لا تنسون التصويت + وعلقو بين الفقرات 🫂🤎
- سحب بريك وشخطت السياره انفتحت الباب لزم كتفي الحجه وياي ونزلني من السياره طبينه لمكان مرعب كله ضباط وريحه جكاير فتح الباب وشمرني بغرفه باوعت كدامي نسوان كبار ملامحهن مرعبه مبينات وكحات ورافعات خشمهن واصله عدهن لخشمهن دك الباب تلاث دكات وأردف
رائد :- تفتيش من جماعة ايمان
- ها انتي وياهن ولج طفله طفله هسه انتي بطول زري منو علمج على هااي السوالف منو وداج لهاذا المكان اذا هلكبرج وعندج هيج سوالف من تكبرين شتسوين
راعوث :- دنكت راسي وبقيت اسمع غلطهن وشتايمهن سحبتني وحده من ايدي وفتشني تفتيش جريئ لدرجه طلعت ابجي اناشغ ورجليه يرجفن وحدهن وكلبي يرجف
- لازمني رجال غير الحاجاني من كتفي مدري وين يريد ياخذني ثواني وكف مدنكه امسح بدموعي حسيت ضل غطاني اني والولد كانو غيمه سوده غطتنه رفعت راسي وشفته واكف عملاااق حواجبه عاقجهن بعصبيه وعضلاته بارزه قميصه يريد يطك عليه وعيونه مضيقهن بعصبيه طويللل لدرجة الي يمي صار بكد النمله جواه شواربه سود ثخان بيده ملفات يكلب بيهن
- دكله تحيه اليمي و أردف
- نعم سيدي الرائد
- حجه بصوته الخشن اليوحي انو هوه شكد عملاق صوته كلش حلو وضخم وعطره حاوط المكان ويه سحبه من ريحه الجكاير
عُقاب :- وديلي البربوگ الجانت ويا غزوان لغرفة التحقيق
- سيدي الرائد هيه هاي نفسها الجانت ويا غزوان اريد اوديها لتحقيق
راعوث :- اتجهت عيونه عليه بعد ماكدر ادير وجهي حسيت جمدت بمكاني ملامحه قاااااسيه مخيييفه مبين مايعرف شنو يعني رحمه اذا انطاني نضره هاهيه اقره على روحي السلام عملاااق ما اتجرأ اباوع بعيونه اشر عليه باستهزاء و أردف
عُقاب :- هااي هااي ؟؟
- نعم سيدي الرائد
عُقاب :- وديها لغرفة التحقيق ولحد يحقق وياها لحد ان اجي خوش ، رجع أردف ، عاشك بويه شو صافن ركزت بكلامي ؟؟!
- اعتذر حاضر سيدي الرائد ، دك اله تحيه وجرني لغرفه شبه الضلمه طاوله بوسط الغرفه وكرسي مقابل كرسي فوك الطاوله كلوب ضواه خافت كعدني على الكرسي راد يطلع حجيت وراه
- عفيه شتردون مني عفيييه
- عافني وطلع بدون مايندار او يحجي سد الباب بقيت كاعده على الكرسي واشهك ودموعي على خدي كمت اسمع صوت الساعه تك تاك وينها وينها ادور بالغرفه عليها ماكو هدوء بس صوت الساعه يرن باذأني سديت اذاني حيل بس الصوت بقيت اسمعه وكانو الساعه بداخلي ساده اذاني حيل وفاتحه عيوني على وسعهن ادور على الساعه حتى بالكاع ماكو راسي يريد ينفجر اريد يروح الصوت فقدت كمت اضرب راسي على الطاوله وخرت منها وضربت وجهي حيل بيدي ومغمضه عيوني اهدأ روحي
أنت تقرأ
راعوث
Romanceالقصة حقيقية .. فتاة تقع في يد رجل ذو شخصية قوية وشجاعة، حيث أنه لا يهاب شيئًا سوى الله سبحانه وتعالى، فإذا أراد أن يحقق حلمًا يبذل ما بوسعه حتى يحققه، فالإستسلام لا يعرف له معنى .
