< 사랑이 온거야 너와 나 말이야
네가 좋아 정말 못 견딜 만큼 >" တတိယနှစ်ရဲ့အတော်ဆုံးရှင်းမ်ဂျယ်ယွန်းက
Chemistry က king နဲ့ တွဲနေကြတယ် တဲ့ "ထို့ကဲ့သို့သောသတင်း ပျံ့နှံ့နေသည်မှာ ဆေးတက္ကသိုလ်နဲ့ဓါတုဗေဒက တတိယနှစ်တို့ရဲ့ group တွေထဲမှာ ဖြစ်သည်။ တွေ့နေတာ နှစ်ရက်လောက်ရှိနေပြီဆိုပေမဲ့ ဆောင်းဟွန်းကတော့ ဘာမှမဖြစ်သလို တည်တည်ငြိမ်ငြိမ်သာ။ ဘယ်ကနေဘယ်လို ဖြစ်တည်လာတဲ့စကားတွေမှန်း မသိပေမဲ့ သူ့အတွက်တော့ ကောင်းတဲ့ကိစ္စပဲလေ။ အခုထိတော့ တရားဝင်မဟုတ်သေးပေမဲ့
တချိန်ချိန်မှာတော့ ဂျယ်ယွန်းက သူ့ရဲ့ချစ်သူ ဖြစ်လာမှာပဲမဟုတ်လား။ဒီနေ့လည်း ဆောင်းဟွန်း ဆေးကျောင်းနားက ကော်ဖီဆိုင်မှာ ထိုင်နေမိသည်။ အောက်တိုဘာလထဲကို ချည်းနင်းဝင်ရောက်လာခဲ့ပြီမို့ အနွေးဓါတ်က ခပ်လျော့လျော့။ မနှစ်တုန်းက ဒီအချိန်လောက်ထိ အင်္ကျီလက်ရှည်၊ဘောင်းဘီရှည်ကြီးဝတ်ပြီး စောင်ပုံကြားထဲမှာ ကွေးနေရတာက အကောင်းဆုံးနိဗ္ဗာန်ဘုံဖြစ်ခဲ့ပေမဲ့ ဒီနှစ်မှာတော့ ထိုသို့မဟုတ်တော့ပေ။
ချစ်ရတဲ့ဂျယ်ယွန်းလေးကို ရင်ခွင်အပြည့်ထွေးပွေ့ပြီး မှေးစက်နေရခြင်းကမှ သူ့အတွက် ပြီးပြည့်စုံမှာ။
ဒီတောအတွင်း ဆောင်းဟွန်း အများကြီး လိမ္မာနေခဲ့တာမို့ ဘုရားသခင်က သူ့ရဲ့ဆုတောင်းကို ဖြည့်ဆည်းပေးကောင်းပါရဲ့။ဖုန်းရဲ့ဖန်သားပြင်ပေါ်မှာ ဖော်ပြနေတာက 3:02 pm. ဆောင်းဟွန်း တံခါးဝကိုလှမ်းကြည့်လိုက်ပေမဲ့ လူရိပ်လူယောင်ကို မတွေ့ရ။ ဒီအချိန်ဆို class ဖြုတ်ပြီပဲကို။
ပါမောက္ခက အချိန်ပိုထက်ယူပြန်ပြီ ထင်ပါရဲ့။
ကျင့်သားရနေပြီမို့ ဆောင်းဟွန်းကတော့ တံခါးဝမှအကြည့်တွေကို phone screen ပေါ်သို့သာ ပြန်လည်လွှဲပြောင်းလိုက်မိတော့သည်။
ထို့နောက်မှာတော့ တွန့်ကွေးသွားရတဲ့နှုတ်ခမ်းပါးတွေ။ အကြောင်းပြချက်ကတော့ IG မှာတင်ထားတဲ့ post တစ်ခုကြောင့်ပင်။[ ♡ နှလုံးသားထဲက ပင်လယ် ♡ ]
ရိုးရှင်းတဲ့ caption နဲ့ ရိုးရှင်းတဲ့ဓါတ်ပုံလေး။
ညကောင်းကင်အောက်က ပင်လယ်ကမ်းစပ်မှာရှိနေတဲ့ ကျောပြင်လေးတစ်ခုက ပုံထဲမှာ အထင်အရှား။
တခြားသူတွေ သိနိုင်မလားမသိပေမဲ့ ဆောင်းဟွန်းကတော့ နောက်ကျောနဲ့တင် ဂျယ်ယွန်းမှန်း တန်းသိသည်။ ထိုမျှလောက်ထိ ချစ်တာမို့၊
ထိုမျှလောက်ထိ မြတ်နိုးတာမို့...။
YOU ARE READING
My Adorable MEDIC | SUNGJAKE ✔
Romanceဖြတ်တိုက်သွားတဲ့လေပြေညင်းလေးလိုမျိုး ကျွန်တော့်နှလုံးသားကိုဖြတ်တိုက်သွားတဲ့ ဆေးကျောင်းသားလေးတစ်ယောက်...။ Start Date : 04.07.2022 End Date : 23.10.2022