مُتَمردة الأسد

بارت 30

سلام زهراتي المحترمات والمحترمين

طبعا ليدز فيرست لازم النساء نرحب بيهن أول شي

ما طول عليكم قراءة ممتعة
.
.
"أختر من يكتب إليك بمبالغة ترضي غرورك."
.
.
( سنرحل في يوم من الايام ستدفن كلماتكم الجارحة معنا  ممن ستطلبون الاعتذار ؟)
.
.
(((بارت اليوم احلى من بارت البارحة)))
.
.
الكاتبة زهراء عباس 🦋

مطولت مووو😂💔

🦋🦋🦋🦋🦋🦋🦋🦋🦋🦋🦋🦋🦋

احمد:يي شنو شبيج متوترة

زهراء:اني موافقة

احمد:متأكدة من قرارج بابا ترة هاي حياة كاملة راح تعيشينها ويا وتعرفين فرق العمر الي بيناتكم فكرتي عدل لو لا

زهراء:يي متأكدة

احمد:بيها الخير ان شاءالله بعدين نرد الهم خبر

زهراء:هزيت الة راسي وگمت

احمد:گامت بدون ما تحچي سحبتها لحضني شبيج بابا اذا ما موافقة تولي شعندي غيرج أنا احچي الصراحة شبيج

زهراء:حضنتة گتلة مابية شي بس ضايجة اگول شلون راح اعوفك وأنا متعودة عليك

احمد:بابا بعد هذي هي الحياة مصير كل بنية تتزوج وتروح البيت رجلها وانتِ شوفت عينج ياهو يخطبج ما أرضة بس أسد اعرفة كلش زين وادري بي راح يصونج ورجال علي الإعتماد بس أنت اذا مترددة فكري عدل مالج غرض بلكل أهم شي راحتج

زهراء:لا هاي هي يلا أنا أروح أدرس

گمت من يمة رحت الغرفتي خايفة من قراري بس تجهت الرب العالمين ان شاءالله يقضيها گعدت أدرس اذن وصليت ما نزلت جوة ضليت أدرس الحد ما صاحتني عمة ع العشة نزلت تعشينة احمد گال العمة عمة گالت بيها الخير ردلهم خبر عفتة طلع جهازة گمت صعدت فوگ طلعت جهازي ضامتة كنت اول ما فتحتة لگيت كومة اتصالات من البنات ما اريد اتصل خليتة ورجعت اكمل دراسة مرت هيج نص ساعة واتصال اجة رفعت الجهاز مريم

_______

مريم:چنة گاعدين نتعشة واتصل جهاز أسد كلنة باوعنة علي هو عاف الخاشوگ وگعد عدل فتح الاتصال

أسد:الوو هلا احمد

احمد:هلا أبو شبل شلونك

أسد:بخير الحمدالله انت شلونك شخبارك ماكو هل ايام

احمد:بخير الحمدالله والله ملتهي بلشغل شنسوي بعد

أسد:الحمدالله ع كل حال

احمد:يي أسد ان شاءالله احنة نتشرف بيكم بكل وقت تنورنة

أسد:حسيت الدنيا ما واسعتني ما چنت متوقعها توافق گتلة والله النة الشرف ان شاءالله الاهل يتفقون على يوم ويا أهل بيتك وان شاءالله خير