#وهم_الوجوه
الحلقة السادسة ..
للكاتبة .. زينب الشمري zan_eb15
°°°°°°°°°°°°°°°°°°°°°°°°°°°°°°°°
چا يمتى يَعوف الحَزن دربي
هَلي عَصرة هِدم مَعصور گلبي
طلعت من لحمام غسلت وجهي ومجان اكو حل بأيدي غير هذا اخذت ملابسي وطلعت اتمشى على أطراف اصابيعي وصلت للحديقة والحارس مموجود وجانت الدنيا توها فجر والهدوء عام بكل مكان طلعت
شردت بليلة ضلمه تركت كلشي وراي ولو هوة كلشي ماعندي حتى اتركة وراي
طلعت بطرك هدومي لاجنسية لاصخام لالطام اصلا حتى مادري وينهن مشيت بلدرابين بلظلام تابهه ماعرف وين انطي وجهي امشي ومادري وين اروح اول يوم جان عندي فلوس كدرت اكل ونمت بين العرباين بلختلة مادري شسوي ماعرف شلون كضيتها للصبح
اني اكول نايمة بس جذب بس عيوني مغمضتهن والغصة والحركة البداخلي تاكل بكلبي اكل
بلموت طلعت الشمس وبدت الحركة بلشارع اليل يخوووف كللش يخووف بس صوت الجلاب تنسمع وضامه روحي علمود محد يشوفني ميتة خوف ورعب
ملابسي قديمة كللش وشكلي مبهذل وصخ ولابسة كلاو اصلا مامعروفة بنية ليشووفني عبالة ولد
ضليت افتر الصبح مادري وين انطي وجهي شسوي وين اروح وين اجي شافتني مرة جبيرة عبالها ولد
_ يمة متجي شيلي هاي العلاليك
رحت ساعدتها ونقلت وياها الغراض وكعدت كول الطريق تستجوبني ماجنت اجاوبها خايفة ومشيه عليها دور الولد حتى صوتي مجان مبين
المرة _ اخخخ يمية انكسر ضهري رحملة والديك خالة ساعدتني بهلعلاليك رجلية بادن من مشي
ماحجيت وياها شي وصلتهه لسيارتها وجان اكو ولد منتضرها داخل السيارة طلعت من جيبها الف دينار انطتنيا
_ لا خالة مااخذ ماريد
_ هاك يمة انته هم تنوحط وياي قابل بلاش اخليك تروح اكمش
اخذت الالف وفرررحت كللش ركضت اشتريت كعكة بخمسمية وجاي بربع وبطل مي بربع
اكلت وعيوني مغرغرة معقولة هذا حالي اني جنت اتبطر ع نعمه الله وماكل من الاكل الميعجبني صرت هيج
ضليت افتر للعصر وماعرف شسوي كلما اكعد بمكان يجي صاحب المكان ميخليني اكعد
خاف اكطع برزقة لو عبالة اجدي من الناس
الوحدة صعبة كلللش صعبة واني بنية وحدي شنو الاكدر اسوي مابيدي شي اتصنع القوة بس جذب داخلي كللش ضعيف ومكسور الخوف مستوطن افكاري اخاف من هواي شغلات
KAMU SEDANG MEMBACA
وهم الوجوه
Aksiقصة واقعية لبنت تذوق مرارة الحياة بكل مصاعبها من اقرب الناس لها لتكون اقوى وتتحدى الحياة لتصبح اقوة ..
