وهم_الوجوه
الحلقة الرابعة عشر ..
للكاتبة .. زينب الشمري zan_eb15
°°°°°°°°°°°°°°°°°°°°°°°°°°°°°°°°
بكامل قيافتة واگف گبالي والبيرية نازلة على عيونه شواربة ثخنانات عيونه جواهن هالات سوداء التعب واضح عليه
اتقرب اگثر _ ليش دائماً صيرين گبالي
_ انتَ الي دتلحگني وين ماراوح اشوفك
_ اولاً احنة مو بجامعة وطلااب ولا بلمطعم تغلطين وطردين براحتج احترمي المكان والرتبة
_ محترمتها الحمد والشكر جاية أئدي واجبي وعملي حضرتك الي إجيت اذا منتبه
_ صدفة اجيت وانصدمت بيچ شجابج لهسلك ؟
_ الجابك جابني
_ اممم حلوو بعدچ جديدة واضحة
_ اي نعم
_ يلا لعد راح نشاوف هنا منا ورايح
_ ماعتقد
_ ليش
_ إحساس
_ مو شرط گُل إحساس يصيب .. ع عموم عندي شغل لازم اخلصة
_ براحتك
اتجاوزتة ورچعت لمكتبي لا حول لله هذا الرجال شكد غريب يختفي ويرجع يختفي ويرجع وياريت يوم ويومين سنة وسنتين شهلصدف الخايسة
انتبهت لملازم دعاء تراسل بجهازها وتضحك _ ها وولِج خيرج تتمضحكين
_ لا خية هيچ احجي ويا اهلي
رجعت كملت شغلي بقت الاوراق تتوقع من يم نقيب صهيب تقدمت لغرفته دكيتها بسرعة وفتحتها
شفت دعاء گلش قريبة من يمة وازرار قميصها العلوية مفتوحات وبحركة سخيفة متقربة من يمة
استأذنت ودخلت اخذت تحية وهيا بسرعة عدلت نفسها وابتعدت بحجة اوراق
قدمت الاوراق لصهيب ختمهن بسرعة وطلعت واني متقززة منها شهلتصرفات السخيفة متقربة منة بكل عين صلفة واني جنت اماشيها واضحك وياها لكبر الي
وصلني مسج من رقم أمريكي
_ مشيتج عذبتني وسحلت كلبي
فتحت حلكي ع حجي رفعت رأسي اباوع يمنى يسرى ضباط ومراجعين الوضع طبيعي ماكو عين منا منا شنو هلجرئة اليحجي بيها وياي
رديت وأيدي ترجف متوترة _ منو حضرتك ؟
الرسالة خط واحد نسد النت عندة شهلسرعة هاي
رجعت جهازي وخلص دوام لبست نظارتي الشمسية وطلعت
صادفني ملازم اول رافد _ شلونج ملازم ريان
أنت تقرأ
وهم الوجوه
Actionقصة واقعية لبنت تذوق مرارة الحياة بكل مصاعبها من اقرب الناس لها لتكون اقوى وتتحدى الحياة لتصبح اقوة ..
