကြားမှာပျောက်လုနီးပါးဖြစ်သွားတဲ့ခါးလေးက အရပ်ရှည်ရှည်ယောကျာ်းလေးတစ်ယောက်အတွက်သေးလွန်းတယ်လို့ခံစားမိသည်။" ခါးကဘယ်နှလက်မလဲ Hoseok ? "
လွှတ်ကနဲထွက်သွားတဲ့မေးခွန်းနဲ့အတူ နားရွက်ဖျားလေးတွေရဲသွားတာမြင်တော့ တစ်ခါမှမခံစားဖူးတဲ့စိတ်ကျေနပ်ခြင်းကရင်ထဲနေရာယူလာ၏။
ဒီကောင်လေးနဲ့ 12 နှစ်ဝေးကွာခဲ့ရပြီး ပြန်ဆုံတဲ့အချိန်မှာ ဘယ်အရာကိုမှအလောတကြီးမလုပ်သင့်ဘူးဆိုပေမယ့် သူ့အတွေးတွေက Hoseok နဲ့အခြေအနေတစ်ခုဆီကိုရောက်နှင့်ပြီးဖြစ်သည်။
ဒါကြောင့်ပဲ သူ့ကိုယ်သူ မောင် လို့တောက်လျှောက်သုံးနှုန်းနေမိခြင်း။ အရင်ဘ၀ကမှားယွင်းခဲ့ခြင်းတွေကို နောင်တရစွာပြုပြင်ချင်တဲ့စိတ်ကြောင့်လည်း
ပါပေမယ့် Hoseok ချစ်တဲ့ မောင်' ဖြစ်ရခြင်းကို
သူတဆိတ်နှစ်သက်လွန်းသည်။" 2 ... 26 လက်မ "
" အစာအိမ်ရောရှိရဲ့လား ... ဟင်~ "
ငွေမှင်ရောင်ဆံပင်တွေနဲ့ခေါင်းလုံးလေးပေါ်မေးတင်ရင်းပြောလိုက်တော့ ဗိုက်ကိုလာထိတဲ့တံတောင်ဆစ်တစ်ဖက် ...
" မဟုတ်တာတွေမပြောနဲ့ ... အပြင်ထွက်ရအောင် Taehyung ... ငါ လေရှူချင်လို့ "
ဖလန်နယ်ညအိပ်ဝတ်စုံထူကိုဝတ်ထားတဲ့
ကောင်လေးကထိုသို့ပြောတော့ သူကုတ်အကျီကိုဆွဲယူလိုက်သည်။ ဒီခန္ဓာကိုယ်လေးကိုလေစိမ်းတိုက်မှာ
စိတ်ပူသလို Mrs. Ford က Hoseok အအေးဒဏ်မခံနိုင်ဘူးလို့ပြောထားတာကြောင့် သူစိတ်မအေးနိုင်ပါ။
![](https://img.wattpad.com/cover/296520713-288-k824228.jpg)
VOCÊ ESTÁ LENDO
Paperwhite (Narcissus)
Fanfiction(Unicode) ငါပြန်လည်မွေးဖွားချင်တယ်မောင် ... မင်းတို့အပေါ်တင်နေတဲ့ဝဋ်ကြွေးတွေအကုန်ဆပ်ဖို့ဆုံးဖြတ်လိုက်ပြီမို့ ဒါပြီးရင်တော့ အသစ်ဖြစ်တဲ့ဘ၀တစ်ခုမှာမောင်နဲ့မဆုံအောင်နေချင်တယ် အို ... တစ်သံသရာလုံးမောင်နဲ့မဆုံအောင် မောင့်ချစ်သူနဲ့မဆုံအောင်နေချင်တယ်။ ဒါငါ...