وهم الوجوه

الحلقة الثامنة عشر

#وهم_الوجوه

الحلقة الثامنة عشر ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°

رجعت للشقة وبلباب شافتني ام علاوي سلمت علية بوستهه _ يمه تعااي عندي حجاية وياج

رحت لبيتهم دخلت _ ها يمة كوولي

_ شووفي حبيبتي اني اعرفج واعرف اخيتج ماعدج سوالف مكسرة لو يوووم شفنا شغلة مو زينه الكل يحمد بيجن واخلاقجن

_ تسلمين حبيبتي .. بس شصاير

_ والله يخالة هليومين حجي طالع ع وليد يجي يمج بلباب وتركبين وياا واني ضلت بكلبي ماصدك تطلع من العايبة واجيت اسئلج

_ لا خالة ع بختج اني عندي هيج سوالف لو اكو شي ماصارلي هاي سنين كلهه كاعدة هناا ... بس ولد زميلي بلدوام وتعرضت لحادث واندعمت سيارة وكف ويايا الولد خطية ساعدني

_ خوو مابيج شي يمة

_ لا حبيبتي مابية حمدلله وشكر عدت ع خير وسلامه

_ يبعد عمرري الله الحافظ .. والله ريحتي كلبي واني خذاني شك علليج سامحيني

_ لا خالة لتخافين ماكو شي .. يلا اني اترخص عندي شغل

_ الله يسهلج يمه..

_ حبيبتي .. سويت عشاا وصاار هوواي تعاي تعشي انتي واخيتج

_ تسلمين حبيبيتي ميحتاج عدنا خير من الله

_ لا لا ميصير اوكفي ..

نتضرتها وراحت بسرعة واجت ماعون متروس كباب وماعون ثاني دوولمه

_ هاج حبيبتي الف عافية

_ يكلبي ليش تعبتي روحج هسه

_ يلااا ولج ماكوو تعب لا ابسطج اخذي

_ هههههه يلا خووش عاشت ايدج

طلعت وصعدت للشقة والكة مسعدة بعدهي نايمة كعدتها وسويت زلاطة وطلعت صمون من مجمدة وكعدنا ناكل

كسرت حاجز الصمت واني مترددة ماعرف من شنو _ هدى شاكة بشي

باوعتلي برود _ شنهووة؟

_ ما اعرف بس شك كلللش قووي ماكدر اذا ما اتاكد منه .. شغلات غريبة تجي ع بالي

_ مثل شنوو

_ باعي هوة هذا شي نكدر نعتبرة من سابع المستحيلات بس يبقى شك بداخلي

_ راح طلعيني عن الاسلام هسه غير تحجي شك وشك فضيهااا امي

_ باعي ام قيصر من رحتلهم سولفتلي اخت رجلها تصير عمة قيصر مريضة لان اختهه ماتت ويا جهالها ورجلهه وصارت بيها حالة نفسية وهيج

_ اي شدخل

_ سبب وفاتهم لان هوة مسؤؤل بلدولة وهيج عدوات وهاي سوالف