ثاني يوم
في بيت بو زايد
نشت ميره لبست مخوره حمرا وتمكيجت خفيف وتعطرت ولبست عبايتها وظهرت من صوب الريم لبست مخوره زرقه وحطت قلوس وتعطرت ولبست عبايتها وظهرت
زايد: حشى كل هالوقت بس عسبت تتزهبون
ميره : هيه
الريم : واصلا شو وراك انت بس تسبح وتلبس كندورتك وتظهر نحن نحتاج وقت يعنييي
زايد : بلل كلتوني يلا يلا نظهر
ميره : ويتت باكل
زايد : درب دبي وروحه زحمه وعندي مناوبه المغرب ما فيني اتأخر يلا
ميره : وانا ما بظهر من دون ما اكل
الريم : سوي دايت نزين ما باقي شي ع عرسج
ام زايد : من زود الضعف الي فيها بعد تبينها تضعف ناويه اطيرين اختج شو
زايد : هههههههههههههههههههه
ميره : شو قصدج امايه فيني والله وزني اوكيه الناس يتمنونه
ام زايد : يلا عن الدلع تعالو تريقو وبعدين ظهرو لمشاويركم
بعد ما تريقو ظهرو وركبو الموترفي بيت بو ميثه
ميثه معصبه : تستهبل هاي شو باجر ملجتي شو بلبس انا ان شاءلله
شموس : هدي بنشوف شو نقدر نسوي
ميثه : تبيني اهدي من اسبوعين ويالسه اقولها متى بتخلصين ووضحت كيف ابا اخر شي يايبه شي ما ينشاف شسوي الحين
ام ميثه : انزين خ نودي الخياط ونشوف
ميثه : ما ينفع امايه لو وديتها يحتاجون يومين ع الاقل عسب يفصلون لي لانه خلاص ها ما اقدر اسوي فيه تعديلات خربتهااا
( طبعا المصممة الي ميثه فصلت عندها خربت فستانها ومول الشكل مب حلو ما يناسب حق العروس وميثه مقهوره من هالشي ع اخر لحظه محصله فستانها واخر شي غير عن الي كان ف بالها )
شموس : في حل
ام ميثه وميثه : شو
شموس : نأجل الملجه
ميثه : هيه صح
ام ميثه : لا تخبلتو يلا يلا عن هالافكار خ نظهر وندور لج شي يناسبج
ميثه : ليش امايه خ يأجلونه عادييي شسالفه مب زاهبه
![](https://img.wattpad.com/cover/318791495-288-k842991.jpg)