راعوث :- فتحت عيوني بعد نومه عميقه لكيت عليه حزام الأمان استغربت منو سواه اليه الدنيا ليل و ازدحام سيارات اشم ريحة بغداد رفعت راسي انتبهت على (بغداد السلام ترحب بكم)
- الضحكه شكت حلكي وعيوني كامن يلمعن احس اريد ابجي من الفرح بعد ماسيطر على حركاتي ابتسمت سنوني كلهن طالعات وافكر معقوله خلصت منهم شنو من تجربه عشتها شصار وياي حسيت بلحضتها ادركت اني جنت بيت دعاره وعفت اهلي يومين حسيت راسي يريد ينفجر احاول استوعب الجاي يصير وياي
- سمعته عاط بصوته الخشن انمحت ابتسامتي من الخوف ورجف جسمي بسرعه عدلت كعدتي وباوعتله بخوف فاتح الجامه مطلع ايده ولازم الجكاره بين اصابعه بصفه سياره عاط
عُقاب :- اطلع خااااالي
- خويه ازدحامات ما جاي تشوف
- فتح عيونه على وسعهن وخزره خزره من يمي خنست وحبست انفاسي
- نزل من السياره وتقدم ليكدام وكف يم عسكري سلمو ايد بايد باسه بخده دنك عليه من باسه من طوله طلعله هويته شافها دك اله تحيه والابتسامه شاكه حلكه بقه يحجي ويا ضربه على كتفه واجه لسياره يمشي ورافع صدره ومشته كلها هيبة ورزانه عبالك شارع ابوه ووحده وجهة ما يهدأ على طول معصب وعاقج حواجبه ركب السياره وانطلق
- مطرت الدنيا وترعد لفلفت روحي بالجاكيت مالته كلبي دكاته سريعه راح اوصل لبيتنه لمنطقتنه ابتسم لا ارادي بس اتخيل ارجع لحضن افراح دخل لمنطقتنه اتحمست زايد كمت اباوع من الجامه واباوع باب باب راح نوصل شفت باب بيتنه ودموعي كامت تنزل والعبره خنكتني اريد افتح باب السياره واركض ادكها ويطلع ابوي واحضنه خلصت منهم معقوله؟
عُقاب :- زقچه وين بيتگم
راعوث :- درت وجهي اله واني اضحك وابجي بهستيريا ، هاذا اشرتله على بيتنه
- طبك يم بيتنه نزل من السياره فتحلي الباب نزلت ورحت ركض على باب بيتنه ادك بيها بكل قوتي من الحماس وخايفه لا يجي واحد وياخذني ادك حيل محد يطلع نايمين لو شنو ياربي موجودين هنا يارب يارب
- وكف وراي وضله غطه على الباب كلها درت وجهي باوعتله ضخم وحيل قريب مني مخصر وواكف يباوع على المنطقه بلعت ريكي وتوترت من قربنه وطوله وضخامته
- رجعت ادك بالباب سمعت خطوات وصوت ابوي كله نعاس وتعب وقهر وبجي
ناصر :- حمحم ، منوو
راعوث :- صوتي راح وبس ابجي واناشغ فتح الباب شافني تخبل بقه فاتح عيونه على وسعهن ولون وجها تغير يريد يوكع من طوله شمرت نفسي بحضنه نسه روحه حضني حيل ويبجي مثل الطفل بحضني ويمسح على شعري يبجي ومصدوم وصوته متغير حيل يشم بيه ويباوع لملامحي ويرجع يحضني قووي اني ابجي وهوه يبجي فقد سيطرته راد يوكع لزم الحايط بايده جسمه كله يرجف ولازم صدره يجر النفس كوه
أنت تقرأ
راعوث
Romanceالقصة حقيقية .. فتاة تقع في يد رجل ذو شخصية قوية وشجاعة، حيث أنه لا يهاب شيئًا سوى الله سبحانه وتعالى، فإذا أراد أن يحقق حلمًا يبذل ما بوسعه حتى يحققه، فالإستسلام لا يعرف له معنى .
