مُتَمردة الأسد

بارت 40

ولكممم شنوو ادري ما عندكم دراسة ماعندكم امتحانات

يلا هذا البارت الأخير وبعد ما نزل منا لحدما اشوف الوزاري وين راح يصفة بينا الدهر

ادعوالنه حبايب بحاجة إلى دعائكم

زَهــراتِي ثقو كثير احبكم
.
.
‏تِنباس عَگدة حَاجبك وكِت الزعل تِنباس
.
.
( سنرحل في يوم من الايام ستدفن كلماتكم الجارحة معنا ممن ستطلبون الاعتذار ؟)
.
.
قراءة ممتعة 🤍
.
.
(((بارت اليوم احلى من بارت البارحه)))
.
.
الكاتبة زهراء عباس 🦋
🦋🦋🦋🦋🦋🦋🦋🦋🦋🦋
كل انسان لمن يفقد اعصابة يصير ميعرف يتصرف بصورة صحيحة ويسوي اشياء يندم عليها لمن يوعه واسد سوى شي راح يضل نادم علي طول عمرة

راجعين بالسيارة اني ومنار ويا علي بعدما صارت هوسة بالمستشفى وماگدرنه نضل و وجودنه مراح يسوي شي متكيه راسي ع الجامة واتذكر الدكتور شنو گال

فلاش باك

الدكتور : نعتذر مگدرنه نسيطر على الوضع

أسد:شنوو صار دكتور

الدكتور:فقدنه الجنين والأم بحالة حرجة لازم الها دكتورة نسائية والدكتورة النسائية ما موجودة فـ اذا معندكم مانع ايسوي العملية دكتور

أسد:لاا طبعاً

مريم:صدمه صدمه حامل للمرة الثانية ويوگع وبسبب منو بسبب أسد مگدرت اوگف على رجلي گعدت على الكرسي الوراي وأنا اتخيل ردة فعل زهراء شنو راح تسوي لو سمعت

الدكتور:اذا لازم هسة دكتورة تشوفولكم لأن اذا تركناها بعد ساعة نخسرها عن اذنكم

أسد: ويننن اكووو مستشفى مابيها دكتورةة يااااعلي

احمد:اهداءء أسد راح اخابر دكتورة مالت نبأ تجي هنا

أم أسد:يلا يمه ستعجل

منار:ويلي عليچ يزهرة ماتهنيتي بيوم

مريم:اتصل احمد على دكتورة نبأ مطولت ربع ساعة واجت تركض دخلو زهراء الصالة العمليات وتقريبا مر فوگ الساعة طلعت وگفت گدام احمد ذبت الاكفوف وتحچي

الدكتور:احمد منو زوج المريضة

احمد:أسد بشرينه دكتورة شصار

الدكتورة:نزلنه الطفل المريضة متعرضة للتعنيف لازم اندخل الشرطة بالموضوع

احمد:ما الها داعي وماكو هيچ شي

الدكتورة:احمد شنو ما أكو هيچ شي البنية متعرضة للتعنيف وكلش باين هذا الشي الكدمات الي بجسمها ورجليها ووجها تكفي تثبت هذا الشي

أسد:هي طاحت من الدرج محد متعرض الها

الدكتورة:ههههههه شابعه من هل كلام هذا ح انتضر المريضة تصحه واسئلها وذيچ الساعة الي كلام آخر