فالمركز
العسكري : سيدي موقع سالم وعصابته .........
محمد : تمامممم
*وجي محمد شرحلهم الخطة وانه كيف بيزخونه وبيكون في خطة ثانيه اذا صار شي *
طلعو وتوجهو للمكان الي موجوده في عصابة سالم وطبعا سالم عرف انه محمد عرف مكانه وقال :
طلعت مب هين يا محمد عرفت المكان ، لاخليك تندم على فعلك
راح صوب ميثه وسحبها صوبه وهي كانت متقرفه منه ومن افعاله بقوة صارخت: هدنييييييييييييي
عصب سالم وضربها كف وقال : ان ما سكتي ما بتشوفين خير
ميثه خافت من عصبيته بس ما بينت وردت صارخت
وهالصرخه سمعها محمد وقال حق الفريق انهم يروحون يهجمون من باب الخلفي وهو يروح من باب الرئيسي وكلهم اتفقو ومشو عالخطة
دخل محمد بس ما شاف حد فجاء في حد من وراه كان ناوي يهجم عليه بس حس محمد ولف عالطول وهجم عليه وتم يضربه لين ما اغمى عليه ، وتم يدور عالمكان لين ما لقى غرفه ودخل وشاف سالم وهو زاخ ميثه رفع محمد سلاحه وقال : هدهااااااا ولا لأخليك تندممم ع الساعه الي عرفتها فيني
ابتسم سالم بخبث وقال : افا افا هاللي بيني وبينك يا محمد ، ما هقيتك جي وشد ع ميثه وهي تألمت وصارخت
صارخ محمد : هدهاااا يا حيواننن
سالم : اطلعوووو
طلعت العصابه وتوزعو ف كل الاتجاهات رفع محمد سلاحه وقال : ان مسكتني او ضريت البنت ما تلوم الا نفسككككك
ضحك سالم واشر ع الي حول محمد وقال : يوم تطلع انت سالم ساعتها ارمس وقول الي بخاطرك
سالم وهو يرمس واحد من العصابه : وين الورقه
عطاه الورقه
شل الورقه سالم وقال : استريح يا محمد بضيفك ، عاد ما انسى ضيافتك وياي فالسجن ، بتكون نفس الطريقه واحسن بعد ولا يهمك بس بعد ما انا وميثه نوقع ع هالورقه وشاف ميثه وابتسم
انقهرت ميثه وضربته ع بطنه وقالت : خسي ومن سابع المستحيلات اوقععع وصارخت : تفهممم ولا لااااا
ضحك سالم وقال : تستغبين ع منو عيوني ما تشوفين الضابط الي ابوج مرمسنه وحليله متوهق ، افرحي حرم سالم انتيه
في بيت بو زايد
الريم : الصراحه حبيت اول يوم ما توقعت بستانس هالكثر ، زين خذنا بريك من الجامعه شوي
