راعوث

part 5 ''

راعوث :- كعدت الصبح لكيت افراح تركض وتعدل وتلبس مخابريها راح يجون ثواني بعدني نايمه بفراشي واندكت الباب شمس ورقيه راحن للمطبخ هيه وافراح واني وابرار بقينه بالغرفه وبابا استقبلهم طفرت من فراشي وكفت يم الباب اسمعهم اثاوب وبعدني بنومتي بس علمود اسمع صوته وشيحجون ثواني وطبت قدمتلهم ماي وحجه وياها الولد شلونج وهاي السوالف

- عزه والله من يمي احتريت شصاير بافراح هسه

ابرار :- هسه تلكيها عباره عن قطعه دم وحراره طكتها

راعوث :- هاي لو اني يمكن اكله هلا خويه انسه روحي فتحت السحابه مال البدي لابسه جوه كيمونه ونزعت البدي اهفي بي ورحت للكنتور اطلع ملابس

ابرار :- خايبه شنو هاذه الجسم خدرت

- بدون ما اباوعلها أردفت ، مين تجيبين هاذا الحجي

- كروري

- شنو يعني هاذه غزل لو شنو اول مره اسمع بي

- اي جاي اتغزل بيج

- اي والغزل هاذا منو علمج عليه كرار

- اي

- شلون يعني خدرتي

- راعوث

- همم

- كرار كال اريد فد يوم طلعين بدون مايدري واحد واشوفج اريد اسولف وياج شويه وحتى وراها اجي اخطبج

راعوث :- باوعتلها باستغراب ، وتردين ترحين

ابرار :- اي عادي والله بس نكعد سوه ونحجي عليج القران لا تكولين لواحد كلتلج بس الج لان اثق بيج وماتحجين لواحد

راعوث :- مادري ووين تكعدون

ابرار :- مادري كال بس طلعيلي واني اخذج لمكان ونكعد نسولف

راعوث :- خلي ياخذ اخته او أي احد ويا والله يـ ابرار اذا رحتي وحق الله افضحج فضيحه واخلي ابوي يجي وراكم ويسحلج من شعرج للبيت

- اني صوجي حجيت

- اذا هوه زلمه خلي يجي يخطبج وكعدو سوه بالحلال وبدون خوف ، سكتت ومبين ضاجت

راعوث :- احبچ

ابرار :- انجبي بعد ماصيحتي عليه

راعوث :- تكبرين وتنسين

ابرار :- اي اي انجبي ولبسي يله مو الدنيا ثلج

- تخاف عليه فديتك

- اموت عليچ

- هههه لبست البدي وكعدت صافنه اسمع صوتهم بره يحجون وره نص ساعه وراحو طبت افراح واحنه كمزنه ها شصار احجي حلو طويل كصير ابيض اسمر عنده شوارب

أفراح :- باع هذني والله بطرانات ورحت اطلع دشداشه

راعوث :- مبين حلو شو دايخه البت

افراح :- ههههه يعني ينطلع بي

راعوث :- صلوااات احس وافقت

شمس :- كوللليش

افراح :- فشلله ابوي اسكتن

شمس :- فديته المستحي

- كامت تضحك افراح وطلعت من الغرفه وافقت افراح عليه وهوه كذالك والحمدالله والشكر بعد مدة اجن النسوان جابن المهر والنيشان وتفقو على العقد يسو بالامام عقدو وكملو هاي التفاصيل وكامت تطلع تشتري غراضها وتجهز فد مره اخذتني وياها تريد ترجع ملابس كبار عليها ورحنه سوه ..

راعوث :- ماقبل يرجع اله تبديل فـ بقت افراح تكلب حسيت بدوخه والمحل خنكه همست لافراح

- راح اطلع انتضرج بره

افراح :- روحي يمه بس مو ترحين بعيد

راعوث :- طلعت بره واكفه واحس ألم بامعائي شابكه ايدي وتمشيت شويه بعيد عن المحل البي افراح وكفت كبال محل من زجاج بي اكسسوارات جاي اباوع عليهن وشفت نفسي بالجامه باوعت على كلادتي الصليب وابتسمت ماهيس اله انكلبت السماء على الارض ضلااام دامسسس ويصه باذاني نايمه بالكاع على بطني خدي متلمس الكاع فتحت عيني علكيف باوعت الدم على ايدي ماحس بوجع كلشي بيه خدران مثل المبنجه غمضت عيوني واردد بسم الله بسم الله الرحمن الرحيم صوت صريخ اطفال نسوان الدنيه مكلوبه جثث بالكاع كزاز متروسه الكاع صوت بجي ثواني وصار الصوت بعيددد وصوت وشوشه باذاني جسمي كله متكسر الدم ينزل على وجهي غمضت عيوني وروحي جاي تطلع على البطيء اشم ريحة حريك كهرباء دخلت لرائتي اسحب النفس وارجع ازفره فتحت عيوني اباوع على الناس تركض مفزوعه بس اشوف الرجلين والتراب والصايح وبجي اطفال ونسوان وخوف ورعب وموت غمضت عيوني طلع مني كلام بصوت ناصي وحسيته هاذه كلامي الاخير

- اشهد ان لا اله الا الله واشهد ان محمد رسول الله

- واني اسمع صوت ولج يممممه ابني صلاااح مااااات ، جرحه هواااي خابرو الاسعاااف ، وين بتي وين بتي ماتت بتي صارت رماد طلعولي جثة بتي ، عفيه وطن يوميه انفجار ، ماتت العالم المن صاااااااافنين

- كل واحد منهم يحجي شكل هاذه اليكول روحي وهاذه اليكول بتي واختي ومرتي سمعت الاسعاف صوتها عالي حسيتها نهاية العالم وهاذه اخر شي اسمعه واشوفه غمضت عيوني ورخيت جسمي وغبت عن الوعي ...