وهم الوجوه

الحلقة الخامسة

#وهم_الوجوه

الحلقة الخامسة ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

گاعدين بأمان الله ومَنسمع الة صوووت عالي ضرب ع بيباان ..

أصيل _ هاااي شگووو شصاير يمعووودات ؟؟!

هدى _ اجت العگربة مَريخ گووومي لفراشچ بَسرعة نامي صار وقت نوم ب ١٠ الگُل تنام

أصيل _ شسالفة بسجن كاعدين

استبرق _ حبوبة بعدج جديدة هناا هسه تجي جنها الخ ماهوو هيا وعودتهاا ضرب ع بيبان حتى ناام

أصيل _ يااا شسالفة غير كل وحدة بكيفها تنام

رحمه _ لا حبيبي بگيف عطارد هنا گلشي تنامين تاگلين شربين تلعبين طلعين درسين حتى اذا تردين تَرحين للحمام ماگو شي اسمه بگيفج والله مادري منو ضحك عليج وجابچ هناا گومي خية گوومي نامي

صوت مشيتها بدة يتقدم تجاه غرفتنا ويا صوتها المزعج العالي .. يلااااا الگل ع نووووم الاشوفهااا گاااعدة اگسرر رجلها شعدنه كاعدات تالي الليل مكو*** بسررررعة

طفرت لفراشي تمددت و ضلوعي موتني من وجع يوم كامل بلطريق تعب والإرهاق موتني

اول محطيت راسي ع المخدة واختفى صوت عطارد عم الهدوء واسمع ضحك البنات من جوة البطانيات

لفيت راسي ودخلت بغيبوبة من تعب نمت ومادري بدنيا طشت لو رشت

للصبح اسمع صياااح فزيت مخترعة شسالفة

البنات جانن يرتبن فراشاتهن باوعتلهن وگلت _صباح الخير بنات .. هاي شگوو شصاير

هدى _ صباح النور حبيبتي.. ماكو شي بس ريوك صباحي هذا

أصيل _ مافهمت يعني شنو

استبرق _ انتي يرادلج كعدة انعلمج قوانين بس اول نروح نتريك لان وقت واحد ماكو كل وحدة بكيفهاا تاكل وتنام وتكعد

هزيت براسي وگمنا رحنا للحمام وصدك صاير حمام نسوان صياح وضحك وشقة دنيا مگلوبة

عاطت بيهن هدى .. هيييي صوتجن وين كاااعدات الكملللت تطلللع مشوفنه هوووة الحماام تنااحة مووو وكت سوووالفجن

عاد صدگ المگملات طَلعن شوية خف وغسلنا ورحنا لقاعة جبيرة بيها طبلات وگراسي قديمات وبيهن الزنجار ماكلهن

ترَوح كل وحدة تاخذ صينية والاكل وعطارد وياها مرة ثانية واكفات تراقب خااف وحدة تأخذ اكثررر تعيط بيهااا

لگبر شهلنفسية ..

رحت اخذت الاكل جان صمونه وبيضة سلك وكلاص جاي وزيتون وجبن مثلثلات