ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*186* အရှုပ်ထုပ်လေးလေးကောင်

သူမရဲ့ အချစ်ဆုံးသူငယ်ချင်းက တန်ထျန်းမှာ ပြင်းထန်စွာ ထိခိုက်ထားပြီး အိပ်ရာထဲလဲနေတယ်လို့ကြားလိုက်တာနဲ့ ရန်ချိုးရွှမ်မှာ အခန်းထဲကနေ အလျှင်စလို ပြေးထွက်သွားတော့သည်။

ရုန်ယိကိုယ်က အမြန်လှမ်းအော်ပြောလိုက်၏။
"အမေ.. အမေ့ကို ကူညီပေးနိုင်အောင် လူနည်းနည်းလောက် ခေါ်သွားလိုက်လေ"

"မလိုဘူး.. လီယွိမြို့ဆိုတာ ငါ့ပိုင်နက်ဘဲ.. ငါ့လူတွေ အဲ့မှာရှိတယ်"
ရန်ချိုးရွှမ်က နောက်တောင်ပြန်လှည့်မကြည့်ဘဲ ထွက်သွားတော့သည်။

ရုန်ယိကိုယ်မှာ ယင်ကျင်းရဲ့ကိုသာ လှည့်ကြည့်လိုက်မိသည်။

"သူ့ကိုကူဖို့ ရှို့ကျို့ကို လူနည်းနည်းလွှတ်ခိုင်းလိုက်မယ်"
ယင်ကျင်းရဲ့က ပြောလာသည်။

ရုန်ယိကိုယ်လည်း ခေါင်းငြိမ့်ပြကာ လေရိုင်းခြင်ကို မေးလိုက်၏။
"ငါ့အမေရဲ့မိတ်ဆွေကို အဲ့လူတွေက ဘာလို့ပြဿနာရှာကြတာလဲ သိလား"

လေရိုင်းခြင်က သူ့ကိုပြန်ဖြေလာသည်။
"ပြောကြတာတော့ မြို့သခင်မရဲ့ မိတ်ဆွေက လျှို့ဝှက်နယ်မြေထဲမှာ ရှင်းမော့ခန်းမက သခင်လေးရဲ့ မှော်လက်နက်ကို လုယူသွားခဲ့ပြီး လူကိုတောင် ဒဏ်ရာရစေခဲ့သေးတယ်တဲ့"

ရုန်ယိကိုယ်မှာ အနည်းငယ်ထူးဆန်းသလို ခံစားလိုက်ရသည်။
"တစ်ဖက်လူက ရှင်းမော့ခန်းမက သခင်လေးဆိုတာ သူမသိဘူးလား"

ပုံမှန်ဆိုရင် တစ်ဖက်လူက သူမလေးမစားသွားလုပ်လို့ရမယ့်လူဆိုတာသာ သိပါက ထိုသူကို သွားရန်စမဲ့အထိတော့ ဘယ်သူမှ တုံးအကြမှာမဟုတ်ပေ။ သူ့အမေရဲ့မိတ်ဆွေက ထိုသူ့ကို သွားရန်စလောက်တဲ့အထိ ဘယ်လိုတောင် မိုက်မဲနေရပါသနည်း။

"အဲ့အချိန်မှာ သခင်လေးက ရုပ်ပြောင်းရုပ်လွှဲအင်းကွက်သုံးပြီး ရုပ်ဖျက်ထားခဲ့တာမလို့ တစ်ဖက်သူရဲ့ အဆင့်အတန်းအစစ်ကို သူမသိခဲ့ရဘူး"

ရုန်ယိခန္ဓာကိုယ် "....."

တစ္ဆေကျင့်ကြံသူတွေ မိစ္ဆာကျင့်ကြံသူတွေက ကိစ္စတွေဖြေရှင်းရာမှာ အမြဲတမ်း အညှာအတာမဲ့ ရက်စက်ကြမ်းတမ်းကြပြီး သူတို့ ဖမ်းမိသွားတဲ့သူကို လွှတ်ပေးဖို့ဆိုတာက မဖြစ်နိုင်သလောက်ပင်။ ဒါ့အပြင် သူတို့လက်ထဲ ကျရောက်သွားသူတွေက သေရင်သေ မသေရင် အပြင်းအထန် ထိခိုက်ဒဏ်ရာရသွားကြမည်သာ။ သူ့အမေ မိတ်ဆွေရဲ့ မိသားစုဝင်တွေလည်း နေရာမှာတင်သေဆုံးသွားကြဖို့ ဖြစ်နိုင်ချေအတော်လေးများသည်။