مُتَمردة الأسد

بارت 51

بسم الله الرحمن الرحيم

.
.
احتويني ك حظن امي
.
.
...؟.....؟.....؟.....؟......؟....؟.....؟.....؟.....؟...

أسد:ولك مهند اگعددد شكبرك اتصير بعد

مهند:هس شبيك وين لاگي واحد بحلاتي يبوسك

أسد:مهندددد راح ارفسك

باقر:كافي ثنينكم

حيدر:خلونا نكمل شغل

أسد:كل واحد عينا بشغلة وأنت اذا دنيت يمي ارفسك واگطع خلفتك

أدخل

الشرطي:سيدي أكو مرة تريدك

أسد:منية

مهند:ها أسد ها

أسد:سد حلگك
شبيها المرة ماعرفت شتريد

الشرطي:لا سيدي بس شايلة طفل بأيدها وهي شوية چبيرة بالعمر تگول أريد أشوف مدير المركز

أسد:اها يعني هي ماتعرفني دخلها بالة

الشرطي:حاضر سيدي

مهند:طفللللل عندها هم أسد لا ماتوقعتها منك

حيدر:مهند اتسد حلگك لو تطلع

مهند:لا سيدي أسد حلگي اريد اعرف السالفة

أسد:دخلت مرة وبيدها طفل رضيع گوة تمشي

تفضلي حجية تفضلي اگعدي هنا

الحجية:زاد فضلك يمة

أسد:اتفضلي اشربي ماي

الحجية:رحم الله والديك يمة

أسد:گعدت فحطانة وگوة تجر النفس عفتها ترتاح وحچيت
گولي حجية بشنو اخدمج

الحجية:خادم ربك يمة أنا راح احچيلك سالفتي وكونها بشاربك

أسد:امري حجية

الحجية:يمة شايف هلوليد بحضني

أسد:يي

الحجية:هذا وليد ابني الميت

أسد:الله يرحمة

الحجية:ويرحم موتاك
يمة هذا الطفل ماعندة لا أم ولا اب وأنا مرة مريضة الدكتور گلي ايامج قليلة بي المرض الخبيث أسم الله عليك ومتعدي بعد مالة علاج

أسد:لا اله إلا الله والحل حجية شنو المطلوب مني

الحجية:والله يايمة تعز عليا احچيها وهو ابن الغالي والله لو عمري طويل چا ربيتة وكبرتة بس ما باليد حيلة يا يمة رايدتك تشوفلة ناس زينة تربي لو تأخذه الميتم زين

أسد:استغفرالله

باقر:زين حجية ماعندا عمام عمات امة وين خوالة

الحجية:امة عمت عيني عليها ماشافتة حتى ماتت بالولادة وما عندة خوال هي وحيدا وعمامة مايردونة هو عم واحد وعمة وحدة گالو اذا ضل هنا نذبة بالشارع وأنا اعرفهم زين يسونها